മായാക്ക്, മാശ്ശിക്കാ

ഇതാണ് മായാക്ക്, മാശ്ശിക്കാ എന്നൊക്കെ പറയുന്ന ദ്രവ്യം ഒരുപ്രത്യേക ഇനത്തിലുള്ള മരത്തിൽ പ്രാണി മരക്കൊമ്പുകളിൽ തുളച്ചു അതിന്റെ കറയും .പ്രാണിയിൽ നിന്നും ചിലവസ്തുക്കളും ചേർത്തി കൂടുണ്ടാക്കി അതിൽ മുട്ടയിടും .അതാണ് മായാക്കു..ഇത് വീടുകളിൽ അത്യാവശ്യം സൂക്ഷിക്കേണ്ട ദ്രവ്യമാണ് .ഒരുപാട് ഔഷധങ്ങൾ ഇതുകൊണ്ട് ഉണ്ടാക്കി ഉപയോഗിക്കാം  .

1-മായാക്കുപൊടിച്ചുചൂടുവെള്ളത്തിൽ ഇട്ടു അരമണിക്കൂർ കഴിഞ്ഞു വായ കുലുക്കുഴിഞ്ഞാൽ വായ് പുണ്ണ് .നാക്കിലെവൃണം എന്നിവ സുഖമാകും .

2-മായാക്കു50gm.800ml വെള്ളത്തിൽ ഇട്ടു തിളപ്പിച്ച് ആറിയ ശേഷം 30മുതൽ 60ml വരെ സേവിക്കാം .എന്നാൽ വെള്ളപോക്ക് .ചുമ .അതിസ്സാരം  എന്നിവ ശമിക്കും 

3 ജാതിക്ക .മായാക്കു സമം നാരങ്ങാനീരിൽ അരച്ച് തേച്ചാൽ മുഖക്കുരു പോകും

ലശുനക്ഷീരം

ലശുനക്ഷീരം 

സാധയേൽ ശുദ്ധ ശുഷ്ക സ്യ

ല ശുനസ്യ ചതുഷ്പലം

ക്ഷീരോദകേ അഷ്ട ഗുണിതേ

ക്ഷീര ശേഷം പി ബേ ൽ സ്രുതം

വാത ഗുൽമ മുദാ വർത്തം

ഗൃദ്ധസീം വിഷമ ജ്വരം

ഹൃദ്രോഗം വി ദ്ര ധീം ശോഷം

സാധയത്യാശു തൽ പയഃ ll

അർത്ഥം : - വിധി പ്രകാരം ശുദ്ധി ചെയ്ത് ഉണക്കിയെടുത്ത വെളുള്ളി നാലു പലം എട്ടിരട്ടി പാലും വെള്ളവും കൂട്ടി ചേർത്ത് ( 32 പലം ) അതിൽ കാഥിച്ച് പാലളവാക്കി വറ്റിച്ച് അരിച്ചെടുത്ത് കുടിച്ചാൽ വാത ഗുൽമം ,ഉദാവർത്തം ,ഗൃദ്ധസി ,വിഷമ ജ്വരം ,ഹൃദ്രോഗം ,വി ദധി ,ശോഷം എന്നിവ

ശമിക്കും

ദ്രവ്യാൽ അഷ്ട ഗുണം ക്ഷീരം 

ക്ഷീരാൽ നീ രം ചതുർഗുണം 

ക്ഷീരാവ ശേഷം തൽ ഗ്രാഹ്യം 

ക്ഷീര പാകേ ത്വയം വിധിഃ എന്ന ശാർങ്ങ ധര സംഹിത വിധി ആയിരിക്കാം മേൽ പറഞ്ഞ ക്ഷീരകഷായവിധിയിൽ ഉദ്യേശിച്ചിരിക്കുന്നത് ! 

30 gm വെളുത്തുളളി ചതച്ച് കിഴികെട്ടി 200 ml പാലും , 400 ml വെള്ളവും ചേർത്തു കാച്ചി പാലളവാക്കി വറ്റിച്ച് കിഴി പിഴിഞ്ഞ് കളഞ്ഞു് സേവിക്കുക 

ചേർ മരം ( Semecarpus anacardium Linn)

ചേർ മരം ( Semecarpus anacardium Linn)

മരങ്ങളുടെ കൂട്ടത്തില്‍ എപ്പോഴും ഭീകരതയോടെ ഓര്‍ക്കുന്ന ഒരു പേരാണ് ചേര് മരം.നാട്ടിന്‍പുറങ്ങളിലെ തോട്ടിന്‍കരയിലും കാവുകളിലും കുന്നിന്‍ ചെരിവുകളിലും ചേലോടെ തഴച്ച് വളരുന്ന ചെടിയാണ് ചേര്. ഇതിന് അലക്കുചേര്, തെങ്ങുകോട്ട എന്നീ പേരുകളുമുണ്ട്. നമ്മുടെ നാട്ടിന്‍ പുറങ്ങളിലും തോട്ടിന്‍കരയിലും കാവുകളിലും എല്ലാം ചേര് മരം ധാരാളമായി ഉണ്ടാവും. ഏത് വേനലിലും ശക്തിയായി തഴച്ച് വളരുന്ന ഒന്നാണ് ചേര് മരം. ചേര് മരത്തെക്കുറിച്ച് നിരവധി വിശ്വാസങ്ങളും നമുക്ക് ചുറ്റും നിലനില്‍ക്കുന്നുണ്ട്.
ചേര് മരം വീടിന് പരിസരത്ത് വെക്കുന്നത് പൈശാചിക ശക്തികളെ ആകര്‍ഷിക്കുമെന്നാണ് പണ്ട് കാലം മുതലുള്ള വിശ്വാസം. അത് ഐശ്വര്യക്ഷയത്തിനും ആപത്ത്, എന്നിവക്കും കാരണമാകും. നെഗറ്റീവ് ശക്തികളെ ആകര്‍ഷിക്കാന്‍ ചേര് മരത്തിന് കഴിയും എന്നാണ് വിശ്വാസം. എന്നാല്‍ ചേര് ദേഹത്തായാല്‍ രണ്ടാഴ്ചയോളം ഇതിന്റെ ചൊറിച്ചില്‍ ഉണ്ടാവുന്നു. അതിലുപരി വീര്‍ത്ത് കുമിളകളായി ഭീകരവാസ്ഥയിലാവുന്നു പലപ്പോഴും ശരീരം.
പണ്ട് കാലത്ത് തന്നെ ക്ഷുദ്ര പ്രയോഗങ്ങള്‍ക്ക് ചേര് മരം ഉപയോഗിച്ചിരുന്നു. ദൃഷ്ടിദോഷം വരുത്താനും ചേരിന് കഴിയും എന്നാണ് വിശ്വാസം. അതുകൊണ്ട് തന്നെ കഴിവതും ചേര് മരം വീടിന്റെ പരിസരങ്ങളിലോ ചുറ്റുപാടോ വെക്കാന്‍ കാരണവന്‍മാര്‍ സമ്മതിക്കാറില്ല. തൊട്ടാല്‍ ചൊറിഞ്ഞ് തടിച്ച് വ്രണമാകുന്നത് എന്ന അര്‍ഥത്തില്‍ ഇതിനെ അരുഷ്‌കാരം എന്ന് സംസ്‌കൃതത്തിലും വിളിക്കും.താന്നിക്കാതോട് കഷായം വെച്ചുകൊടുത്താല്‍ വിഷം നിര്‍വീര്യമാകുമെന്ന് വിശ്വസിക്കുന്നു. പുറത്തുള്ള മുറിവിന് രക്തചന്ദനം അരച്ച് പുരട്ടിയാല്‍ ഗുണം ചെയ്യും.

മുറിവെണ്ണ

മുറിവെണ്ണ

=========

1)ഒരു ലിറ്റർ വെളിച്ചെണ്ണ

2)30ഗ്രാം ഉങ്ങിൻതൊലി 

3)30ഗ്രാംതാർതാവൽ

4)മുരിങ്ങയിലനീര്200മില്ലി

5)വെറ്റിലനീര്200മില്ലി

6)മുരിക്കിനിലനീര്200മില്ലി

7)കറ്റാർവാഴനീര്200മില്ലി

8)ചെറിയ ഉള്ളിനീര്200മില്ലി

വെളിച്ചെണ്ണയും ബാക്കി നീരുകളും ചേർത്ത് കാച്ചാൻ തുടങ്ങുക.

തിളച്ച് പകുതിയാകുബോൾ താർതാവലും,ഉങ്ങിൻതൊലിയും പൊടിച്ച് ഇടുക.

തിളവറ്റി പതയുബോൾ ഇറക്കി ആറിയതിന് ശേഷം അരിച്ച് സൂക്ഷിക്കുക.

 മുറിവെണ്ണ,ഉളുക്ക്,ചതവ്,നീർക്കെട്ട്,മുറിവ്,വേദന,കടച്ചിൽ, എന്നിവക്ക് തേച്ച് പിടിപ്പിച്ച് ഒരു മണിക്കൂർ ഇരുന്നതിന് ശേഷം കഴുകികളയാം.

 

മുറിവെണ്ണ തയ്യാറാക്കുമ്പോൾ തൊട്ടാവാടി കൂടി ചേർക്കുക കൽക്ക നായി ശതാവരി ചേർക്കുമ്പോൾ ശതാവരിക്കിഴങ്ങ് നാരു നീക്കംചെയ്തു വെണ്ണപോലെ അരച്ച് ചേർക്കുക ചെറിയ തീയിൽ വളരെ സാവകാശം അരിച്ചെടുക്കുക വളരെ ഫലപ്രദമായ ഈ എണ്ണ പൊട്ടൽ ഉള്ള അസ്ഥികൾ കൂടി ചേരുന്നതിനും ചതവുകൾ സംഭവിച്ച ഭാഗങ്ങളിൽ നീർക്കെട്ട് വലിക്കുന്നതിനും ചതവ് സംബന്ധമായ വേദനകളെ അകറ്റുന്നതിനും വളരെ ഫലപ്രദമാണ് കൂടാതെ ആക്സിഡൻറ് സംഭവിച്ചവർക്ക് ആശുപത്രി ചികിത്സക്ക് ശേഷം നീര് വലിക്കുന്നതിനും സന്ധികൾ അയഞ്ഞു കിട്ടുന്നതിനും വളരെ നല്ലതാണ് തൊട്ടാവാടി ചേർക്കുന്നതുകൊണ്ട് അത്ഭുതഫലം കാണാൻ സാധിക്കും ആയുർവേദ ഡോക്ടർമാരും വൈദ്യന്മാരും ദയവായി പരീക്ഷിച്ചുനോക്കി ക്ഷിപ്ര ഫലത്തെ കാണുന്നുണ്ടെങ്കിൽ മറ്റുള്ളവർക്ക് പകർന്നു കൊടുക്കുക

"ചൊല്ലുകിറോം പുങ്കിൻവേർ പാലകൻവേർ

അടുത്തൊരു കറ്റാഴൈ വെള്ളതാറാ

വടമാക മുരിങ്ങയിലൈ ഉള്ളിച്ചാറേ

ചാറോടു മുരുക്കിലൈ വെറ്റിലച്ചാറും

മിതമാക വകയൊന്റു പടിതാൻ പാതി

വളമാക കാലമതു ചെമൻറകാടി

വളമാക പാതിയതു അളന്തു ചേർത്തു

വാറാക ഇവയെല്ലാം ഒൻറായ് വിട്ടു 

വളമാക അടുപ്പേറ്റി തീയെ മൂട്ടി 

ചീരാക തെങ്ങിൻ നെയ്യ് പടി താൻ 

ചിറപ്പാക പതം പാർത്തു ഇറക്കി കൊള്ളെ

പതമതു പാർപ്പതർക്കും കുമരിച്ചാറും

പതം പാർത്തു ഇറക്കിയെ മുറിവിൽ 

പോട്ടാൽ എതമാന മുറിവും ഊറിപ്പോകും"

  

 {അഗസ്ത്യ മമ്മർമ്മ ശാസ്ത്രം}          

                        [മർമ്മ കണ്ണാടി]

ആശാളി

ആശാളി 

                    

ആയുർവേദത്തിലെ പ്രധാനമായ ഒരു ഔഷധസസ്യം ആണ്‌ ആശാളി. ഇതിന്റെ സംസ്കൃതനാമം ചന്ദ്രശൂരാ എന്നും ഇംഗ്ലീഷിൽ Common Cress എന്നറിയപ്പെടുന്ന ഇതിന്റെ ശാസ്ത്രീയനാമം Lepidium sativum എന്നാണ്‌ .

സവിശേഷതകൾ‍

ആശാളി കടുകിന്റെ ആകൃതിയിലുള്ള ഒരു സസ്യമാണ്‌. വളരെ ചെറിയ സസ്യം കൂടിയാണ്‌ ആശാളി. പൂവിന്‌ നീല നിറവും സസ്യത്തിന്‌ സുഗന്ധവുമുണ്ട്.

ഔഷധയോഗ്യ ഭാഗം

വിത്ത്

 രസാദി ഗുണങ്ങൾ

രസം :കടു, തിക്തം

ഗുണം :ലഘു, രൂക്ഷം, തീക്ഷ്ണം

വീര്യം :ഉഷ്ണം

വിപാകം :കടു 

ഔഷധം

കൂടാതെ ത്വക്ക് രോഗങ്ങൾ, വാതം, നേത്ര രോഗങ്ങൾ എന്നിവയ്ക്കു മരുന്നായും, മുലപ്പാൽ വർദ്ധിപ്പിക്കുന്നതിനും ആശാളി മരുന്നായി ഉപയോഗിക്കുന്നു

ഔഷധം

ചെറിയ രീതിയിലുള്ള പരിക്കുകൾക്ക് ആശാളിച്ചെടി പാലിൽ അരച്ച് കുടിക്കുന്നത് നല്ലതാണ്‌. കൂടാതെ ത്വക്ക് രോഗങ്ങൾ, വാതം, നേത്ര രോഗങ്ങൾ എന്നിവയ്ക്കു മരുന്നായും, മുലപ്പാൽ വർദ്ധിപ്പിക്കുന്നതിനും ആശാളി മരുന്നായി ഉപയോഗിക്കുന്നു.   

കഞ്ചാവ് /Bhanga/cannabis

കഞ്ചാവ് /Bhanga/cannabis

=======================

ശാസ്ത്ര നാമം:  കന്നാബിസ് സറ്റെവ

കുടുംബം      : കന്നാബിയേസി

ഇതര ഭാഷാ നാമങ്ങൾ

========================

സംസ്‌കൃതം : ഗഞ്ച, വിജയാ, സിദ്ധ പത്രി, ഭങ്ഗ, ഹർഷണ, മാതുലാനി,ഭംഗ, ജയ, മധാനി, ഇന്ദ്രശന, ഗഞ്ചയിക.

ഹിന്ദി : ചരസ് , ഗഞ്ച , ഭംഗ്.

ഇംഗ്ലീഷ് : ഇന്ത്യൻ ഹെംബ്,

തെലുങ്ക് : ഗഞ്ചേയ്, ജഗഗംഞ്ച

ബംഗാളി : സിദ്ധി , ഗഞ്ച, ബാങ്, 

മലയാളം: കഞ്ചാവ്

കന്നഡ   : ഭാംഗി സോപ്പ്

അറബി : ഹിനാബ്

തമിഴ്.    :ഭംഗി ഇലയ്, പങ്കി , കഞ്ച.

ആയുർവേദ ഗ്രന്ഥങ്ങളിൽ

========================

ഭാംഗ്‌നെ കുറിച്ച് അഥര്‍വ്വവേദത്തില്‍ പരാമർശിക്കുന്നുണ്ട്.ഭാവപ്രകാശ നിഘണ്ടുവിൽ കഞ്ചാവ് അതിസാര ഹരമായി പറയപ്പെടുന്നു. രാജ നിഘണ്ടുവിൽ കഞ്ചാവിന്റെ ഔഷധ പ്രയോഗത്തെ കുറിച്ചും ഔഷ ഗുണങ്ങളെ കുറിച്ചും പ്രതിപാതിക്കുന്നുണ്ട്.മധന പാല നിഘണ്ടുവിലും കഞ്ചാവിന്റെ ഔഷധ ഗുണത്തെ കുറച്ചു പറയുന്നു .കൂടാതെ ശോഡല നിഘണ്ടുവിലും കഞ്ചാവ്വിനെ കുറിച്ചു പരാമർശം ഉണ്ട്.ആചാര്യ ചരകൻ കുഷ്ഠ ചികിത്സയിൽ പുറമെ ഉപയോഗിക്കാൻ വിധിച്ചിരുന്നു. 

വിതരണം / Distribution

========================

ഹിമാലയ പർവത നിരകളിൽ ഇന്ത്യയിൽ കൂടുതലായി കണ്ടു വരുന്നു കാഷ്മീർ മുതൽ ആസ്സാം വരെ ഉള്ള കുളു, ചമ്പ, തെഹ്രി-ഗർവാൾ ,സിംല , ചക്രത , അൽമോറ ,മുസൂരിസ് ഹിൽ സ്റ്റേഷൻ എന്നിവിടങ്ങളിലും കേരളം മുതൽ ഗുജറാത്ത് വരെ നീളുന്ന മലഞ്ചരിവുകളിലും കണ്ടു വരുന്നു നിയമപരമായി അല്ലാതെ നട്ടുവളത്തുന്നവയും  കണ്ടു വരുന്നു .നിയമപ്രകാരം വളരെ കുറച്ചു മാത്രം നട്ടുവളർത്തുന്നു.

രൂപ വിവരണം/Botanical Description

========================

1.5 മുതൽ 5 മീറ്റർ വരെ ഉയരത്തിൽ വളരുന്ന ഒരു ഏക വർഷ കുറ്റി ചെടി ആണ് ഇത്.തണ്ടിന് പച്ചയും ചാരനിറം കലർന്ന പച്ച നിറത്തിലും കാണ പെടുന്നു .തണ്ട് നീണ്ട് വളഞ്ഞു കോണാകൃതിയിൽ കാണപ്പെടും .ഇലകൾ ഹസ്തകരമായി കാണപ്പെടും (palmately divided.)

ചെടിയുടെ താഴെ ഉള്ള ഇലകൾ: സംമുഖമായും മുകൾബിഭാഗത്തു ഉള്ള ഇലകൾ ഏകാന്തര ക്രമത്തിലും വ്യന്യസിചിരിക്കുന്നു.ഇലയുടെ അടിവശം രോമങ്ങൾ പോലെ കാണപ്പെടും ഇവ വെള്ള നിറത്തിലോ ചാര നിരത്തിലോ ആയിരിക്കും .ഇലകൾക്ക് കടും പച്ച നിറമാണ് .പൂക്കൾ: ആണ് ചെടികളിലും പെൻ ചെടികളിലും പൂക്കൾ വ്യത്യസ്തമായാണ്

 ക്രമീകരിച്ചിരിക്കുന്നത് ആണ് പൂക്കുലയിൽ പെണ് പൂങ്കുലയിൽ എന്ന പോലെ ചെറിയ ഇലകൾ കാണില്ല ഇവ  തണ്ടിൽ നിന്നും താഴേക്ക് തൂങ്ങി കിടക്കും  .പെൻപൂങ്കുല 

ചെറിയ ഇലകളോടെ കൂടി കാണപ്പെടും  ഇവയ്ക്ക് ആണ് പൂങ്കുലയ്ക്ക് സമാനമായ നീളം കാണില്ല കട്ടി കൂടുതൽ പെണ്  പൂങ്കുലയ്ക്ക് ആണ്(short axillary spikes.)

ഫലം: തവിട്ടും ചാര നിറം കലർന്നതുമാണ് ചെറിയതും പരന്നുരുണ്ട ആകൃതി ആണ് ഇതിന് .

പ്രജനനം/ കൃഷി

========================

വിത്തുകൾ വഴിയാണ് പ്രജനനം വിത്തുകൾ പാകി പുതിയ തൈകൾ മുളപ്പിക്കാം .

രാസ ഘടകങ്ങൾ /chemical constituents

========================

 തൊലിയിൽ നിന്നും ശേഖരിക്കുന്ന കറയാണ് ചരസ് , കറയോടൊപ്പം പെണ്ണ് പൂങ്കുല മുഴുവൻ ഉണക്കി എടുക്കുന്നത് ആണ് ഗഞ്ച അതായത് കഞ്ചാവ്. മൂപ്പെത്തിയ ഇല ഉണക്കി  കറ അല്ലെങ്കിൽ ചരസ് ചേർത്തു പൊടിച്ചെടുക്കുന്നതാണ് ഭാംഗ്‌ ഒരു ചെടിയിൽ നിന്നും 26% ഭാംഗ്‌ , 10% ചരസ് , 40% കഞ്ചാവ് എന്നിവ വീതിരിച്ചെടുക്കാൻ സാധിക്കും. (bhang) കഞ്ചാവിലെ ഔഷധ/ലഹരി മൂല്യമുള്ള പ്രധാന ഘടകം  ഡെൽറ്റ-9-ടെട്രഹൈഡ്രോ കന്നബിനോൾ (ടി എച് സി) എന്ന തന്മാത്രയാണ്‌.  

രസാദി ഗുണങ്ങൾ

========================

രസം : തിക്തം

ഗുണം : ലഘു, തീക്ഷ്ണം, രൂക്ഷം

വീര്യം : ഉഷ്ണം

വിപാകം : കടു

കർമ്മം : കഫ -വാതഹര, ദീപന-പാചന, ഘ്രാഹി

കഞ്ചാവ് ശുദ്ധീകരിണം

========================

ആയുർവേദ ഔഷധങ്ങളിൽ കഞ്ചാവ് ഉപയോഗിക്കും മുൻപ് ശുദ്ധീകരിക്കണം കഞ്ചാവ് കിഷി കെട്ടി പാലിൽ 3 മണിക്കൂർ തിളപ്പിക്കുക പിന്നീട് ഇത് ഉണക്കി പൊടിച്ചു ഉപയോഗിക്കുക.

ഔഷധ ഗുണം/ indication 

========================

അതിസാരം, ഗ്രഹണി , ദീപന പാചന , അഗ്നി മന്ദ്യ , അനിദ്ര , അമ്ലപിത്ത , ജലസൻരസ, ധനു സ്തംഭ , നിദ്രാ നാശ , രക്ത പ്രദര , മാധാത്യായ , ശൂല.

ഔഷധ യോഗ്യ ഭാഗം/ part used

========================

ഇല , കായ് , വിത്ത് , കറ

ആയുർവേദ യോഗങ്ങളിൽ

========================

ജാതി ഫല ചൂര്ണം, ഇന്ദ്രശനരസായന, മധനാനന്തക മോദക , പുഷപധന്വരസ, നിദ്രോധയി രസ, ബഹു മൂത്രാന്തക് രസം, മഹാജ്വരഅങ്കുഷ് രസം.

ഇന്ത്യൻ നിയമപ്രകാരം

========================1985 സെപ്റ്റമ്ബര്‍ 16-ന് ലോകസഭ പാസാക്കിയ നാര്‍ക്കോട്ടിക് ഡ്രഗ്സ് ആന്‍ഡ് സൈകോട്രോപിൿ സബ്സ്റ്റന്‍സസ് ആക്റ്റ് (ഇന്ത്യ) (Narcotic Drugs & Psychotropic Substances (NDPS) Act) പ്രകാരമാണ് ഇന്ത്യയില്‍ കഞ്ചാവിന്റെ ഉപയോഗം ഗവണ്‍മെന്റിന്റെ നിയന്ത്രണത്തിന് വിധേയമാക്കിയത്.

ചുരക്ക

ചുരക്ക 

ഔഷധഗുണമുള്ള ഒരു പച്ചക്കറിയാണ് ചുരക്ക. കുക്കുർബിറ്റേസി കുലത്തിൽ പെട്ട ചുരക്കയെ ഇംഗ്ലീഷിൽ ബോട്ടിൽ ഗൗഡ് (Bottle gourd) എന്നും സംസ്കൃതത്തിൽ തുംബീ എന്നുമാണ് അറിയപ്പെടുന്നത്. നാട്ടിൻപുറങ്ങളിലെ തൊടികളിൽ ധാരാളമായി കണ്ടുവരുന്ന ഒരു പച്ചക്കറി വിളയാണ് ചുരക്ക. ഇതിനെ ചുരങ്ങ, ചെരവക്കായ എന്നൊക്കെ പ്രാദേശികമായി വിളിയ്ക്കുന്നു.

വിവിധതരം ചുരക്കകൾ:- പാൽച്ചുരക്ക, കുംഭച്ചുരക്ക, കയ്പ്പച്ചുരക്ക എന്നിങ്ങനെ മൂന്നു വിധത്തിൽ ചുരക്കയുണ്ട്. ഇതിൽ പാൽച്ചുരക്കയും, കുംഭച്ചുരക്കയുമാണ് (കുമ്മട്ടിക്കായ) കേരളത്തിലെ നാട്ടിൻപുറങ്ങളിൽ സാധാരണ കണ്ടു വരുന്നത്.

പ്രത്യേകതകൾ:- ചുരക്കയിൽ തൊണ്ണൂറു ശതമാനത്തോളം ജലാംശമാണ്. ഇതിൽ ധാരാളം ഭക്ഷ്യയോഗ്യമായ നാരുകൾ അടങ്ങിയിരിക്കുന്നു, കൂടാതെ ഊർജവും, കൊഴുപ്പും ചുരക്കയിൽ കുറവാണ്. ശരീരഭാരം കുറയ്ക്കാൻ രാവിലെ പ്രാതലിനു മുമ്പായി ചുരക്കനീർ കുടിക്കുന്നത് ഫലപ്രദമാണ്. ചുരക്കത്തണ്ട് ആയുർവേദ മരുന്നു നിർമ്മാണത്തിന് ഉപയോഗിക്കുന്നുണ്ട്. 

ചുരക്ക കോൽപുളി ചേർത്ത് പാകം ചെയ്ത് കഴിച്ചാൽ പിത്ത കോപത്താലുണ്ടാകുന്ന എല്ലാ രോഗങ്ങൾക്കും നല്ലതാണ്. പ്രത്യേകിച്ചും മഞ്ഞപ്പിത്തം, മഹോദരം എന്നീ രോഗങ്ങൾക്ക് നല്ല ഫലംചെയ്യും. 

സാമ്പാർ ചീര

സാമ്പാർ ചീര. പോഷകസമൃദ്ധവും കൃഷി ചെയ്യാൻ വളരെ എളുപ്പമുള്ളതുമാണ് ഈ ഇലക്കറി. വിത്തിടുകയോ തണ്ട് മുറിച്ച് നടുകയോ ചെയ്യാം.

കഫ ജ്വര കുടിനീർ

കഫ  ജ്വര  കുടിനീർ

എന്തൊക്കെയാണ്  അടങ്ങി  ഇരിക്കുന്നത്  എന്ന്  അറിയാൻ  ആഗ്രഹമില്ലേ?

ആദ്യത്തെ ആൾ  നമ്മുടെ  ചുക്കാണ്. ചുക്കിന്റെ വൈറസ് രോഗങ്ങൾക്കെതിരെ പ്രത്യേകിച്ചും ശ്വാസകോശത്തെ  ബാധിക്കുന്ന വൈറസുകൾക്കെതിരെ  പടപൊരുതാൻ കഴിവുള്ളവൻ  എന്ന്  ശാസ്ത്രീയ  പരീക്ഷണങ്ങളിൽ  കൂടി  തെളിയിച്ചിട്ടുണ്ട്. രണ്ടാമൻ  തിപ്പലി. പനി കുറയ്ക്കുന്നവനാണ്, വേദനാ സംഹാരി  ആണ്.ഇവന്റെ  ആന്റി ഓക്സിഡന്റ്  ആക്ടിവിറ്റി  അങ്ങാടിപ്പാട്ടാണ്. സൂക്ഷ ജീവികളുടെ  അന്തകൻ ആണ്. മൂന്നാമൻ  നമ്മുടെ കറികളിലൊക്കെ  ചേർക്കാറുള്ള  ഗ്രാമ്പു  ആണ്. തിപ്പലിയുടെ എല്ലാ  ഗുണങ്ങളും  തികഞ്ഞവൻ  ആണവൻ. നാലാമൻ കൊടി ത്തുവ ആണ്. ഇവനെ  തൊട്ടാൽ പിന്നെ ആരും  മറക്കില്ല  ചൊറിയാൻ  ആണിവൻ. പക്ഷെ  ഇവന്റെ  വേരിനു വലിയ  പനികളെ പോലും  കുറയ്ക്കാനുള്ള  ശേഷിയുണ്ട്. അഞ്ചാമൻ അക്കിരകാരം. പുള്ളി  പനി വേദന  ഇവയെ  ഒക്കെ  കുറയ്ക്കും. ആറാമൻ ചെറു  ചുണ്ട. കഫത്തെ  ഇല്ലായ്മ  ചെയ്യും. ഏഴാമൻ  കടുക്ക ആന്റി ഓക്സിഡന്റ്  ആണ്. ആന്റി വൈറൽ ആക്ടിവിറ്റിയും ഉണ്ട്. എട്ടാമൻ  നമ്മുടെ ആടലോടകം  ആണ്. കഫത്തെ  ഇല്ലാതാക്കും. പ്ലേറ്റ്ലറ്റ് കൗണ്ട്  വർധിപ്പിക്കും. ഒൻപതാമൻ കർപ്പൂര വല്ലി  എന്ന്  വിളിക്കുന്ന  പനിക്കൂർക്ക  ആണ്. പനിയെ  കുറയ്ക്കാനുള്ള  പണിക്കൂർക്കയുടെ കഴിവ്  കൊണ്ടാണല്ലോ  മലയാളികൾ  അങ്ങനെ  വിളിക്കുന്നത്‌. വേദനാ സംഹാരി  കൂടിയാണ്. പത്താമൻ കോഷ്ട്ടം പനി  കുറയ്ക്കും, വേദനകൂടി  സംഹാരി  ആണ്. പതിനൊന്നാമൻ ചിറ്റമൃതിന്റെ  രോഗ പ്രതിരോധ  ശക്തി  വർധിപ്പിക്കുക  എന്ന  കഴിവ് എയ്ഡ്‌സ്  രോഗികളിൽ  വരെ  ഫലപ്രദമായതു  നാം കണ്ടതാണ്. പനി  കുറയ്ക്കും. ശ്വാസ  നാള  രോഗങ്ങൾക്ക്  ഫലപ്രദമാണ് പന്ത്രണ്ടാമൻ  നമ്മുടെ  കാടുകളിൽ  കാണുന്ന  ചെറു  തേക്ക്  ആണ്. ചെറു  തേക്കിന്റെ  സൂക്ഷ്മാണുകൾക്കെതിരെയുള്ള പടയോട്ടം ശാസ്ത്രീയ പരീക്ഷണങ്ങളിലൂടെ  തെളിയിച്ചതാണ്. പതി മൂന്നാമൻ  നമ്മുടെ  മുത്ത്‌ നിലവേമ്പ് (കിരിയാത്ത് ) ആണ്. പനി  കുറയ്ക്കാനും, രോഗ പ്രതിരോധ ശേഷി  വർധിപ്പിക്കാനും ഉള്ള  കിരിയാത്തിന്റെ കഴിവ്  സുപരിചിതമല്ലോ

ചിറ്റമൃത്

ചിറ്റമൃത് 

     അംബ്രോസിയ (Ambrosia) എന്ന് ഇംഗ്ലീഷില്‍ പേരുള്ള ഈ വള്ളിച്ചെടിയെ അമൃത് ടൈനോസ്പോറ കോര്‍ഡിഫോളിയ (Tinospora cordifolia ) എന്ന ശാസ്ത്രനാമത്തിലാണ് അറിയപ്പെടുന്നത് ഇത് പ്രധാനമായും രണ്ട് തരത്തിൽ ഉണ്ട്.

      ടൈനോസ്പോറ മലബാറിക്ക (Tinospora Malabarica) എന്ന ശാസ്ത്രനാമത്തിലറിയപ്പെടുന്ന കാട്ടമൃതാണ് മറ്റൊന്ന്.

     ഇതൊരു ലതാസസ്യമാണ്.  അമൃത് എന്നും ചിറ്റമൃത് എന്നും പൊതുവെ  അറിയപ്പെടുന്നു 

       മരണമില്ലാത്തത് ‍അല്ലെങ്കില്‍ ദീര്‍ഘകാലം ജീവിച്ച് മരണത്തെ അകറ്റി നിറുത്തന്നത് എന്ന പേരിന് തീര്‍ത്തും അനുയോജ്യമാണ് ഈ സസ്യം.  

      തണ്ടുമുറിച്ച് മരങ്ങളുടെ മുകളില്‍ കെട്ടിത്തൂക്കിയാല്‍ പോലും ഈ സസ്യം അതിന്റെ വേരു മുളപ്പിച്ച് താഴേക്കു വിട്ട്  അതിജീവിക്കുന്നതായി കാണാം. .

.  

      കാട്ടമൃത്, പോത്തനമൃത്, ചിറ്റമൃത് തുടങ്ങി പലയിനങ്ങളുണ്ടെങ്കിലും രോമങ്ങളില്ലാത്ത ചെറിയ ഇലകളുള്ള ചിറ്റമൃതിനാണ് ഏറ്റവും കൂടുതല്‍ ഔഷധഗുണം. 

   

     കാടുകളിലും നാട്ടിന്‍പുറങ്ങളിലും ധാരാളമുള്ള ഈ കയ്പന്‍ വള്ളിച്ചെടി  വന്‍മരങ്ങളി‍ല്‍ പടര്‍ന്നു കയറുന്നവയാണ്. ഇലയ്ക്ക് വെറ്റിലയുടെ രൂപവുമായി സാമ്യമുണ്ട്.  നല്ല മൂപ്പെത്തിയ വള്ളികള്‍ക്ക് തള്ളവിരലോളം വണ്ണമുണ്ടാകും

       ആയുര്‍വേദ വിധിപ്രകാരം കയ്പുരസവും ഉഷ്ണവീര്യവുമാണ് അമൃതിന്.   

 

     ബെര്‍ബെറിന്‍, ഗിലിയന്‍ എന്ന ആല്‍ക്കലോയിഡുകളാണ് ഇതിലെ മുഖ്യ രാസവസ്തുക്കള്‍.   പനിക്കെതിരായ ഔഷധവീര്യം മൂലം "ഇന്ത്യന്‍ ക്വിനൈന്‍ " എന്ന ഖ്യാതിയും അമൃതിനുണ്ട്.  

      വള്ളിതണ്ടാണ് ഇത് നടാനായി ഉപയോഗിക്കുന്നത്.

ഇതിന്റെ വള്ളിയും കാണ്ഡവുമാണ് ഔഷധത്തിന് ഉപയോഗിക്കുന്നത്.  ഇലകള്‍ക്ക് ഹൃദയാകൃതിയാണ്.  മുകളില്‍നിന്നും വളരുന്ന പാര്‍ശ്വ വേരുകള്‍ പിന്നീട് തണ്ടായി മാറുന്നു.

ശരീരതാപം ക്രമീകരിക്കാന്‍ അത്ഭുത ശക്തിയുള്ള ഔഷധിയാണ്

        രക്തശുദ്ധിയുണ്ടാകാനും ധാതുപുഷടി വര്‍ദ്ധിപ്പിക്കാനും, മൂത്രാശയ രോഗങ്ങള്‍, ദഹനശേഷിക്കുറവ്, പ്രമേഹം, ത്വക്കരോഗങ്ങള്‍ ഇതിനെല്ലാം അമൃത് ഫലപ്രദമാണ്.   ചിറ്റമൃത്, ദശമുലകങ്ങളുടെ വേര് തുടങ്ങിയവ ചേര്‍ത്തുണ്ടാക്കുന്ന അമൃതാരിഷ്ടം പനി കുറക്കാന്‍ വിശിഷ്ടമാണ്.

      അമൃതിന്റെ തണ്ട്, തൊലി നീക്കി ചതച്ച് നാലുമണിക്കൂര്‍ വെള്ളത്തിലിട്ടാല്‍ ഇവയുടെ നൂറ് കിട്ടും. ഒരൌണ്‍സ് നൂറ് പത്തിരട്ടി വെള്ളത്തില്‍ ചേര്‍ത്ത് 1-3 ഔണ്‍സായി ഉപയോഗിച്ചാല്‍ ശരീരത്തിലെ ചൂട് ക്രമീകരിക്കാനാകും.

      വാതജ്വരം കുറയ്ക്കാന്‍ അമൃത് നെല്ലിക്കാത്തോട്, കുമിഴിന്റെ വേര് തുടങ്ങിയ ഔഷധങ്ങള്‍ സമം ചേര്‍ത്ത് കഷായമായി ഉപയോഗിക്കാം. 

 അമൃത്, നറുനീണ്ടിക്കിഴങ്ങ്, തഴുതാമ വേര്, മുന്തിരി, ശതകുപ്പ തുടങ്ങിയവ ഉപയോഗിച്ചുണ്ടാക്കുന്ന ഗുഡുച്യാദി കഷായം വാതജ്വരത്തിനുത്തമമാണ്.

      ചിറ്റമൃത്, പച്ചോറ്റിത്തൊലി, ചെങ്ങഴങ്ങിനീര്‍ക്കിഴങ്ങ്, നറുനീണ്ടിക്കിഴങ്ങ് തുടങ്ങിയവ ചേര്‍ത്തു കഷായം വെച്ചുപയോഗിക്കുന്നത് പിത്തജ്വരം കുറയ്ക്കും.

       അമൃത്, കടുക്കാത്തോട്, ചുക്ക് തുടങ്ങിയവയടങ്ങിയ നാഗരാദികഷായം എല്ലാത്തരം പനികള്‍ക്കും ഉത്തമമാണ്.

      അമൃതിന്‍ നീര്, നെല്ലിക്കാനീര്, മഞ്ഞള്‍പൊടി ഇവ മൂന്നും 10 മി.ലി. വീതം വെറുംവയറ്റില്‍ കഴിക്കുന്നത് പ്രമേഹം കുറയ്ക്കാന്‍ ഉത്തമമാണ്.

     അമൃതിന്‍ നീര് തേനില്‍ ചേര്‍ത്തുപയോഗിക്കുന്നത് മൂത്രവര്‍ദ്ധനവിനും അസ്ഥിസ്രാവത്തിനും ഫലപ്രദമാണ്.

      

Pushyanug churna ingredients

Pushyanug churna ingredients

10 g of each of
Patha – Cyclea peltata
Jambu-bija majja – Eugenia jambolana
Amra- bija majja – Mango seed
Shilabheda (Pasanabheda) – Aerua lanata
Rasanjana ( Daruharidra ) – Berberis aristata
Ambasthaki – Cissampelos pareira
Mocharasa (Shalmali) – Salmalia malabarica
Samanga (lajjalu) – Mimosa pudica
Padma kesara (Kamala) – Nelumbo nucifera
Vahlika (Kumkuma) – Crocus sativus
Ativisa – Aconitum heterophyllum
Musta – Cyperus rotundus
Bilva – Aegle marmelos
Lodhra – Symplocos racemosa
Gairika – Red Ochre
Katphala – Myrica nagi
Maricha – Black pepper – Piper nigrum
Shunti – Ginger – Zingiber officinalis
Mrdvika (Draksha) – Raisins – Vitis vinifera
Rakta candana – Pterocarpus santalinus
Katvanga (Araluka) – Oroxylum indicum
Vatsaka (Kutaja) – Holarrhena antidysenterica
Anantha (Shwetasariva) – Hemidesmus indicus
Dhataki – Woodfordia fruticosa
Madhuka (Yasti) – Licorice – Glycyrrhiza glabra
Arjuna – Terminalia arjuna

Reference

Charaka Samhita, Chikitsa Sthana, 30/90-96
Bhaisajyaratnavali, strirogadhikara: 46-49, Astangahridayam.

സരസിജ മകരന്ദാദി ചൂർണ്ണം (sarasija makarandadi choornam)

സരസിജ മകരന്ദാദി ചൂർണ്ണം (sarasija makarandadi choornam)

സരസിജമ കരന്ദം ചന്ദനം തണ്ഡു ലീയം 

മധുകമമൃതവല്ലി ശർക്കരാഭീരു താർക്ഷ്യം 

സഹിതമധു തദ്ദേതൽ 

ചൂർണ്ണി താ സുന്ദരീണാം

രുധിര മുപനിരുദ്ധ്യാൽ യോനിമാർഗ്ഗം പ്രവൃത്തം 

താമരയല്ലി, ചന്ദനം ,ചെറു ചീര വേര് ,ഇരട്ടി മധുരം ,ചിറ്റമൃത് ,ശതാവരി കിഴങ്ങ് ,മാക്കിരകല്ല് ഇവ പൊടിച്ച് പഞ്ചസാര ചേർത്ത് മർദ്ദിച്ച് തേനിൽ കുഴച്ച് സേവിക്കുക .സ്ത്രീകൾക്കുണ്ടാകുന്ന രക്തസ്രാവം,രക്താർശ്ശസ്സിലും ശമിക്കും 

ഇരുവേലി

ഇരുവേലി 

ഇരുവേലി.. ഒറ്റ നോട്ടത്തില്‍ ഇതിനെ പനിക്കൂര്‍ക്കച്ചെടിയില്‍നിന്നും വേര്‍തിരിച്ചറിയുക കുറച്ചു പ്രയാസമാണ്. പക്ഷേ ചില ചില്ലറ വ്യത്യാസങ്ങള്‍ കാണാം. പനിക്കുര്‍ക്കില കട്ടിയുള്ളതും മാംസളവുമാണ് പക്ഷേ ഇരുവേലി ഇല നനുത്തതും താരതമ്യേന ജലാംശം കുറഞ്ഞതുമാണ്. ഗന്ധത്തിലും ഇവ തമ്മില്‍ പ്രകടമായ വ്യത്യാസമുണ്ട്.

 ഇരുവേലിയേക്കുറിച്ചാകാം ഇന്നത്തെ കുറിപ്പ്. തുളസീ കുലമായ Laminaceae ലെ അംഗമാണ് ഇരുവേലി. ശാസ്ത്രീയനാമം Plectranthus vettiverioides.  (ചിത്രം ശ്രദ്ധിക്കുക.) സംസ്കൃതത്തില്‍ ഹ്രീബേരം, വാളകം എന്നും അറിയപ്പെടുന്നു. ബഹുവര്‍ഷി മൃദുകാണ്ഡ സസ്യമാണിത്. ഇവയുടെ ഇലകൾക്ക് ഹൃദയാകൃതിയാണുള്ളത്. പ്രഭയുള്ള പച്ചനിറത്തിലുള്ള പരുക്കന്‍ ലഘുപത്രങ്ങള്‍ സന്മുഖമായി വിന്യസിച്ചിരിക്കുന്നു. ചെടി മുഴുവന്‍ ഒട്ടുന്ന മൃദുരോമങ്ങളാല്‍ ആവൃതമാക്കപ്പെട്ടിരിക്കുന്നു. അപൂര്‍വമായി പൂക്കുന്നു. പ്രധാനമായും തണ്ടു മുറിച്ചു നട്ടാണ് പ്രത്യുല്‍പാദനം. 

ഹൈന്ദവപൂജകളില്‍ ഉപയോഗിക്കുന്ന അഷ്ടഗന്ധത്തിലെ പ്രധാന ദ്രവ്യമാണ് ഇരുവേലി. (അഷ്ടഗന്ധം - അകില്‍, കുന്തിരിക്കം മാഞ്ചി, ഗുഗ്ഗുലു, ചന്ദനം, രാമച്ചം, ഇരുവേലി, കൊട്ടം. ഇവയെല്ലാം ഔഷധദ്രവ്യങ്ങളുമാണ്.  വീടുകളില്‍ അഷ്ടഗന്ധം പുകയ്ക്കുന്നത് മംഗളകരവും, രോഗനാശകവുമാണ്.)

ഔഷധപ്രയോഗങ്ങള്‍ - 

1. ഇരുവേലിയുടെ 2  ഇലയിട്ടു തിളപ്പിച്ച വെള്ളം കുടിവെള്ളമായി ഉപയോഗിച്ചാല്‍ മൂത്രക്കല്ല്, മുത്രക്കടച്ചില്‍ മുതലായ മൂത്രാശയരോഗങ്ങള്‍ പമ്പകടക്കും. 

2. പനിക്കുള്ള ഏറ്റവും വിശിഷ്ടമായ ഷടംഗം കഷായത്തിലെ ഒരു പ്രധാന ചേരുവയാണ് ഇരുവേലി. 

ബ്യഹത് ത്രിഫലാചൂർണം

ബ്യഹത് ത്രിഫലാചൂർണം

ത്രിഫലാം മധുയഷ്ടീം ച

ചൂർണയേത് സ്വർണപത്രികാം l

ഏതച്ചൂർണം യഥായുക്ത്യാ

ഘൃതേന മധുനാഥവാ

ഉഷ്ണാംബുനാവാസേവേത

നേത്രരോഗാൻ വിനാശയേൽ

മലബന്ധമപിക്ഷിപ്രം 

നിവാരയതി നിശ്ചയം II

കടുക്ക.              1 ഭാഗം

നെല്ലിക്ക.            1 ഭാഗം

താന്നിക്ക.           1 ഭാഗം

എരട്ടിമധുരം        1 ഭാഗം

സുന്നാമുക്കിയില 2ഭാഗം

ത്രിഫലാദി ചൂർണം

ത്രിഫലാദി ചൂർണം

അക്ഷാമലകയഷ്ടീനാം

പ്രത്യേകം ദ്വിപലാംശകം I

അഭയാം ഷൾപലം ചൈഷാം

ചൂർണമക്ഷ്യാമയാപഹം II

താന്നിക്ക.        1 ഭാഗം

നെല്ലിക്ക.         1 ഭാഗം

എരട്ടിമധുരം    1 ഭാഗം

കടുക്ക.            3ഭാഗം

ബലാ കൂവളാദി കഷായം

ബലാ കൂവളാദി കഷായം 

ബലാ കൂവളം മുദ്ഗവുംചുക്കജാജി 

വൃഷാ ലാജവും ചൂതത്തെട്ടും കരിമ്പും

സമം കൊണ്ടു രാത്രൗ കുടിക്കും കഷായം

ശമം ചേർക്കുമാശ്വാസ കാ സാരു ചീനാം

 കുറുന്തോട്ടിവേര് ,കൂവളത്തിന് വേർ ,ചെറുപയർ ,ചുക്ക് ,ജീരകം ,ആടലോടക വേര് ,മലര് ,മാവിലത്തെട്ട് കരിമ്പിൻ വേർ ഇവ സമം കഷായം വെച്ച് സേവിക്കുക .ശ്വാസം ,കാസം ,അരചി ഇവ ശമിക്കും 

മേമ്പൊടി: ധാന്വന്തരം / വായു ഗുളിക ചേർക്കാം !

Dusparsakadi Kashayam

Dusparsakadi Kashayam: 

Uses, Dose, Ingredients, Side Effects

Dusparsakadi Kashayam is an Ayurvedic herbal decoction, used for the treatment for  hemorrhoids and fistula. 

Uses of Dusparsakadi Kashayam, Kwatham (tablet)

Excellent in pain and other symptoms related with piles and fistula.

It improves digestion strength and eases bowel movements.

Ingredients of Dusparsakadi Kashayam:

Dusparsha (Mucuna pruriens)

Bilva (Aegle marmelos)

Yavani (Carum copticum)

Nagara (Zingiber officinale)

Patha (Cyclea peltata)

Dosage of Dusparsakadi Kashayam:

5-15 ml mixed with 4 times of boiled and cooled water, or as directed by the physician.

Dose of Dusparsakadi Kwatham (tabet) –

1 – 2 tablets, once or twice a day, 30 minutes before food with a cup of water, or as directed by Ayurvedic doctor.

Reference: Astangahridayam.

बिल्व (കൂവളം)

बिल्व (കൂവളം)

लक्ष्मीफल ,महाफलः 

श्रीगन्धफलो ,महाकपित्थो ,सदाफलः 

Aegle marmelos

കൂവളം 

Leaf

वातश्लेष्महरस्तस्य पत्रं सङ्ग्राहि वातजित् ||

Fruit 

श्रीफलस्तुवरस्तिक्तो ग्राही रूक्षोऽग्निपित्तकृत् |

वातश्लेष्महरो बल्यो लघुरुष्णश्च पाचनः ||

Bilva patra

बिल्वाणां दर्शनं पुण्यं स्पर्शनं पापनाशनं

अघॊर पापसंहारम् ऎकबिल्वं शिवार्पणं

BALA ( Sida cordifolia )

BALA ( Sida cordifolia )

 " बला साङ्ग्राहिक बल्य वातहराणां "

                             (चरकसंहिता ,अग्र्य  औषध )

बलाकषायकल्काभ्यां तैलं क्षीरसमं पचेत्

सहस्रं  शतवारं वा वातासृग्वातरोगनुत्||

(Processing  decoction of Bala  in oil, with Bala kalka and Milk for  100 or 1000 times)

रसायनमिदं श्रेष्ठमिन्द्रियाणां प्रसादनम्|

जीवनं बृंहणं स्वर्यं शुक्रासृग्दोषनाशनम्||

इति सहस्रपाकं शतपाकं वा बलातैलम्| (चरकसंहिता)

बलाचतुष्टयं शीतं मधुरं बलकान्तिकृत् |

स्निग्धं ग्राहि समीरास्रपित्तास्रक्षतनाशनम् ||(भावप्रकाश)

ഗുളശുണ്ഠിക്ക് ഒരു കഷായം

ഗുളശുണ്ഠിക്ക് ഒരു കഷായം

ശുണ്ഠ്യാ: കർഷം ഗുളസ്യ ദ്വൌ

ധൗതാൽ കൃഷ്ണതിലാൻ പലം I

ഖാദന്നേകത്രസഞ്ചൂർണ്യ

കോഷ്ണക്ഷീരാനുപോജയേൽ II

വാതഹൃദ്രോഗ ഗുൽമാർശോ

യോനി ശൂല ശകൃദ്ഗ്രഹാൻ I

അഗ്നിദീപ്തിക്ക് ഒരു കഷായം

അഗ്നിദീപ്തിക്ക് ഒരു കഷായം 

സാജമോജലവണാഹരീതകീ

നാഗരേണ സഹിതാ സപിപ്പലീ  I

മദ്യതക്രതരുണോഷ്ണവാരിഭിഃ

പീതമഗ്നിമചിരേണ ദീപയേൽ II

ഭാർങ്ഗ്യാദി കഷായം

ഭാർങ്ഗ്യാദി കഷായം

ഭാർങ്ഗീ കണാ കാ സഹരീ ഹരിദാ 

വാ ശാമൃതാ നാഗരധാന്യകാ നാം

ക്വാഥോ ജയേൽ ശ്വാസമതി പ്രവൃദ്ധം

ക്ഷണേന തീക്ഷ്ണോത്ഥപരാഗമിശ്ര: 

അർത്ഥം: ചെറുതേക്കിൻ വേർ .തിപ്പലി ,പൊന്നാ മര വേർ ,മഞ്ഞൾ ,മരമഞ്ഞൾ ത്തൊലി ,ആടലോടക വേർ ,ചിറ്റമൃത് ,ചുക്ക് ,കൊത്തമ്പാ ല രി ,ഇവ കഷായം വെച്ച് കുരുമുളക് പൊടി മേമ്പൊടി ചേർത്ത് സേവിച്ചാൽ വർദ്ധിച്ച ശ്വാസകാ സങ്ങൾ ശമിക്കും ( Bronchial asthma )

ദന്തപ്പാല

ദന്തപ്പാല

ഇന്ത്യയിലുടനീളം 1200 മീറ്റർ ഉയരം വരെയുള്ള ഇലപൊഴിക്കുന്ന ശുഷ്കവനങ്ങളിലും ആർദ്രവനങ്ങളിലും ഉള്ള ചെറിയ മരമാണ് അപ്പോസൈനേസി (Apocynaceae) എന്ന സസ്യകുലത്തിൽപ്പെടുന്ന ദന്തപ്പാല അഥവാ വെട്ടുപാല. (danthapala) (ഇംഗ്ലീഷ്: Sweet Indrajao). ഇതിന്റെ ശാസ്ത്രീയനാമം Wrightia tinctoria എന്നാണ്‌.  സോറിയാസിസ് എന്ന രോഗത്തിനു ഫലപ്രദമായ മരുന്നായി ദന്തപാലയെ വർഷങ്ങളായി ആയുർവേദവും നാട്ടുവൈദ്യവും ഉപയൊഗിച്ചുവരുന്നു. 

 

ഇതരഭാഷാ നാമങ്ങൾ

• സംസ്കൃതം - ശ്വേതകുടജ, സ്ത്രീ കുടജ (स्त्री कुटज)

• ഇംഗ്ലീഷ് - ഐവറി വുഡ്, സ്റ്റീറ്റ് ഇന്ദ്രജോ

• ഹിന്ദി - ദുധി, (दुधी) ഇന്ദാർജോ

• മലയാളം - വെട്ടുപാല, വെൺപാല, അയ്യപ്പാല, ഗന്ധപ്പാല

• ഗുജറാത്തി - ദുദലോ ( દૂધલો )

• കന്നഡ- അജമറ (ಅಜಮರ )

• തെലുങ്ക് - അങ്കുഡുച്ചെട്ടു (అంకుడుచెట్టు )

സ്വദേശം

ഇലകൾക്ക് 8-10 സെ.മീ നീളം ഉണ്ട്, 12 ജോഡി ഞരമ്പുകൾ പ്രധാനമായും ഉണ്ടു്

ഭാരതമാണ് ഈ സസ്യത്തിന്റെ സ്വദേശം. ബർമ്മയിലും ധാരാളം കണ്ടുവരുന്നു. എന്നാൽ കേരളത്തിൽ ദന്തപ്പാല സാധാരണയായി ഇല്ലെങ്കിലും ഇപ്പോൾ പല സ്ഥലത്തും ധാരാളം വളരുന്നുണ്ട്. പീച്ചിയിലും കുതിരാന്റെ കയറ്റത്തിലും idukki mariyapuram ഇത് ധാരാളം വളരുന്നുണ്ട്. തമിഴ്നാട്ടിലെ മധുര, കാഞ്ചീപുരം, തിരുമങ്കലം, തഞ്ചാവൂർ എന്നീ സ്ഥലങ്ങളിൽ ദന്തപ്പാല വളരെയധികം കണ്ടു വരുന്നു.

വിവരണം

ദന്തപാലയുടെ കായ്- ഒരു പൂവിൽ നിന്നും രണ്ട് കായ് ഒട്ടിച്ചേർന്ന രീതിയിൽ ഉണ്ടാകും

5-10 മീറ്റർ ഉയരത്തിൽ വളരുന്ന ഇലകൊഴിയും മരം. ഇലയിലും തണ്ടിലും വെള്ള കറയുണ്ട്. തടിക്ക് വെണ്ണ നിറം. ഇലകൾ വിവിധ വലിപ്പത്തിൽ ആണു്. ഇവ സമ്മുഖമായി വിന്യസിച്ചിരിക്കുന്നു. അനുപർണ്ണങ്ങളില്ല. ഇലക്ക് 8-15 സെ.മീ. നീളവും 3-6 സെ.മീ. വീതിയും ഉണ്ട്. 12 ജോഡി പ്രധാന ഞരമ്പുകൾ ഉണ്ടു്. വെള്ള നിറത്തിലുള്ള പൂക്കൾ പൂങ്കുലയിൽ ഉണ്ടു്. പൂക്കൾക്ക് മണമുണ്ട്. ബാഹ്യദളപുടം ദീർഘസ്ഥായി, ബാഹ്യ ദളപുടത്തിനും ദളപുടത്തിനും 5 കർണ്ണങ്ങൾ ഉണ്ട്. ഒരു പൂവിൽ നിന്നും 2 കായ് ഉണ്ടാകും. അവയുടെ അഗ്രം ഒട്ടിച്ചേർന്നിരിക്കും .

ഔഷധയോഗ്യ ഭാഗം

ഇല, പട്ട , വിത്ത് 

രസാദി ഗുണങ്ങൾ

• രസം : തിക്തകഷായം

• ഗുണം :രൂക്ഷം

• വീര്യം :ശീതം

• വിപാകം :കടു

രാസഘടകങ്ങൾ

ഇലകളിൽ അമിനോ ആസിഡുകളും ഫ്ലാവനോയ്ഡുകളും ലൂപിയോൾ എന്ന ട്രൈടെർപ്പനോയ്ഡും ബീറ്റ സൈറ്റോസ്റ്റീറൊൾ എന്ന സ്റ്റീറോയ്ഡും അടങ്ങിയിരിക്കുന്നു. ട്രിപ്റ്റോഫാൻ, ഒക്റ്റാഡെകെനോയിക് അമ്‌ളം, ആസ്പർടിക് അമ്‌ളം, ഗ്ലൈസീൻ, ല്യൂസീൻ, ഗ്ലൂടാമിക് അമ്‌ളം, എന്നിവയാണ് അമീനോ അമ്‌ളങ്ങൾ. റൈറ്റിൻ, ഹെസ്പെറിഡിൻ, ബീറ്റാ ആമൈറിൻ എന്നീ ഫ്‌ളാവനോയ്ഡുകൾ അടങ്ങിയിരിക്കുന്നു. [വിത്ത്|വിത്തിൽ]] ലിനോലിക് അമ്‌ളം, ഒലേയിക് അമ്‌ളം, മൈരിസ്റ്റിക് അമ്‌ളം, പാമിറ്റിക് അമ്‌ളം സ്റ്റീയറിക് അമ്‌ളം എന്നിവ ഉണ്ട്. 

ഔഷധപ്രയോഗങ്ങൾ

ഈ ഔഷധം തമിഴ്നാട്ടിൽ മുഖ്യമായും പ്രചാരത്തിലുള്ള സിദ്ധവൈദ്യത്തിൽ ഉള്ളതാണ്. അഷ്ടാംഗഹൃദയാദി ആയുർവേദഗ്രന്ഥങ്ങളിൽ ഒന്നിലും ഈ ദന്തപ്പാലയെക്കുറിച്ച് പ്രസ്താവങ്ങൾ ഇല്ല. ഹദ് ദന്തപ്പായ തൈലവും അയ്യപ്പാല തൈലവും ദന്തപ്പാല ചേർന്ന വെളിച്ചെണ്ണ തൈലമാണ്. സോറിയാസിസ് എന്ന ത്വക് രോഗത്തിന് ഏറ്റവും പ്രധാനപ്പെട്ട ഔഷധമാണ് ദന്തപ്പാല. ഇതിന്റെ ഇല കൊണ്ടുവന്ന ഇരുമ്പ് തൊടാതെ നുള്ളി നുള്ളി ചെറുതാക്കി ഒരു മൺചട്ടിയിൽ ഇട്ട്, മൂടത്തക്കവണ്ണം വെളിച്ചെണ്ണ ഒഴിച്ച് (ഒരു കിലോ ഇലയ്ക്ക് ഒരു കിലോ വെളിച്ചെണ്ണ എന്ന തോതിൽ) വെയിലത്ത് വയ്ക്കുക. ഏഴ് ദിവസം മുഴുവനും വെയിൽ കൊള്ളിച്ചതിനുശേഷം എട്ടാം ദിവസം പിഴിഞ്ഞ് അരിച്ച് എടുത്ത് ഒരു കുപ്പിയിൽ ആക്കുക. (പ്ലാസ്റ്റിക് കുപ്പി ഒഴിവാക്കുക) 

ഇത് വാതക്കൊടി

വാതക്കൊടി ഇലക്കിഴിക്ക് നല്ലതാണ്. വാരോഗികൾക്ക് സമൂലം തിളപ്പിച്ച് ച്ച ഇളംചൂടിൽ വെള്ളത്തിൽ ദേഹം കഴുകുന്നത് നല്ലതാണ് ആണ്. മുറിവുണങ്ങാൻ ഉപയോഗിക്കും തീപ്പൊള്ളലിന് ഉപയോഗിക്കാം

ഹാപ്പി ഈസ്റ്റർ

ഇന്നാണ് ക്രിസ്തു ഉയർത്തെഴുന്നേറ്റ ദിവസം എന്നുപറഞ്ഞാൽ തന്റെ  സ്വർഗ്ഗസ്ഥനായ പിതാവ് ഏല്പിച്ച ദൗത്യം മരണ യാതനകളിലൂടെ വിജയകരമായി പൂർത്തീകരിച്ച് മരണത്തെ ജയിച്ച ദിവസം. ഉയർത്തെഴുന്നേറ്റ് കുറച്ചുദിവസം കൂടി ക്രിസ്തു തന്റെ ശിഷ്യന്മാരെ ശക്തിപ്പെടുത്താൻ ഈ ഭൂമിയിൽ ഉണ്ടായിരുന്നു. അതിനുശേഷം ക്രിസ്തു

തന്റെ പിതാവിന്റെ പക്കലേക്ക് തിരിച്ചുപോയി തന്നിൽ വിശ്വസിക്കുന്നവർക്ക്  താൻ വാഗ്ദാനം ചെയ്ത സഹായകനെ (പരിശുദ്ധാത്മാവിനെ)

അവരുടെ അടുത്തേക്ക് അയച്ചു. ആ പരിശുദ്ധാത്മാവിനെ സാന്നിധ്യം ഇന്നും സഭയിൽ ഉണ്ട് അതാണ് സഭയെ തകർക്കാൻ മറ്റുള്ളവർ ശ്രമിക്കുമ്പോഴും അത് പൂർവാധികം ശക്തിയോടുകൂടി  വളർന്നുകൊണ്ടിരിക്കുന്നത്. എന്നാൽ ആ പരിശുദ്ധാരൂപി തരുന്ന കൃപകൾ ദുരുപയോഗം ചെയ്യുന്ന ഒരുപാട് വ്യാജ പ്രവാചകന്മാർ ഉള്ള ഒരു കാലഘട്ടത്തിലാണ് നമ്മൾ ജീവിക്കുന്നത് വേണമെങ്കിൽ അവരെ ആട്ടിൻ തോലിട്ട ചെന്നായ്ക്കൾ എന്ന് വിളിക്കാം. അവരുടെ കരാളഹസ്തങ്ങളിൽ അമർന്ന് ഒരുപാട് ജീവിതങ്ങൾ തകർന്നു പോയിട്ടുണ്ട് എന്നത് ഒരു സത്യമാണ്. ദൈവത്തെ വിറ്റ് കാശാക്കുന്നവർ അല്ലെങ്കിൽ ദൈവനാമം ദുരുപയോഗം ചെയ്യുന്ന കാട്ടാളൻമാരാണ് ഈ ആട്ടിൻ തോലിട്ട ചെന്നായ്ക്കൾ. മറ്റുള്ളവരെ ചൂഷണം ചെയ്തു ജീവിക്കുന്ന ഇത്തിക്കണ്ണികൾ ആയി ഇന്നും അവർ സമൂഹത്തിൽ പടർന്ന് പന്തലിച്ച് നിൽക്കുന്നു. നമ്മളെ ഭയപ്പെടുത്തുന്ന ഈ കൊറോണാ വൈറസിനെകാളും നമ്മൾ ഭയപ്പെടേണ്ട വൈറസുകളാണ് ഈ വ്യാജ പ്രവാചകന്മാർ. കാരണം ഇത്തരം വ്യാജ പ്രവാചകന്മാർ നമ്മുടെ ശരീരത്തിനും മനസ്സിനും മാത്രമല്ല ആത്മാവിനെയും നശിപ്പിക്കാൻ ശക്തിയുള്ളവരാണ്. കർത്താവ് പറഞ്ഞ ഒരു കാര്യമുണ്ട് പ്രലോഭനങ്ങളിൽ ഉൾപ്പെടാതിരിക്കാൻ നിങ്ങൾ  ഉണർന്നിരുന്ന് പ്രാർത്ഥിക്കുവിൻ എന്ന് കാരണം നമ്മുടെ ഉൾകണ്ണ് തുറന്നാൽ മാത്രമേ ഇത്തരം തെറ്റായ പ്രബോധനങ്ങൾ വിളമ്പുന്ന വ്യാജ പ്രവാചകന്മാരെ തിരിച്ചറിയാൻ നമുക്ക് സാധിക്കുകയുള്ളൂ അല്ലെങ്കിൽ നിങ്ങൾ അവരുടെ മനോഹരമായ എട്ടുകാലി വലയിൽ വീണ് പോകും. നിങ്ങളെ ഭയപ്പെടുത്തിയും നിങ്ങളുടെ വിശ്വാസത്തെ ചൂഷണം ചെയ്തും ജീവിക്കുന്ന ഇത്തരം ആട്ടിൻ തോലിട്ട ചെന്നായ്ക്കളിൽ നിന്ന് മോചിതരായി ക്രിസ്തുവിനെപ്പോലെ ഉയർത്തെഴുന്നേൽക്കാൻ നിങ്ങൾക്ക് സാധിക്കട്ടെ. എന്റെ എല്ലാ പ്രിയ സുഹൃത്തുക്കൾക്കും ഉയർപ്പ് തിരുന്നാളിന്റ മംഗളാശംസകൾ നേരുന്നു.

Dr.Pouse

മലയാറ്റൂർ മല കയറ്റം

എല്ലാ വർഷവും മുടങ്ങാതെ ചെയ്യുന്ന ഒരു പരിപാടിയുണ്ട് ''മലയാറ്റൂർ മല കയറ്റം'' മിക്കവാറും വൈകിട്ട് ഒരു അഞ്ചുമണിക്ക് കേറി തിരിച്ചു ഒരു 6 മണിക്ക് മലയിറങ്ങും തിരിച്ച് വീട്ടിൽ ഒരു 8 മണിക്ക് എത്തും. ഞങ്ങൾ കോക്കുന്ന് കാർക്ക് ആനപ്പാറ മഞ്ഞപ്ര വഴി മലയാറ്റൂർ പോകാൻ എളുപ്പമാണ് നല്ല സ്പീഡിൽ അങ്ങ് പോയാൽ ഒരു അരമണിക്കൂർ മലയാറ്റൂർ എത്തും. മലകയറുമ്പോൾ ആണ് ഞാൻ എന്റെ ശരീരത്തിന് ഈ വർഷം സ്റ്റാമിന കുറഞ്ഞൊ കൂടിയോ എന്ന്  അളന്നു നോക്കുന്നത്. ഇതേവരെ മലകയറുമ്പോൾ കിതപ്പ് ഒന്നും ഉണ്ടായിട്ടില്ല എന്നത് ഒരു സമാധാനം. ഇടയ്ക്ക് ചില അമ്മാമമാരും അപ്പാപ്പൻമാരും മലകയറുന്നത് കാണാം ചിലപ്പോൾ വയസ്സ് ഒരു 80 കഴിഞ്ഞിട്ടുണ്ടാവും എന്നാലും അവർ മെല്ലെ മെല്ലെ മുത്തപ്പനെ കാണാൻ മലകയറി ഇറങ്ങും. അവരെ കാണുമ്പോൾ എനിക്കവരോട് ഒരു അസൂയ തോന്നും ദൈവമേ എന്ത് ആരോഗ്യം തന്നാണ് നീ അവരെ അനുഗ്രഹിച്ചിരിക്കുന്നത്....ഞാനും ഇതേപോലെ വയസ്സാകുമ്പോൾ എനിക്കും ഇതേ പോലെ മല കയറാൻ പറ്റുമോ എന്റെ കർത്താവേ സാധ്യത കുറവാണ് എന്നും വിചാരിച്ച് ഒരു ദീർഘനിശ്വാസം വിട്ട് മലകയറും. എന്തായാലും വയസ്സാൻ കാലത്ത് അവരുടെ ചുറുചുറുക്ക് സമ്മതിച്ച് കൊടുത്തേ പറ്റൂ ഭാഗ്യവാന്മാർ എന്ന് ഒറ്റവാക്കിൽ പറയാം. മലയുടെ മുകളിൽ കയറി കുറച്ചു നേരം ആ പാറയിൽ കിടന്നു കാറ്റുകൊള്ളാൻ നല്ല രസമാണ്. ഒരുവർഷം മലയാറ്റൂർ പോകാതെ കനകമല കയറി ഉച്ചയ്ക്കാണ് കയറിയത് അന്ന് ആൾക്കാർ തീരെ ഉണ്ടായില്ല പൊടിപിടിച്ച വഴിയാണ് സൂര്യൻ ഉച്ചിയിൽ നിൽക്കുന്നതുകൊണ്ട് നല്ലവണ്ണം വെള്ളം ദാഹവും ഉണ്ട് ഇടയ്ക്ക് പൈപ്പ് ഉള്ളത് കൊണ്ട് വെള്ളം കുടിച്ച് മെല്ലെമെല്ലെ അങ്ങ് മുകളിൽ എത്തി. കനക മലയ്ക്ക്  മുകളിൽ ഒരു ചെറിയ കപ്പേള ഉണ്ട് ആ വഴി തോമാശ്ലീഹാ പോയിട്ടുണ്ട് എന്നാണ് വിശ്വസിക്കപ്പെടുന്നത്. അന്ന് കനക മല കയറാൻ പോയപ്പോൾ കുറച്ച് പൊതിച്ചോറും കൈയ്യിൽ കരുതിയിരുന്നു അത് മലമുകളിൽ വച്ച് കഴിച്ച് വെള്ളം കുടിച്ച് ആ പാറപ്പുറത്ത് കിടന്ന് ഒരു രണ്ടു മണിക്കൂർ സുഖനിദ്രയിൽ ആണ്ടു. പിന്നീട് മെല്ലെമെല്ലെ മലയിറങ്ങി  ഇതൊക്കെ മനസ്സിലുള്ള കൊച്ചുകൊച്ചു ഓർമ്മകളാണ്. ഒരിക്കൽ സുഹൃത്തുക്കളുമായി ഒരു ദുഃഖവെള്ളിയുടെ അന്ന് മലയാറ്റൂർ മല കയറിയിട്ടുണ്ട് നല്ല തിരക്കായിരുന്നു അന്ന്, ഇടയ്ക്കൊക്കെ ആജാനബാഹുവായ മരക്കുരിശുകളും ചുമലിലേറ്റി ഒരുപാട് യുവജനങ്ങൾ മലകയറുന്നത് കാണാം. ഞാൻ ഇതേവരെ അത്തരം അക്രമങ്ങൾ ഒന്നും ചെയ്തിട്ടില്ല അതിനുള്ള ആരോഗ്യവും ഇല്ല. ചിലർ തലയിൽ കല്ലുവച്ച് മലകയറുന്നു കാണാം അതെല്ലാം ഓരോ തരത്തിലുള്ള വഴിപാടുകളാണ്. പിന്നീട് മലയിറങ്ങി താഴത്തെ പള്ളിയിൽ പോയി ഒന്ന് പ്രാർത്ഥിച്ച് തൊട്ടടുത്ത് കൂടെ ഒഴുകുന്ന പെരിയാറിൽ ഒന്ന് കുളിച്ചു കയറി കാന്റീനിൽ പോയി ഒരു മസാല ദോശ കഴിച്ചു എന്തായാലും മലകയറിയ ക്ഷീണം ഒക്കെ അതോടു കൂടെ പോയി. നോമ്പുകാലത്ത് മലകയറുന്നത് ഒരു സുഖമുള്ള പരിപാടിയാണ് ........പൊന്നും കുരിശുമുത്തപ്പോ പൊന്മലകേറ്റം.........പൊന്നും കുരിശുമുത്തപ്പോ പൊൻമല ഇറക്കം ........ എന്നും വിളിച്ച് ആ മല കയറിയിറങ്ങുമ്പോൾ മനസ്സിനും ശരീരത്തിനും ആത്മാവിനും ഒരു സുഖമാണ്. അതെന്തായാലും ഈ വർഷം അത് നടക്കില്ല പിന്നെ എന്റെ ശരീരത്തിന്റെ സ്റ്റാമിന കൂടിയോ കുറഞ്ഞോ എന്ന് അളക്കാനും എനിക്ക് കഴിയില്ല. ഞാനെന്റെ നാലാം വയസ്സിൽ ആണ് ആദ്യമായി മലയാറ്റൂർ മല മുഴുവൻ നടന്ന് കയറിയത് എന്ന് എന്റെ മാതാപിതാക്കൾ പറയുന്നു എന്തായാലും ആ പതിവ് ഇതേവരെ തെറ്റിച്ചിട്ടില്ല. ക്രൂശിതനായ ക്രിസ്തു മരണ ശേഷം മൂന്നാംദിനം ഉയർത്തെഴുന്നേറ്റ് ശിഷ്യന്മാർക്ക് മുമ്പിൽ പ്രത്യക്ഷപ്പെട്ടപ്പോൾ ആ ക്രിസ്തുവിന്റെ കയ്യിലെ ആണി പഴുതിൽ വിരലിട്ടും കുന്തം കൊണ്ട് കുത്തിയ പാർശ്വത്തിൽ കൈ വച്ചും മാത്രം ഉത്ഥിതനായ ക്രിസ്തുവിൽ വിശ്വസിച്ച ആ പിടിവാശിക്കാരൻ ആയ മുത്തപ്പനെ മിസ്സ് ചെയ്യുന്നുണ്ട് 

Dr.Pouse

ഏൽ.. ഏൽ.. ല്മാ സബക്ധാനി..

ഏൽ.. ഏൽ.. ല്മാ സബക്ധാനി.. ക്രൂശിതനായ ക്രിസ്തുവിന്റെ ഹൃദയ വിലാപമാണ് ഈ വാക്കുകൾ.....എന്റെ ദൈവമേ എന്റെ ദൈവമേ നീ എന്തുകൊണ്ട് എന്നെ ഉപേക്ഷിച്ചു എന്നാണ് ഈ ഹൃദയം തുളച്ച് കയറുന്ന വിലാപത്തിന്റെ അർത്ഥം. പലപ്പോഴും ജീവിതത്തിൽ  പ്രതിസന്ധികളും, വേദനകളും, ദുഃഖങ്ങളും ഉണ്ടാകുമ്പോൾ ഞാനും എന്റെ മനസ്സിൽ ഈശ്വരനോട് ചോദിക്കാറുണ്ട് ഏൽ.. ഏൽ.. ല്മാ സബക്ധാനി........ എന്നാൽ എനിക്കതിന് ഉത്തരം ഒന്നും കിട്ടാറില്ല..... അപ്പോഴെല്ലാം ഞാൻ എന്റെ കയ്യിലുള്ള ക്രൂശിതരൂപം എടുത്ത് ആ ക്രൂശിതനെ കുറച്ച് നിമിഷങ്ങൾ നോക്കും...... ദൈവമേ നിന്റെ തിരുഹിതം എന്തെന്ന് വെളിപ്പെടുത്തി തരേണമേ എന്റെ ഇഷ്ടമല്ല നിന്റെ ഇഷ്ടം നിറവേറട്ടെ എന്ന് പ്രാർത്ഥിച്ച ക്രൂശിതന്റെ മുഖത്തേക്ക് നോക്കുമ്പോൾ ജീവിതത്തിലെ പ്രതിസന്ധികളെ തരണം ചെയ്യാൻ ഒരു അദൃശ്യമായ ശക്തി കിട്ടും......ഇവർ ചെയ്യുന്നത് എന്തെന്ന് ഇവർ അറിയുന്നില്ല ഇവരോട് ക്ഷമിക്കേണമേ എന്ന് തന്നെ ക്രൂശിലേറ്റിയവർക്ക് വേണ്ടി പ്രാർത്ഥിച്ച ക്രൂശിതനെ കുറിച്ച് ഓർക്കുമ്പോൾ മറ്റുള്ളവരോട് ക്ഷമിക്കുവാനും അവരെ സ്നേഹിക്കുവാനും തോന്നും..... എന്റെ പിതാവ് എനിക്കുതന്ന പാനപാത്രം ഞാൻ കുടിക്കേണ്ടതല്ലയോ എന്ന് പറഞ്ഞ ആ നസ്രിയയോട് എന്നും ഒരുപാട് ഇഷ്ടമാണ്........കാരണം സ്നാപകയോഹന്നാൻ പറഞ്ഞപോലെ ഇവനാണ് ലോകത്തിന്റെ പാപങ്ങൾ തീർക്കുന്ന കറയറ്റ ദൈവത്തിന്റെ കുഞ്ഞാട്.....

Dr.Pouse

കൽത്തപ്പവും (ഇണ്ടേറിയപ്പം)

ജീവിതത്തിൽ ആദ്യമായി ഒരു പെസഹാ തിരുനാൾ പള്ളിയിൽ ഒന്നും പോകാതെ ഒരു ആഘോഷവും ഇല്ലാതെ വീട്ടിൽ ഇരുന്ന് ടി.വിയിൽ കുർബാന കണ്ട് വൈകീട്ട് ടി.വിയിൽ ആരാധന കണ്ട് മമ്മി ഉണ്ടാക്കിയ  കൽത്തപ്പവും (ഇണ്ടേറിയപ്പം) പാല് കുറുക്കിയതും കഴിച്ച് ഇന്ന് ലളിതമായി അങ്ങ് ആഘോഷിച്ചു. എന്റെ ചെറുപ്പത്തിൽ ഒക്കെ ഈ കൽത്തപ്പവും, പാലും, ബ്രെഡും കഴിക്കാൻ അയൽവക്കത്തുള്ള എല്ലാ വീടുകളിലും പോകും നമ്മുടെ വീട്ടിലേക്ക് അവരും വരും അത് വളരെ മനോഹരമായ ഒരു പങ്കുവെക്കലിന്റെ അനുഭവമായിരുന്നു. അന്നത്തെ പെസഹ തിരുനാളിന്റെ രാത്രികാലങ്ങൾ എന്ന് പറയുന്നത് ഞങ്ങൾ കുട്ടികൾക്ക് എല്ലാം ഒരു ആഘോഷമായിരുന്നു പരസ്പരം എല്ലാവരും അങ്ങോട്ടുമിങ്ങോട്ടും ഭവനങ്ങളിൽ പോയി പെസഹാ അപ്പം ഭക്ഷിക്കുന്ന മനോഹരമായ ഓർമ്മകൾ. ഇത്തരത്തിലുള്ള പെസഹാ തിരുനാളിന്റെ പങ്കുവെക്കൽ അനുഭവങ്ങൾ ഇന്നും അങ്കമാലി ഭാഗത്തുള്ള ഗ്രാമങ്ങളിൽ പോയാൽ ഇപ്പോഴും കാണുവാൻ സാധിക്കും. പ്രത്യേകിച്ച് എന്റെ നാട് അങ്കമാലി മൂക്കന്നൂർ, കോക്കുന്ന്, ആനപ്പാറ മുതലായ ഭാഗങ്ങളിൽ.  പെസഹാ തിരുനാൾ ആഘോഷിക്കുമ്പോൾ ഞാൻ ഏറ്റവുമധികം ഇഷ്ടപ്പെടുന്ന ഒരു രംഗമുണ്ട് പള്ളിയിൽ  വൈദികൻ 12 പേരുടെ കാലുകൾ കഴുകി മുത്തുന്ന വർഷത്തിലൊരിക്കൽ മാത്രം കാണാൻ കഴിയുന്ന ഒരു രംഗം. ഈശോ പെസഹാ ദിനത്തിൽ കുർബാന സ്ഥാപിച്ച് ഞാൻ ചെയ്തതുപോലെ നിങ്ങളും പരസ്പരം ചെയ്യുവിൻ എന്നും പറഞ്ഞ് സ്വന്തം ശിഷ്യന്മാരുടെ കാൽ കഴുകി മുത്തിയതിന്റെ ഓർമ്മ പുതുക്കാൻ ചെയ്യുന്ന ഒരു അനുസ്മരണം ആണിത്. അത് ഈ വർഷം കാണാൻ കഴിയാത്തതിനാൽ ഒരു ചെറിയ മിസ്സിംഗ് ഫീലിംഗ് ഉള്ളിൽ ഉണ്ടാക്കുന്നുണ്ട്. ഇനി അടുത്ത വർഷം കൊറോണയിൽ നിന്ന് മോചനം നേടി അത് കാണാൻ സാധിക്കുമായിരിക്കും എന്ന് പ്രത്യാശിക്കുന്നു. എന്തായാലും ഈ ഓർമ്മകൾ എല്ലാം തള്ളിക്കയറി വന്നപ്പോൾ നൊസ്റ്റാൾജിയ അടിച്ച എന്റെ ഉപബോധമനസ്സിനെ സമാധാനിപ്പിക്കാൻ വേണ്ടിയാണ് ഈ കൊച്ചു ഓർമ്മകൾ നിങ്ങളുമായി പങ്കുവയ്ക്കുന്നത്.

Dr.Pouse

ചക്ക പുരാണം

ഇനി കുറച്ച് ചക്ക പുരാണം ആകാം ഇത് ചക്കയുടെ കാലഘട്ടമാണ് പഴുത്തതും, പഴുക്കാത്തതുമായ ചക്ക വിഭവങ്ങൾ ഭവനങ്ങളിൽ ഒരുങ്ങുന്ന സമയം. നിങ്ങളും ഈ ചക്ക സുന്ദരിയെ ഈ ലോക് ഡൗൺ കാലഘട്ടത്തിൽ ഭക്ഷിച്ച്കാണും എന്ന് വിശ്വസിക്കുന്നു. ചക്കപ്പുഴുക്ക് പ്രമേഹം നിയന്ത്രണത്തിലാക്കാൻ സഹായിക്കുമെന്ന റിപ്പോർട്ടുകൾ പ്രമേഹരോഗികൾ ആവേശത്തോടെയാണ് സ്വീകരിച്ചത് അതിനുശേഷം  കേരളത്തിൽ  ചക്കയ്ക്ക് പ്രിയമേറി കാര്‍ബോഹൈഡ്രേറ്റുകള്‍, നാരുകള്‍, വിറ്റമിന്‍ എ, സി, വിവിധ ബി വിറ്റാമിനുകൾ, കാത്സ്യം, സിങ്ക്, ഫോസ്ഫറസ് എന്നീ ധാതുക്കള്‍ ധാരാളമായി ചക്കയിലുണ്ട്. വിറ്റമിന്‍ സിയുടെ ഒന്നാന്തരം ഉറവിടമാണിത്. അതുകൊണ്ടുതന്നെ മികച്ച ആന്റി ഓക്സിഡന്റും. 

ചക്കയില്‍ ഉയര്‍ന്ന അളവില്‍ പൊട്ടാസ്യം അടങ്ങിയിട്ടുണ്ട്. സോഡിയത്തിന്റെ അളവാകട്ടെ തീരെ കുറവും. ഇത് രക്തസമ്മര്‍ദം നിയന്ത്രിക്കാന്‍ സഹായിക്കുന്നു. ഇക്കാരണം കൊണ്ടുതന്നെ ഹൃദയാരോഗ്യത്തിനും പ്രയോജനപ്രദമാണ്. ചക്കക്കുരുവിന് കാന്‍സറിനെ പ്രതിരോധിക്കാനും കുറയ്ക്കാനുമുള്ള ശക്തിയുണ്ടെന്നാണ് പഠനങ്ങള്‍ തെളിയിക്കുന്നത്. അതിനാൽ കുറച്ച് ഗ്യാസ്ട്രബിൾ ഉണ്ടായാലും ചക്കക്കുരു കഴിച്ചോളൂ.

അധികമായാല്‍ അമൃതും വിഷമാണല്ലോ. ചക്ക അധികം തിന്നാലുണ്ടാകുന്ന പ്രശ്‌നങ്ങളില്ലാതെയാക്കാന്‍ ചുക്കുകാപ്പിയോ കഷായമോ കുടിച്ചാല്‍ മതി എന്നൊരു ചൊല്ലുണ്ട്. ചക്കയുടെ മുള്ള്‌ ചെത്തി ചക്കമടല്‍ കൂടി ചേര്‍ത്ത്‌ പുഴുങ്ങിയാലും വയറിന്‌ നല്ലതാണ്‌. പഴുത്ത ചക്ക നെയ്യോ തേനോ ചേര്‍ത്ത്‌ കഴിച്ചാലും ഒരസുഖവുമുണ്ടാകില്ല.

ചക്കയെക്കുറിച്ചുള്ള പഴഞ്ചൊല്ലുകൾ

---------------------------------------------------------

-ചക്കയാണോ ചൂന്നു നോക്കാന്‍.

- ചുക്ക്‌ മാങ്ങായ്‌ക്ക് തേങ്ങ.

- തേങ്ങ കടംവാങ്ങിയെങ്കിലും കൂട്ടണം.

-ചക്കയ്‌ക്കും മുള്ളുണ്ട്‌, ഉമ്മത്തിന്‍കായ്‌ക്കും മുള്ളുണ്ട്‌.

-ചക്കപോലത്തെ വാക്കും ചക്കപോലത്തെ നെഞ്ചും.

-ചക്ക തിന്നും തോറും പ്ലാവു വയ്‌ക്കാന്‍ തോന്നും

ചക്കയെക്കുറിച്ചുള്ള കടംകഥകൾ

---------------------------------------------------

മുള്ളുവേലി പൊളിച്ചു

ചള്ളുവേലി പൊളിച്ചു

മധുരക്കുടം പൊളിച്ചു

മാണിക്യകല്ലുകണ്ടു.

മുള്ളുണ്ട്‌ മുരിക്കല്ല

പാലുണ്ട്‌ പശുവല്ല

വാലുണ്ട്‌ വാനരനല്ല

നൂലുണ്ട്‌ പട്ടമല്ല

പുറം മുള്ളുവേലി

അകം വള്ളിവേലി

അതിനകത്ത്‌ സ്വര്‍ണക്കൂട്‌

അതിനകത്തൊരൊറ്റക്കണ്ണന്‍

പെട്ടിപെട്ടകം

മുരിക്കിന്‍ പെട്ടകം

പെട്ടിതുറുക്കുമ്പോള്‍ കസ്‌തൂരി ഗന്ധം

(ചക്ക മുറിക്കുന്നത്‌)

പച്ചച്ചൊരു മുരിക്കിന്‍ പെട്ടി

പെട്ടിനിറയെ ചപ്പും ചവറും

ചെപ്പിനകത്തു നിറയെ കുപ്പി

കുപ്പിയിലൊക്കെയൊരേവിധ ഗുളിക.

(ഡോ. പൗസ് പൗലോസ്)

വ്യാധിക്ഷമത്വം ( രോഗപ്രതിരോധം)

ഈ ശാസ്ത്രം പഠിച്ചും പ്രയോഗിച്ചും അനുഭവം ഉള്ളത് കൊണ്ട്  എനിക്ക് നിങ്ങളോട് ഉറപ്പിച്ചു പറയാൻ സാധിക്കും ഇതൊരു മഹത്തായ ശാസ്ത്രമാണ്. ഈ ശാസ്ത്രത്തെ അടുത്തറിയാൻ ശ്രമിച്ച ഓരോ ആയുർവേദ ഡോക്ടർമാരെയും അവരുടെ ചികിത്സാ അനുഭവങ്ങൾ അത്ഭുതപ്പെടുത്തിയിട്ടുണ്ട് എന്ന് നിസ്സംശയം പറയാം. ഈ ലോകം ഇന്ന് മനസ്സിലാക്കിയതിലും കൂടുതൽ ആഴവും പരപ്പുമുള്ള ഒരു ശാസ്ത്ര ശാഖയാണിത്. രോഗമുള്ളവർക്ക് മാത്രമല്ല ആരോഗ്യം ഉള്ളവരുടെ ആരോഗ്യപരിപാലനത്തിനും ഓരോ കാലഘട്ടത്തിനനുസരിച്ച്, ദേശത്തിനും, കാലാവസ്ഥയ്ക്കും, ഭൂപ്രകൃതിക്കും അനുസരിച്ച് എന്തെല്ലാം ചെയ്യണമെന്ന് ഈ ശാസ്ത്രത്തിൽ വ്യക്തമായി പറഞ്ഞിട്ടുണ്ട്. അതാണ് പ്രിയ സുഹൃത്തുക്കളെ ഞാൻ വീണ്ടും വീണ്ടും നിങ്ങളുടെ ശരീരത്തിലെ വ്യാധിക്ഷമത്വം ( രോഗപ്രതിരോധം) കൂട്ടാൻ ആയുർവേദ മരുന്നുകൾ ഉപയോഗിക്കൂ എന്ന് ഒരു ഉളുപ്പുമില്ലാതെ പറയുന്നത്. അത് നിങ്ങളുടെ ശരീരത്തിന്റെ ആരോഗ്യത്തിനും നിങ്ങൾ സ്നേഹിക്കുന്നവരുടെ ആരോഗ്യത്തിനും വേണ്ടിയാണ്. 

ഡോ. പൗസ് പൗലോസ് MS(Ay)

സീതാറാം ആയുർവേദ സ്പെഷ്യാലിറ്റി ഹോസ്പിറ്റൽ

ദേവതകളും ഇഷ്ടപുഷ്പങ്ങളും

ദേവതകളും ഇഷ്ടപുഷ്പങ്ങളും

1. ഗണപതി - കറുക

2. മഹാവിഷ്ണു - തുളസി, ചെത്തി (തെച്ചി , ചെക്കിപ്പൂവ്), മന്ദാരം

3. ശിവന്‍ - കൂവളം (വില്വം)

4. ശ്രിരാമന്‍ - രാമ തുളസി, മുല്ല മൊട്ട്

5. സരസ്വതി - താമര

6. ശ്രീകൃഷ്ണന്‍ - നീല ശംഖുപുഷ്പം , കൃഷ്ണ തുളസി

7. മഹാലക്ഷ്മി - തുളസി, ചെത്തി(ചെക്കിപ്പൂവ്), മന്ദാരം

8. ഭദ്രകാളി - ചുവന്ന തെച്ചി(ചെക്കിപ്പൂവ്)

9. ദുര്‍ഗ്ഗാദേവി - പിച്ചി ( പിച്ചകം), ചെമ്പകം, ചെമ്പരത്തി

ചില ഔഷധ യോഗങ്ങൾ

1)വ്യോഷാദി ഗുൽഗുലു / നവ (ക) ഗുഗ്ഗുലു

(അ ഹൃ വാ രോ ചി )

വ്യോഷാഗ്നിമുസ്ത ത്രിഫലാ

വിഡംഗൈർ ഗുഗ്ഗുലും സമം |

ഖാദൻ സർവാൻ ജയേദ് വ്യാധീൻ

മേദശ്ലേഷ്മാമവാതജാൻ ॥

ഗുളിക /Tab രൂപത്തിലും

ചൂർണമായും കഷായമായും ഉണ്ടാക്കി വരുന്നു

2)നിശോത്തമാദികഷായം

(അ ഹൃ കു ചി)

നിശോത്തമാനിംബപടോലമൂല

തിക്താവചാലോഹിതയഷ്ടികാഭി: I

കൃത: കഷായ: കഫപിത്തകുഷ്ഠം

സുസേവിതോ ധർമ്മ ഇവോച്ഛിനത്തിII

ഈ യോഗം ചരകത്തിൽ

ത്രിഫലാനിംബപടോലം

മഞ്ജിഷ്ഠാരോഹിണീവചാരജനീ I

ഏഷകഷായോഭ്യസ്തോ

നിഹന്തി കഫപിത്തജം കുഷ്ഠം II

3)രാസ്നാദി തൈലം

(ചികിത്സാക്രമം)

തൈലന്തു രാസ്നാദശമൂലയഷ്ടീ-

ബലാദ്വയോത്ഥെ വിപചേത പാക്യേ I

യഷ്ട്യാഹ്വകല്ക്കം പയസാസ മേതം

പാനാദിഭിസ്ത്വർദ്ദിതവാതഹാരി II

രാസ്നാദി തൈലം

(അനുഭൂതം )

വില്വനിർഗുണ്ഡികാപത്ര-

സ്വരസെ ച വിപാചയേൽ I

രാസ്നാദിചൂർണയുക്തേന

തത്തൈലം ജലദോഷനുത് ॥

4)വരാ ചൂർണം/ ത്രിഫലാചൂർണം

( ശാർങ്ഗധരം)

ഏകാഹരീതകീ യോജ്യാ

ദ്വൗചയോജ്യാവിഭീതകൗ l

ചത്വാര്യാമലകാന്യേവം

ത്രിഫലൈഷാമനീഷിണ: II

5)ആരഗ്വധപത്രാദി ചൂർണം അഥവാ

കൊന്നയിലകടുകാദി

(ചികിത്സാമഞ്ജരി)

കൊന്നയിലകടുമഞ്ഞളൂമെളളം

നൽതകരക്കുരു മോരൊടു പൂശിൽ I

ചിക്കുചുണങ്ങുചിരങ്ങിവമാറും

മാന്തളിരൊത്ത നിറംപെടുമന്നേ II'

പാഠഭേദം (ബാലചികിത്സ )

കൊന്നയിലക്കടുമഞ്ഞളുമെള്ളും

നൽ തകരക്കുരു കാകബലാലേ!

മോരിലരച്ചവിടെണ്ണതലോടി

തേച്ചിടിൽ മാന്തളിർവർണ്ണമതാം മെയ് II

കണിക്കൊന്നയില, കടുക്, പച്ചമഞ്ഞൾമൊരിനീക്കി, എള്ള്, തകരക്കുരു പരിപ്പ് ഇവ സമം എടുത്ത് മോരുതളിച്ച് അരച്ചുരുട്ടി

അസുഖമുള്ള ഭാഗത്ത് യുക്തമായ തൈലം പുരട്ടിയ ശേഷം തേച്ചു തലോടി പിരിച്ചു കളയുക

വട്ടച്ചൊറി, ചുണങ്ങ് ,ചിരങ്ങു് എന്നിവയ്ക്ക് ഉത്തമം

സുഭാഷിതം

ഇന്ദ്രിയാണി ച സംയമ്യ 

ബകവത് പണ്ഡിതോ നര: 

ദേശ കാല ബലം ജ്ഞാത്വാ

സർവ കാര്യാണി സാധയേൽ II ( നീതിസാരം ) 

കൊക്കിനെപ്പോലെ സർവ ഇന്ദ്രിയങ്ങളേയും സംയമം ചെയ്തു കൊണ്ടും ദേശ കാലങ്ങളുടേ ബലാബലം നോക്കി കണ്ടും ഏകാഗ്രതയോടെ സർവ കാര്യങ്ങളും സാധിക്കണം .ഈ ഗുണം കൊക്കിൽ നിന്നും ഗ്രഹിക്കാനുള്ളതാണ് .! !

തക്രം (മോര്)

തക്രം (മോര്)

ഗ്രഹണീ ദോഷിണാം തക്രം

ദീപന ഗ്രാഹി ലാഘവാൽ

പഥ്യം മധുര പാകിത്വാൽ

നച പിത്ത പ്രദൂഷണം

കഷായോ ഷ ണ വികാഷിത്വാൽ

രൂക്ഷ ത്വാച്ച കഫേ ഹിതം

വാ തേ സ്വാദ്യ മ്ല സാന്ദ്രത്വാൽ

സദ്യ സ്തം അ വി ദാഹി ച Il

അർത്ഥം : മോര് ദീപനവും ഗ്രാഹിയും ലഘുവുമാണ് . വി പാകത്തിൽ മധുരമായതുകൊണ്ട് പിത്തത്തെ ദുഷിപ്പിക്കുന്നില്ല .കഷായ രസം ,ഉഷ്ണവീര്യം ,വി കാഷി, രൂക്ഷം എന്നിവയാൽ കഫ വർദ്ധക മല്ല .

അമ്ല രസം .. മധുരവിപാകര സം ,സാന്ദ്ര ഗുണം എന്നിവയാൽ വാത വർദ്ധക മല്ല ! 

അതിനാൽ മോര് ഗ്രഹണീ ദോഷമുള്ളവർക്ക് 

പഥ്യമായിട്ടുള്ളതാണ് . മോര് ഉടനെ ഉപയോഗിക്കുന്നതായാൽ വിദാ ഹത്തെ ഉണ്ടാക്കുകയില്ല .

തൈരിന് മന്ദം , മധുരം ,അമ്ലം , അത്യമ്ലം എന്നീ  നാല് അവസ്ഥകൾ ഉണ്ട് .ഇതിൽ ഏത് അവസ്ഥയിലുള്ള തൈര് കടഞ്ഞിട്ടാണോ മോര് ഉണ്ടാക്കിയത്. ... ആ മോരിന് അതേ അവസ്ഥ കാണും 

ഘോല - വെണ്ണ വേർതിരിക്കാതെ   തൈരിനെ കടഞ്ഞ് ഉണ്ടാകുന്നത് 

മഥിത - വെണ്ണ വേർതിരിച്ചു ബാക്കി വന്നതിനെ കടഞ്ഞ് ഉണ്ടാക്കുന്നത് (വെള്ളം ചേർക്കാതെ ) 

തക്ര - നാലിൽ ഒന്ന് വെള്ളം ചേർത്ത് തൈരിനെ കടഞ്ഞ് എടുക്കുന്നത് 

ഉദശ്വിത് - പകുതി വെള്ളം ചേർത്ത് കടയുന്നത് 

ഛഛികാ - വെണ്ണ തിരിച്ച് , ബാക്കിവന്നതിൽ ധാരാളം വെള്ളം ചേർത്ത് ഉണ്ടാക്കുന്നത്.

Yogurt - കട്ടിതൈര്. 

ചന്ദ്രശൂരാദി കഷായം

ചന്ദ്രശൂരാദി കഷായം

(അനുഭൂതം AVS)

ചന്ദ്രശൂരാത്ചതു: ശാണം

കേതകീമൂലതസ്തഥാ

ഭൂസ്തൃണോശിഗ്രുമൂലാച്ച

മുഷ്കകാച്ച വിഡംഗത:

പൃഥക് ദ്വിശാണം സംക്ഷുദ്യ

പാചയേൽ സലിലെ ഭിഷക്

ഏതദുന്മൂലയേൽ ശീഘ്രം

കൃമിസ്തജ്‌ജാൻ തഥാമയാൻ II

അളവീര (കൃമിശത്രു)   3 ക

ചെറുകൈതവേര്         3 ക

ചെങ്ങണവേര്               1.5 ക

മുരിങ്ങവേര്                   1.5 ക

മുളബ്ലാശിൻതൊലി       1.5 ക

വിഴാലരി                         1.5 ക

ചില തൈല യോഗങ്ങൾ

ചില തൈല യോഗങ്ങൾ

നിർഗുണ്ഡ്യാദി തൈലം

(ആ .ര.കല്പദ്രുമം)

നിർഗുണ്ഡീപത്രസംഭൂത-

രസേ ലാക്ഷാവചാഹിമൈ: I

കടുകാരേചകീഭ്യാഞ്ച

സ്നേഹ: പക്വോപചീം ജയേൽ II

വചാദിതൈലം

(സ.യോ)

വചാഹരീതകീലാക്ഷാ

കടുരോഹിണി ചന്ദനൈ: l

നിർഗുണ്ഡീസ്വരസേ സിദ്ധം

തൈലമാശ്വപചീം ജയേൽ II

ബലാഹഠാദിതൈലം

(വൈദ്യപ്രിയ സ യോ)

ബലാഹഠാമൃതാമുദ്ഗ

മാഷക്വാഥേ തിലോദ്ഭവം I

പക്വം ശിരോരുജം ഹന്തി

ചന്ദനാമയയഷ്ടിഭി: II

ഭൃംഗാമലകാദി തൈലം

(വൈദ്യപ്രിയ സ.യോ.)

ഭൃംഗാമലകരസ പ്രസ്ഥെ

തൈലപ്രസ്ഥം പലം ച മധുകസ്യ ।

ക്ഷീരാഢകെവിപക്വം

വലാകാമപി കോകിലം കുരുതേ II

അന്ധമനന്ധം കുരുതേ

തഥാ ചപലദന്തം I

ഉപചിത പീനോരസ്ക്കോ

ഭവതിനരോമാസമാത്രേണ II

ഉർവചീര Lettuce

ഉർവചീര Lettuce 

30 സെൻറി മീറ്റർ വരെ ഉയരത്തിൽ വളരുന്ന ഡെയ്‌സി കുടുംബത്തിൽ പെടുന്ന ഒരു ഏകവർഷി സസ്യം ആണ് ഉർവ ചീര. പ്രധാനപ്പെട്ട ഇലക്കറികളിൽ ഒന്നാണ് ഇത്. ഇത് സാലഡ് ആയും ബർഗർ, സാൻഡ് വിച്ച്, പിസ തുടങ്ങിയ ഭക്ഷണ പദാർത്ഥങ്ങളിലും ഉപയോഗിക്കുന്നു. ഈജിപ്ത് ആണ് ജന്മദേശം. യൂറോപ്പ്, തെക്കെ അമേരിക്ക, ഏഷ്യ, സൈബീരിയ, ഈജിപ്ത് എന്നിവിടങ്ങളിൽ ധാരാളമായി കാണപ്പെടുന്നു.

ഉർവ ചീരയുടെ സസ്യശാസ്ത്ര നാമം LACTUCA SATIVA (ലാക്റ്റ്യൂക്ക സറ്റീവ) എന്നാണ്. ഇംഗ്ലീഷിൽ LETTUCE എന്ന് വിളിക്കപ്പെടുന്ന ഉർവ ചീര ഹിന്ദി, ബംഗാളി, മണിപ്പൂരി ഭാഷകളിൽ സലാദ് എന്നും തമിഴിൽ ശള്ള തുവരൈ എന്നും ഉർദുവിൽ തുഖ്‌മ കഹു എന്നും അറിയപ്പെടുന്നു.

ആദ്യകാലങ്ങളിൽ പുരാതന ഈജിപ്തുകാർ വിത്തിൽ നിന്ന് എണ്ണ എടുക്കാൻ വേണ്ടി മാത്രമാണ് ഉർവ ചീര വളർത്തിയിരുന്നത്. ഈജിപ്തിൽ നിന്ന് ഈ സസ്യം റോമിലും ഗ്രീസിലും വ്യാപിച്ചു. റോമൻ ജനത നൽകിയ ലാക്റ്റ്യൂക്ക എന്ന പേരാണ് പിന്നീട് ഇംഗ്ലീഷിൽ ലെറ്റ്യൂസ് ആയി മാറിയത്. കാണ്ഡം മുറിക്കുമ്പോൾ പാൽ പോലുള്ള വെളുത്ത ദ്രാവകം പുറപ്പെടുവിക്കുന്നതിനാൽ ആണ് റോമൻ ജനത ഇതിന് ലാക്റ്റ്യൂക്ക (പാൽ ചാറുള്ളത്) എന്ന് പേർ നൽകിയത്. എ ഡി 50 മുതൽ ഉള്ള യൂറോപ്യൻ സാഹിത്യത്തിൽ ലെറ്റ്യൂസ് പ്രത്യക്ഷപ്പെടുന്നുണ്ട്.

ഉർവ ചീര പച്ച, ചുവപ്പ്, മഞ്ഞ, സുവർണ നിറം, ഹരിതനീലം എന്നീ നിറങ്ങളിൽ കാണപ്പെടുന്നു. LOOSE LEAF, ROMAINE (COS), CRISPHEAD, BUTTERHEAD, SUMMERCRISP, CELTUCE, OILSEED എന്നിവയാണ് ഉർവ ചീരയിലെ പ്രധാന ഇനങ്ങൾ. ഇവയിൽ കേൾറ്റ്യൂസ് (CELTUCE) കാണ്ഡത്തിനു വേണ്ടിയും ഓയിൽസീഡ് (OILSEED) വിത്തിനു വേണ്ടിയും ആണ് വളർത്തുന്നത്. പോപ് റോമിലെ തന്റെ കൊട്ടാരത്തിന്റെ തോട്ടത്തിൽ വളർത്തിയിരുന്നതിനാൽ ആണ് റൊമൈൻ എന്ന ഇനത്തിന് ആ പേർ ലഭിച്ചത്.

ജീവകം എ, ജീവകം കെ, ഫോലേറ്റ്, അയേൺ, ബീറ്റാ കരോട്ടിൻ തുടങ്ങിയവയാണ് ഉർവ ചീരയിലെ പ്രധാന ഘടകങ്ങൾ.

ഉർവ ചീര നീർക്കെട്ട് മാറുന്നതിന് സഹായിക്കുന്നു. അസ്ഥി വേദനയിൽ നിന്ന് ആശ്വാസം നൽകുന്നു. ശരീരഭാരം കുറക്കുന്നു. മസ്തിഷ്ക രോഗങ്ങളിൽ നിന്ന് സംരക്ഷണം നൽകുന്നു. ഹൃദയാരോഗ്യം മെച്ചപ്പെടുത്തുന്നു. അർബുദത്തെ ചെറുക്കുന്നു. പ്രമേഹത്തെ നിയന്ത്രിക്കുന്നു. കാഴ്ച ശക്തി വർധിപ്പിക്കുന്നു. ദഹനം സുഗമം ആക്കുന്നു. ഉറക്കമില്ലായ്മ അകറ്റുന്നു. അസ്ഥികളുടെ ആരോഗ്യം സംരക്ഷിക്കുന്നു. രോഗ പ്രതിരോധ ശേഷി വർധിപ്പിക്കുന്നു. മലബന്ധം അകറ്റുന്നു. പേശികളുടെ ബലം വർധിപ്പിക്കുന്നു. ചർമത്തിന്റെ ആരോഗ്യം സംരക്ഷിക്കുന്നു. മുടി കൊഴിച്ചിൽ തടയുന്നു. വിളർച്ച തടയുന്നു. സ്ത്രീകൾ ഗർഭ കാലത്ത് ഉർവ ചീര കഴിക്കുകയാണെങ്കിൽ ജനന വൈകല്യങ്ങൾ ഇല്ലാത്ത കുഞ്ഞുങ്ങളെ പ്രസവിക്കുന്നതാണ്.

കൊടിത്തൂവ ചൊറിതനം ചൊറിയണം

കൊടിത്തൂവ ചൊറിതനം ചൊറിയണം

കേരളത്തിലാകമാനം കള സസ്യമായി കാണപ്പെടുന്നൊരു ചൊറിയണയിനമാണ് ആനക്കൊടിത്തൂവ. ആനച്ചൊറിയണം, ആനത്തൂവ, കുപ്പത്തുമ്പ എന്നീ പേരുകളിലും അറിയപ്പെടുന്ന ആനക്കൊടിത്തൂവ ചൊറിച്ചിലുണ്ടാക്കുന്നൊരു സസ്യമാണ്. ഉപദ്രവകാരിയായ ഈ കള ഭഷ്യയോഗ്യമായൊരു ഔഷധ സസ്യമാണെന്ന് എത്ര പേർക്കറിയാം? തലച്ചോറിന്റെ പ്രവർത്തനം ഉദ്ദീപിപ്പിക്കാനും, ത്വക്ക് രോഗങ്ങളും മുടി കൊഴിച്ചിലും തടയാനുള്ള ശേഷിയുമാണ്‌ ആനക്കൊടിത്തൂവയുടെ ഔഷധ ഗുണങ്ങൾ. ഇതിനെ കേരളത്തിലെല്ലായിടങ്ങളിലും ഭാഷ്യാവശ്യത്തിനും ഉപയോഗിച്ചു വരുന്നു.

പരമ്പരാഗതമായി കർക്കിടക മാസ്സത്തിൽ കഴിക്കാൻ ആയുർവ്വേദം  നിർദ്ദേശിച്ചിട്ടുള്ള പത്തില തോരനിലും മരുന്ന് കഞ്ഞിയിലും ആനക്കൊടിത്തൂവ ഒരു പ്രധാന ചേരുവയാണ്. വെള്ളത്തിൽ നല്ലവണ്ണം കഴുകിയാൽ കൈ ചൊറിയാതെ ഇതിനെ അരിഞ്ഞെടുക്കാൻ കഴിയും ആനക്കൊടിത്തൂവ തിളപ്പിച്ച്‌ കഴിഞ്ഞാൽ പിന്നെ ചൊറിച്ചിൽ പമ്പ കടക്കും.

botanical name : tragia incolucrata

family : euphorbiaceae

sanskrit name : dusparsha, duralabha, yavasa

english name : stinging nettle

രസം : കടു, തിക്തം, മധുരം, കഷായം

ഗുണം : ലഘു സ്നിഗ്ധ

വീര്യം : ശീതം

വിപാകം : കടു

ACTIONS

diaphoretic

blood purifier

anti vatha

anti asthmatic

ആനക്കൊടിത്തൂവയുടെ ഉപയോഗങ്ങൾ

* പിത്ത രോഗങ്ങള്‍ മലബന്ധം, പ്രമേഹം

ത്വക് രോഗങ്ങള്‍ ചര്‍ദ്ദി തലവേദന ഇവയില്‍

ഫലപ്രദമാണ്.

* ഇതിന്റെ വേര് ചതച്ചു ഉണ്ടാക്കുന്ന കഷായം

പനി, ചുമ, ശ്വാസകോശ രോഗങ്ങള്‍ ഇവയില്‍

ഫലപ്രദമാണ്.

* ഇതിന്റെ വേരും പച്ച മഞ്ഞളും തുളസിയിലയും

ചേര്‍ത്ത് അരച്ച്ച്ചുണ്ടാക്കുന്ന പേസ്റ്റു ത്വക് രോഗങ്ങള്‍ക്ക്

ലേപനം ചെയ്യാം.

* ഇത് സമൂലം കഷായം വെച്ചത് നല്ല ഒരു blood purifier ആണ്. ഇത് നെയ്യോ പാലോ ചേര്‍ത്ത് കഴിച്ചാല്‍ വളരെ ഫലപ്രദമാണ്.

* ഇത് സമൂലം കഷായം വെച്ചത് തൃകടൂ ചൂര്‍ണ്ണം ചേര്‍ത്ത് കഴിച്ചാല്‍ എല്ലാ ശ്വാസ കോശ രോഗങ്ങള്‍ക്കും

ഫലപ്രദമാണ്.

* പത്തില_ഔഷധകഞ്ഞി

കർക്കിടക മാസ്സത്തിൽ കഴിക്കാൻ ആയുർവ്വേദം  നിർദ്ദേശിച്ചിട്ടുള്ള ഔഷധ കഞ്ഞി ആരോഗ്യ പ്രദായിനിയാണ്. നെയ്യുണ്ണി, താള്, തകര, കുമ്പളം, മത്തൻ, വെള്ളരി, മുള്ളൻചീര, ആനക്കൊടിത്തൂവ, ചീര, ചേമ്പ് എന്നിവയുടെ ഇലകളിട്ടുവേവിച്ച വെള്ളത്തിൽ അരിയിട്ടു കഞ്ഞി വയ്ക്കാം.

ചൊറിയണം_തോരൻ

ആനക്കൊടിത്തൂവ, ചിരകിയ തേങ്ങ, വെളുത്തുള്ളി, ചുവന്നുള്ളി, ഇഞ്ചി, മുളക്, കറിവേപ്പില, ഉഴുന്ന്, വെളിച്ചെണ്ണ, ഉപ്പ്, മഞ്ഞൾപ്പൊടി എന്നിത്രയുമാണ് തോരനുണ്ടാക്കാനാവശ്യമുള്ള സാധനങ്ങൾ. 

ചൊറിയണം തോരനുണ്ടാക്കുന്ന വിധം

നന്നായി കഴുകിയ ആനക്കൊടിത്തൂവ ഇലകൾ അടർത്തിയെടുത്ത് തോരന് അരിയുന്ന രീതിയിൽ അരിഞ്ഞെടുക്കുക. നനഞ്ഞിരിക്കുന്നത് കൊണ്ട് കൈ ചോറിയുമെന്നു പേടിക്കേണ്ട. ചട്ടിയിൽ എണ്ണയൊഴിച്ച് ചൂടാവുമ്പോൾ ഉഴുന്നിട്ടു മൂപ്പിക്കുക. അതിൽ ഇല ഒഴികെയുള്ള ചേരുവകൾ ഇട്ടു വഴറ്റിയെടുക്കുക. ഇലയും പാകത്തിന് ഉപ്പും ചേര്ത്തു പാത്രം അടച്ചു വച്ച് വേവിക്കുക. നിങ്ങളുടെ ചൊറിയണം തോരൻ തയ്യാറായിക്കഴിഞ്ഞു. 

  

* പത്തില_തോരൻ*

നെയ്യുണ്ണി, താള്, തകര, കുമ്പളം, മത്തൻ, വെള്ളരി, മുള്ളന്ചീര, ആനക്കൊടിത്തൂവ, ചീര, ചേമ്പ് എന്നീ പത്തു സസ്യങ്ങളുടെ ഇലകൾ തന്നെയാണ് പത്തില തോരനുണ്ടാക്കാനും ഉപയോഗിക്കുന്നത്.  ചൊറിയണം തോരന്റെ പാചക രീതിയിൽ തന്നെ പത്തില തോരനും തയ്യാറാക്കാം. 

  

* ചൊറിയണം_പരിപ്പിട്ടുകറി

വേണ്ട സാധനങ്ങൾ;

പരിപ്പ്-100 ഗ്രാം, ചൊറിയണം- ഒരു പിടി, സവാള- 1, വെളുത്തുള്ളി- ഒരല്ലി, കറിവേപ്പില- ഒരു തണ്ട്, ഉപ്പ്, മുളകുപൊടി, എണ്ണ എന്നിവ ആവശ്യത്തിന്.

പാചക രീതി 

പരിപ്പ് വെള്ളം കൂടുതലോഴിച്ചു വേവിക്കുക. പകുതി വേവാകുമ്പോൾ കഴുകി വൃത്തിയാക്കിയ ചൊറിയണം ഇലയും ഉപ്പും ചേര്ത്തു 10 മിനിട്ട് കൂടി വേവിക്കുക. വെള്ളം മുഴുവൻ വറ്റരുത്.ഒരു പാനിൽ എണ്ണ ചൂടാക്കി ചെറുതായിട്ടരിഞ്ഞ  സവാളയും വെളുത്തുള്ളിയും കറിവേപ്പിലയും അതിലിട്ട് മൂപ്പിക്കുക. സവാള ബ്രൌണ്‍ നിറമാകുമ്പോൾ മുളക് പൊടിയും ചേർത്തിളക്കുക.വേവിച്ചു വച്ചിരിക്കുന്ന പരിപ്പും ചൊറിയണവും ചേർത്തിളക്കി അടുപ്പിൽ നിന്നും വാങ്ങി വയ്ക്കാം. ചോറിന്റെയോ ചപ്പാത്തിയുടെയോ ഈ കറി ഉപയോഗിക്കാം.

പത്തില_ഔഷധകഞ്ഞി

കർക്കിടക മാസ്സത്തിൽ കഴിക്കാൻ ആയുർവ്വേദം  നിർദ്ദേശിച്ചിട്ടുള്ള ഔഷധ കഞ്ഞി ആരോഗ്യ പ്രദായിനിയാണ്. നെയ്യുണ്ണി, താള്, തകര, കുമ്പളം, മത്തൻ, വെള്ളരി, മുള്ളന്ചീര, ആനക്കൊടിത്തൂവ, ചീര, ചേമ്പ് എന്നിവയുടെ ഇലകളിട്ടുവേവിച്ച വെള്ളത്തിൽ അരിയിട്ടു കഞ്ഞി വയ്ക്കാം.

ചൊറിയണം തോരൻ

ആനക്കൊടിത്തൂവ, ചിരകിയ തേങ്ങ, വെളുത്തുള്ളി, ചുവന്നുള്ളി, ഇഞ്ചി, മുളക്, കറിവേപ്പില, ഉഴുന്ന്, വെളിച്ചെണ്ണ, ഉപ്പ്, മഞ്ഞൾപ്പൊടി എന്നിത്രയുമാണ് തോരനുണ്ടാക്കാനാവശ്യമുള്ള സാധനങ്ങൾ. 

ചൊറിയണം തോരനുണ്ടാക്കുന്ന വിധം

നന്നായി കഴുകിയ ആനക്കൊടിത്തൂവ ഇലകൾ അടർത്തിയെടുത്ത്തോരന് അരിയുന്ന രീതിയിൽ അരിഞ്ഞെടുക്കുക. നനഞ്ഞിരിക്കുന്നത് കൊണ്ട് കൈ ചോറിയുമെന്നു പേടിക്കേണ്ട. ചട്ടിയിൽ എണ്ണയൊഴിച്ച് ചൂടാവുമ്പോൾ ഉഴുന്നിട്ടു മൂപ്പിക്കുക. അതിൽ ഇല ഒഴികെയുള്ള ചേരുവകൾ ഇട്ടു വഴറ്റിയെടുക്കുക. ഇലയും പാകത്തിന് ഉപ്പും ചേര്ത്തു പാത്രം അടച്ചു വച്ച് വേവിക്കുക. നിങ്ങളുടെ ചൊറിയണം തോരൻ തയ്യാറായിക്കഴിഞ്ഞു. 

നീല അമരി

നീല അമരി 

         

രസാദി ഗുണങ്ങൾ :

രസം : തിക്തം .   

ഗുണം : രൂക്ഷം , ലഘു . 

വീര്യം : ഉഷ്ണം .     

 ഔഷധ ഉപയോഗങ്ങൾ : 

സമൂലം ഉപയോഗിക്കുന്നു.  വിഷ ഹരമാണ്. കേശീഗണത്തിൽ പ്പെടുന്നു. സന്ധിവാതം , രക്ത വാതം , ആമവാതം , തലചുറ്റൽ , മഞ്ഞപ്പിത്തം എന്നിവയുടെ ചികിത്സയ്ക്ക് ഉപയോഗിയ്ക്കുന്നു. നീലീഭൃംഗാദി എണ്ണ , നീലതുളസ്യാദി തൈലം , ചെമ്പരത്യാദി തൈലം , അസനേ ലാദിതൈലം എന്നിവയിലെ ഒരു ചേരുവയാണ്.  

മുകളിൽ പറഞ്ഞതെല്ലാം നീല അമരിയുടെ ആയുർവ്വേദത്തിലുള്ള സ്ഥാനമാണ്. 

വീടുകളിൽ നമ്മൾ എണ്ണ 

മൂപ്പിയ്ക്കുമ്പോൾ , നീല അമരി ഇല ഇട്ട് മൂപ്പിച്ചെടുത്ത എണ്ണ തലയിൽ തേച്ചാൽ മുടിയ്ക്ക് കേമം .

നീല അമരി...

ലെഗൂമിനേസി കുടുംബത്തിൽപ്പെട്ട ഒരു അംഗമാണ്‌ നീല അമരി. ഇതിന്റെ ശാസ്ത്രീയനാമം ഇൻഡിഗോഫെറ ടിൻക്ളോറിയ(Indigofera tinctoria) സംസ്കൃതത്തിൽ നീല, നീലിനി, തുതല, ഗ്രാമിണി എന്നും ഇംഗ്ലീഷിൽ ഇൻ‌ഡിഗൊ പ്ലാന്റ‌` എന്നും വിളിക്കുന്നു. സമതല പ്രദേശങ്ങളിൽ സാധാരണ കാണുന്നു. രണ്ടു മീറ്റർ‌ വരെ ഉയരത്തിൽ വളരുന്നു.നീല കലർന്ന പച്ച നിറമാണ് ഇലകൾക്കു്. ഇൻഡിഗൊ നിറത്തിലുള്ള പ്രകൃതിദത്ത ചായം ഉണ്ടാക്കാൻ ഉപയോഗിക്കുന്നു. ഏഷ്യയാണ് നീല അമരിയുടെ ജന്മദേശം.... സന്ധിവാതം, രക്തവാതം, ആമവാതം, തലചുറ്റൽ, മഞ്ഞപിത്തം എന്നിവയുടെ ചികിൽസക്കു് ഉപയോഗിക്കുന്നു. നീലിഭൃംഗാദി എണ്ണ, നീലി തുളസ്യാദി തൈലം, ചെമ്പരുത്യാദികേരം തൈലം, നീലിദളാദി ഘൃതം, അസനേലാദി തൈലം എന്നിവയിലെ ഒരു ചേരുവയാണു്.

വിത്താണ് നടീല് വസ്തുവായി ഉപയോഗിക്കുന്നത്...ചെറു ചൂട് വെള്ളത്തിൽ വിത്തിട്ടാൽ പിളർന്നു അകത്തെ ചെറുവിത്തുകൾ പുറത്തു വരും...പിറ്റേ ദിവസം ഗ്രോ ബാഗിൽ പാകാം..

കുടകപ്പാല

കുടകപ്പാല

1200 മീറ്റർ വരെ പൊക്കമുള്ള സ്ഥലങ്ങളിൽ വളരുന്ന ഔഷധയോഗ്യമായ ചെറിയ വൃക്ഷമാണ്‌ കുടകപ്പാല (ശാസ്ത്രീയനാമം : Holarrhena pubescens). ഇത് 10 മീറ്റർ വരെ ഉയരത്തിൽ വളരുന്നു. അതിസാരത്തിനുള്ള ഔഷധമായി ആയുർവേദത്തിൽ ഉപയോഗിക്കുന്നു .

നേർത്ത സുഗന്ധമുള്ള പൂക്കൾ കുലകളായി ഈസ്റ്റർ കാലത്ത് ഉണ്ടാകുന്നതു കൊണ്ട് ഈസ്റ്റർ മരം എന്നും വിളിക്കും. കായ്കൾക്ക് ഒരടിയോളം നീളമുണ്ട്. വിത്തു നട്ടും വേരിൽ നിന്നുണ്ടാകുന്ന തൈകൾ നട്ടും വളർത്താം .സംസ്കൃതനാമം  കുടജ .

രസഗുണങ്ങൾ :

രസം - തിക്തം

ഗുണം - ലഘു, രൂക്ഷം

വീര്യം - ശിതം

ഔഷധ ഗുണങ്ങൾ :

തൊലി, വേരു്, വിത്ത് എന്നിവ ഔഷധത്തിനു് ഉപയോഗിക്കുന്നു. അമീബിക് വയറുകടിയ്ക്കും അതിസാരത്തിനും നല്ല മരുന്നാണ്. അർശ്ശസ്സ്, രക്തപിത്തം, കുഷ്ടം, ഛർദ്ദി, വയറുവേദന എന്നീ രോഗങ്ങൾക്ക് നല്ല മരുന്നാണെന്ന് ഭാവപ്രകാശം, ധന്വന്തര നിഘണ്ടു എന്നീ ഗ്രന്ഥങ്ങൾ പറയുന്നു. 

ഘടന :

പാൽ നിറത്തിൽ കറയുള്ള ചെടിയാണ്‌ ഇത്. ഇതിന്റെ ഇലകൾ സമ്മുഖമായി വിന്യസിച്ചിരിക്കുന്നു. ചെറിയ ഇല ഞെട്ടിൽ 10-30 സെന്റീമീറ്റർ വരെ നീളമുള്ള ഇലകൾക്ക് വൃത്താകാരമാണുള്ളത്. ഇലകളുടെ സിരകൾ വ്യക്തമായി കാണാവുന്നതാണ്‌. പത്ര കക്ഷത്തിൽ പുഷ്പമജ്ഞരി ഉണ്ടാകുന്നു. പൂക്കൾ ചെറുതും വെള്ളനിറത്തിൽ സുഗന്ധമുള്ളതുമാണ്‌. ബാഹ്യദളപുടം സം‌യുക്തവും 5 ഇതളുകൾ ഉള്ളതുമാണ്‌. ദളപുട നാളിയുടെ അഗ്രഭാഗത്തായി 5 ദളങ്ങൾ സ്ഥിതിചെയ്യുന്നു. ഒരു പൂവിൽ 5 കേസരങ്ങൾ ഉണ്ട്. ഒരു പൂവിൽ നിന്നും രണ്ട് ഫോളിക്കുകളിലായി നീളമുള്ള വിത്തുകൾ കാണപ്പെടുന്നു. 

തൊലി, വിത്ത് എന്നിവയാണ്‌ ഔഷധയോഗ്യമായ ഭാഗങ്ങൾ

കാട്ടു പടവലം

കാട്ടു പടവലം

കുടുംബം         : കുക്കുർബിറ്റേസി 

ശാസ്ത്രനാമം  : ട്രൈക്കോ സാന്തസ് കുക്കുമെറിന 

രസം        :  തിക്തം 

ഗുണം      : ലഘു - സ്നി ഘ്നം  

വീര്യം       :  ഉഷ്ണം   

വിപാകം  :  കടു

സംസ്കൃത നാമം പടോല, തിക്താ, രാജിഫല

പ്രയോഗാംഗം:-   വേര്, തണ്ട്, ഇല, പൂവ്, കായ്

ഉയരത്തിലേക്ക് പടരുന്ന മൃദുലതാസസ്യമാണ്. രൂപത്തിൽ കോവയ്ക്കായോട് സാദൃശ്യമുണ്ട്. ഇലകൾ സാധാരണ പടവകത്തേക്കാൾ ചെറുതാണ്. പച്ചയിൽ വെള്ള വരകൾ കായുടെ പ്രത്യേകതയാണ്. ഇത് അധികം നീളത്തിൽ വളരാറില്ല. കായ്കൾ 9 സെന്റീമീറ്റർ വരെ നീളത്തിൽ വളരുന്നു. ആൺചെടിയും പെൺചെടിയും പ്രത്യേകമായുണ്ട്. കായ്കൾക്ക് കയ്പ്പുണ്ടെങ്കിലും ഭക്ഷ്യയോഗ്യമാണ്. പൂക്കൾക്ക് വെളുത്ത നിറമാണ്

കായ പിഴിഞ്ഞ നീര് വിരേചന ഔഷധമായി ഉപയോഗിക്കാം.വള്ളി കൊണ്ടുള്ള കഷായം ശ്വാസകോശത്തിലെ കഫം ചുമപ്പിച്ച് കളയുവാൻ സഹായിക്കുന്നു. (Expectorant)കുഷ്ഠരോഗ, മസൂരി ചികിത്സകളിൽ കാട്ടുപടവലം ഉത്തമ ഔഷധമായി ഗണിച്ചിരുന്നു.

കാട്ടു പടവലം ബംഗാൾ ഗുജറാത്ത് ഡക്കാൻ കേരളം എന്നിവടങ്ങളിലെ കാടുകളിൽ  ധാരാളമായി കണ്ടുവരുന്നു. അപൂർവമായി ഗ്രാമങ്ങളിലും കാണുന്നുണ്ട്. ഇപ്പോൾ ധാരാളമായി കൃഷി ചെയ്യുന്നുമുണ്ട് . 

കാട്ടു പടവലം  പടോല -  തിക്ത - രാജിഫല - കഷ്ഠഘ്ന -   പാണ്ഡുഫല  -  അമൃത ഫല-  ബീജലത -  പരവൽ എന്നെല്ലാം അറിയപ്പെടുന്നു. പ്രാദേശികമായ  വേറേയും പല പേരുകളും ഉണ്ട്. 

വളരെ ഉയരത്തിൽ പടർന്നു കയറുന്ന വള്ളി ചെടി ആണ് കാട്ടു പടവലം.  ഇത്  സമൂലം ഔഷധ യോഗ്യമാണ്. കാട്ടു പടവലം ചേരുന്ന ഔഷധ യോഗങ്ങൾ ധാരാളമുണ്ട്. തലവേദനക്കും ചർമ രോഗത്തിനും നീരിനും വീക്കത്തിനും കരളിലേയും പിത്താശയത്തിലേയും കല്ലുകൾക്കും പ്രമേഹത്തിനും  രക്തശുദ്ധിക്കും ജ്വരത്തിനും കാട്ടു പടവലം ഫലപ്രദമാണ്. 

 സമൂലം ഔഷധ മായ കാട്ട് പടവലം ഇപ്പോൾ കൃഷി ചെയ്യണ്ട അവസ്ഥയിൽ എത്തി .

മുളയുടെ ചീളുപയോഗിച്ച് കായയിലെ തൊലി ചുരണ്ടി നീക്കി ഉപ്പിട്ട് തോരന്‍ വെക്കണം. ഇരുമ്പ് തൊട്ട് പാചകം ചെയ്യരുത്.  കയ്പന്‍ പടവലം ഉണക്കി കൊണ്ടാട്ടം തയ്യാറാക്കാം.

ഔഷധ ഗുണങ്ങൾ 

വിത്തിന് വിര ശല്യം നിയന്ത്രിക്കാന്‍ കഴിവുണ്ട്. 

ദീപന വര്‍ധനയ്ക്കും രക്തശുദ്ധീകരണത്തിനും , ത്വക് രോഗ  നിവാരണത്തിനും , നേത്ര രോഗ ശമനത്തിനും , ശ്വാസരോഗ ശമനത്തിനും , കാട്ടു പടവലം  ഉത്തമമാണ്. പടോലാസവം, ഗുല്‍ഗുലുതിക്തം, തൈലം, പടോലാദിഘൃതം, പടവലാദി കഷായം എന്നിവയില്‍ കയ്പന്‍ പടവലം അവശ്യഘടകമാണ്.

സാധാരണ പടവലത്തെ പോലെ കുഴിയുണ്ടാക്കി ജൈവ വളം ചേര്‍ത്ത് വിത്തിടണം. ചെടി പന്തലിട്ട് പടര്‍ത്തണം. രോഗ കീട ശല്യമില്ല. ചെടിയില്‍ നിന്നുള്ള കായ്കള്‍ ക്ക് പുറമെ, ചെടി സമൂലം ഉണക്കിയും വില്പന നടത്താം.

ഒരേക്കറില്‍ നിന്ന് 400 കിലോഗ്രാം വരെ വിളവ് കിട്ടും. പിത്ത ചികിത്സയിലും കാട്ടുപടവലം മികച്ച മരുന്നാണ്. പനി, മഞ്ഞപ്പിത്തം, എന്നിവയുടെ ശമനത്തിനും ഇത് ഉത്തമമാണ്. കാട്ട് പടവലത്തിന്റെ വിത്ത് ചില കര്‍ഷകര്‍ നല്‍കി വരുന്നുണ്ട്. ഔഷധ സസ്യകൃഷിയില്‍ വിപണിയാണ് ഉറപ്പാക്കേണ്ടത്.

വേർ ,തണ്ട് ,ഇല ,പുവ്വ് ,

കായ എന്നീവ കാട്ടുപടവലത്തിന്‍റെ ഔഷധ -യോഗ്യഭാഗങ്ങള് ആണ് ‍ ,തല വേദനക്ക് കാട്ടുപടവല ത്തിന്‍റെ വേര് അരച്ച്  നെറ്റിയില്‍ പുരട്ടാം ,കഷായം ചര്‍മ്മരോഗം കുഷ്ടം -വിഷം -രക്തപിത്തം 

മലബന്ധം എന്നിവ ശമിപ്പിക്കും .   ഇല അരച്ച് പുരട്ടിയാൽ നീരും വീക്കവും മാറും , കുരുക്കളിൽ  ഇട്ടാൽ കുരു പെട്ടന്ന് പൊട്ടി വേഗം ഉണങ്ങും .

കരളിലും പിത്താശയത്തിലും ഉള്ള കല്ലുകൾ ക്ക് ഉപയോഗിക്കുന്നു .പ്രമേഹം ശമിപ്പിക്കും . കരൾ സംരക്ഷിക്കും .രോഗാണുക്കളെ നശിപ്പിക്കാൻ കഴിവുണ്ട് ,അത് കൊണ്ട് രോഗാ വസ്ഥയിൽ ഭക്ഷണത്തിന് ഒപ്പം നല്ലതാണ് . 

കേരളത്തിൽ മറയൂർ ഭാഗത്ത് കാട്ടു പടവലം ധാരാളമുണ്ട് . ഇവിടെ ഇതിന് കിലോക്ക് 120 രൂപ മുതൽ 170 രൂപ വരെ മൊത്ത വിൽപന വിലയുണ്ട് . കാട്ടു പടവലം കഫത്തെ ഇളക്കി കളയാൻ നല്ലൊരു എക്സ് പെറ്റോറൻ്റാണ് . കയ്പൻ പടവലം കൊടുത്ത ശേഷം നസ്യം ചെയ്താൽ ശിരസിലേയും നെഞ്ചിലേയും കഫം ഇളകിപ്പോകും. ഒരു ദിവസം മൂന്നു നേരം ഇത് സേവിച്ച ശേഷം പിറ്റേന്ന് രാവിലെ വയറിളക്കിയാൽ വയറ്റിലെ കഫം ഇളകി പോകും. 

കാട്ടു പടവലത്തിൻ്റെ എല്ലാ ഭാഗങ്ങളും ഔഷധ യോഗ്യമാണ്. കാട്ടു പടവലം രക്തത്തെ ശുദ്ധമാക്കും. സോറിയാസിസ് എക്സീമ കുഷ്ടം വെൺ കുഷ്ടം മുതലായ എല്ലാ ത്വക് രോഗങ്ങളിലും കാട്ടു പടവലം ഫലപ്രദമാണ്.  ഇത് സ്വര സമായോ കഷായ മായോ തോരനായോ എങ്ങിനെ കഴിച്ചാലും രക്തശുദ്ധിക്ക് ഉത്തമമാണ് . കഷായമായി കഴിക്കുമ്പോൾ കരിങ്ങാലി മഞ്ചട്ടി കാർകോലരി കണികൊന്ന യുടെ തൊലി എന്നിവ ചേർത് കഷായം വച്ച് സേവിക്കുന്നതുത്തമം. ഇത് രക്തം ശുദ്ധമാക്കുകയും എല്ലാത്തരം ത്വക് രോഗങ്ങളും ശമിപ്പിക്കുകയും ചെയ്യും കൂടാതെ മലബന്ധം അകറ്റുകയും ഗ്യാസ് ട്രബിളും  അസിഡിറ്റിയും  ഇല്ലാതാക്കുകയും ചെയ്യും. ദഹനം വർദ്ധിപ്പിക്കും. വയറ്റിൽ കൊളുത്തി പിടിക്കും പോലെ വേദനയുണ്ടാക്കുന്ന ആന്ത്രശൂല ശമിപ്പിക്കും. ആന്ത്ര ശൂലയിൽ സിദ്ധ വൈദ്യത്തിലെ ചില ലവണങ്ങൾ കൂടി ചേർക്കുന്ന പതിവുണ്ട്. 

കാട്ടു പടവലം സമൂലം കരിക്കിൻ വെള്ളത്തിൽ ഇട്ട് ഒരു രാത്രി വച്ചിരുന്ന് രാവിലെ മിക്സിയിൽ അടിച്ച് പിഴിഞ്ഞരിച്ച് തേൻ ചേർത്  കുടിച്ചാൽ ആർതവ വേദന ഇല്ലാതാവും. ആർതവത്തിന് മുൻപായി രണ്ടു മൂന്നു ദിവസം കഴിക്കുക. രണ്ടു മൂന്നു മാസം ആവർത്തിക്കുക. 

കാട്ടു പടവലം ചതച്ചു പിഴിഞ്ഞ നീര് നെറ്റിയിൽ പുരട്ടിയാൽ കൊടിഞ്ഞി ശമിക്കും. വേരാണെങ്കിൽ ഗുണം കൂടുതൽ ഉണ്ടാവും.  

കുഷ്ടഘ്ന ഔഷധമാണ് കാട്ടു പടവലം .കു്ഷ്ഠ ഘ്ന ക്വാഥത്തിലെ പ്രധാന ചേരുവയാണ് കാട്ടു പടവലം 

പടവലപത്രം പിത്തഘ്നം 

തദ്വല്ലീ കഫനാശനം 

ഫലം തൃദോഷ ശമനം 

മൂലം തസ്യ വിരേചനം 

പടവലത്തിൻ്റെ ഇല പിത്തവികാരം ശമിപ്പിക്കും ഇതിൻ്റെ വള്ളി കഫത്തെ ശമിപ്പിക്കും. ഫലം തൃദോഷങ്ങളേയും ശമിപ്പിക്കും കിഴങ്ങ് വിരേചന കാരിയാണ് - കൂടാതെ അത് വിഷത്തെ ശമിപ്പിക്കുന്നതും ആണ്.  പടവല കടുകുരോഹിബ്യാദി കഷായം വിധിപ്രകാരം ഉണ്ടാക്കിയ കൈര ശോര ഗുൽഗുലു ചേർത് കൊടുത്താൽ കൊഴുപ്പ് ശമിക്കുന്നതാണ് . കൊഴുപ്പ് ശമിച്ച ശേഷം തൃദോഷങ്ങളിൽ ആധിക്യം ഏതാണെന്ന് മനസിലാക്കി  പ്രമേഹത്തിന് ഔഷധം കൊടുത്താൽ വേഗത്തിൽ ഫലം കിട്ടുന്നതാണ് . 

കുഷ്ട ഗണത്തിൽ ' വരുന്ന കഫ പ്രധാനമായ രോഗമാണ് സോറിയാസിസ് .

ചിത്തിരപ്പാല /കുഴിനാഗപ്പാല (Euphorbia hirta Linn)

എന്റെ പേരാണ് "ചിത്തിരപ്പാല /കുഴിനാഗപ്പാല ". Bn-(Euphorbia hirta Linn). 

                 ഞാൻ ഇന്ത്യയിൽ ഉടനീളം വളരുന്നു. മഴയ്ക്ക്ശേഷം മിക്കവാറും എല്ലാ സ്ഥലങ്ങളിലും എന്നെ കാണാം. ഒന്നര അടിയോളം ഉയരത്തിൽ വളരുന്ന ഒരു ഏകവർഷി ഔഷധസസ്യമാണ് ഞാൻ. എന്റെ ശരീരം രോമാവൃതമാണ്. ധാരാളം ഉപശാഖകളോടെ നിവർന്നു മുകളിലേക്ക് വളരുന്ന എന്റെ എല്ലാഭാഗങ്ങളും ഔഷധയോഗ്യമാണ്. L ഇനോസിറ്റോൾ, സാൻദ്‌ധോർഹാംനിന് എന്നീ ക്ഷാരപദാർഥങ്ങൾ എന്നിൽ അടങ്ങിയിട്ടുണ്ട്., കൂടാതെ ഒരു ബാഷ്പ്പശീലതൈലവുമുണ്ട്. 

            എന്റെ കറ പതിവായി കുറച്ചുനാൾ പുരട്ടിയാൽ അരിമ്പാറ ഇല്ലാതാകും. കഫം, പിത്തം, രക്തദോഷം, വ്രണം, ചൊറി, പ്രമേഹം, കുഷ്ഠം, ആസ്മ, അരുചി, മൂത്രതടസം ഇവയുടെ ചികിത്സകളിലൊക്കെ ഞാൻ സഹായിയാണ്. ഞാൻ ശുക്ലം വർധിപ്പിക്കുന്നു, രാസായനീക സ്വഭാവവും എനിക്കുണ്ട്. 

        

ആകാശഗരുഡക്കിഴങ്ങ് / കൊല്ലൻ കോവ -Corallocarpus epigaeus

ആകാശഗരുഡക്കിഴങ്ങ് / കൊല്ലൻ കോവ -Corallocarpus epigaeus( 

Cucurbitaceae)

തമിഴ്: ആകാശ് ഗരുഡന്ദ്

ഇംഗ്ലീഷ്: ബ്രയോംസ്

തെലുങ്ക്: ആകാശ-ഗരുഡ-ഗദ്ദാലു

മലയാളം: കൊല്ലം-കോവ-കിഹന്ന

കന്നഡ: ആകാശ-ഗരുഡ-ഗദ്ദെ

മറാത്തി:

ഹിന്ദി: ആകാശഗദ്ദ

സംസ്കൃതം: പടലഗരുഡ

ഇന്ത്യയിലുടനീളം കാണപ്പെട

ഉപയോഗങ്ങൾ:

പാമ്പുകടി, ശരീര താപം, സോറിയാസിസ്.

എങ്ങനെ ഉപയോഗിക്കാം:

കിഴങ്ങുവർഗ്ഗത്തിന്റെ പുറം തൊലി നീക്കം ചെയ്ത് നന്നായി പൊടിക്കുക, മുകളിൽ പറഞ്ഞ രോഗങ്ങൾക്ക് 1 ഗ്രാം പഞ്ചസാര നൽകുക.

ഉപയോഗിച്ച ഭാഗങ്ങൾ:

കിഴങ്ങുവർഗ്ഗം

രുചി: കയ്പ്പ്

വിവിധ സഹചരാദി കഷായ യോഗങ്ങൾ

വിവിധ സഹചരാദി കഷായ യോഗങ്ങൾ

സഹചരാദി കഷായം

(ബാലചികിത്സ )

കരിങ്കുറിഞ്ഞി ദേവദ്രു

നാഗരൈ: ക്വഥിതം ജലം I

ത്രീണിദ്വൈകമിദം സർവ്വം

വാതരോഗെ വിശേഷത: Il

  

വായ്മൊഴി

സഹചരം സുരദാരു ച നാഗരം

ത്രയമഥദ്വയമേകമിതി ക്രമാത് I

ക്വഥിതമംഭസി തൈല വിമിശ്രിതം

പിബതി വാത വികാരവിനാശനം II

ആദാരീ സഹചരാദികഷായം

(അനുഭൂതം )

ആദാരീസഹചരയോർ മൂലം

സുരദാരുനാഗരം ക്വാഥ്യം I

പീത്വാവാതവികാരാൻ

ശീഘ്രം ഹന്യാദധോഗ കായസ്ഥാൻ I

(3-3-2-1 അനുപാതം)

ആദാരികാദി കഷായം

(ചികിത്സാക്രമം)

ആദാരീ സഹചരയോർ -

മൂലക്വാഥം പിബേൽ പ്രഗേ ।

ഖഞ്ജ: പംഗുശ്ച പുരുഷോ

ബലാതൈലഞ്ചശീലയേൽ II

സഹചരബലാദികഷായം

(അനുഭൂതം |

സഹചരം 4 ഭാ

ബലാ       4 ഭാ

ഗുഡൂചി   2 ഭാ

ദേവദാരു  1 ഭാ

ശുണ്ഠി     1 ഭാ

സന്ധിശാഖാഗതം ചൈവ

സർവ്വാൻ വാതാനപോഹതി

 ബലാസഹചരാദി

(സ യോ)

ബലാമൂലം   6 ഭാ

സഹചരമൂലം 3 ഭാ

ദേവതാരം     2ഭാ

ശുണ്ഠി         1 ഭാ

ദേവദാരു ബലാവിശ്വ

കോരണ്ഡൈസ്സാധിതം ജലം l

പായയേത്തൈലമിശ്രംതു

സർവ്വവാത വികാരനുത് II

(വൈദ്യമനോരമ)

നിർഗുണ്ഡ്യൈരണ്ഡാദി കഷായം

(സർവ്വരോഗ ചികിത്സാരത്നം)

നിർഗുണ് ഡ്യൈരണ്ഡകോരണ്ഡ

ബലാവിശ്വൈ: ശൃതം ജലം I

പീതമേരണ്ഡതൈലാഢ്യം

സർവ്വാൻ വാതാനപോഹതി II

സഹചരാദിയുടെ കൂടെ

ആദാരി

ബലാ

പുനർന്നവ

ധന്വയാഷ

രാസ്നാ

ഹരീതകി

ശിഗ്രു

ഗുഡൂചി

നിർഗുണ്ഡി

ഏരണ്ഡം

കോകിലാക്ഷകം

      എന്നിങ്ങനെയുള്ള ദ്രവ്യങ്ങൾ യുക്തിപൂർവ്വം ചേർത്ത് കഷായം വെച്ച് നൽകാം

പ്രക്ഷേപവും (മേമ്പൊടി) യുക്തിയനുസരിച്ച് തിരഞ്ഞെടുക്കാം

പ്രിയപ്പെട്ട ഔഷധ യോഗങ്ങൾ

പ്രിയപ്പെട്ട ഔഷധ യോഗങ്ങൾ

--------------------------------------------------

പഥ്യാ ഗോപാംഗനാ നിംബൈ

ക്വാഥസ്യാൽ ശോണിതാമൃതം  I

പിടകാകുഷ്ഠവീസർപ്പ

രക്തദോഷഹരം പരം II

നിഹന്തി തുളസീ ക്വാഥ:

പാദംശം മരിചാന്വിതം I

ശീതജ്വരാരിനാമ്നോയം

അഖിലാൻ വിഷമജ്വരാൻ ॥

ഭദ്രാപുനർന്നവദ്രാക്ഷാ

ബലാജീരകഗോക്ഷുരൈ: l

ഏഷ: ക്വാഥ: പിബേൽ നിത്യം

ഗർഭരക്ഷണമുത്തമം II

മൂലകാദി കഷായം (AVS)

മൂലകാച്ച ഹരീതക്യാ:

പൃഥക്കർഷസമാംശകം

കാരവ്യരിഷ്ടാരിഷൾക്കം

പ്രത്യേകം ശാണമാത്രകം

പിബേദേഭി: ശൃതം ക്വാഥം

ബാലവീസർപ്പനാശനം

കുലത്ഥാദികഷായം (AVS)

കുലത്ഥ ലശുനൈരണ്ഡ

സ്തിലേചശൃതം ജലം I

പലാശക്ഷാരസംയുക്തം

പരമാർത്തവശോധനം II

പാലണ്ഡവ ഘൃതം (AVS)

പലാണ്ഡുസ്വരസേ സിദ്ധം

പാഠാ ജീരക കല്ക്കമായ്

ഘൃതമർശോഹരം ശ്രേഷ്ഠം

രക്തസ്രുതി വിനാശനം II

ഷട്ധരണ ചൂർണ്ണം

ഷട്ധരണ ചൂർണ്ണം

 അഷ്ടാംഗ ഹൃദയത്തിൽ കുഷ്ഠ ചികിൽസയിൽ ആണ് വിവരിക്കുന്നത് 

" പാഠാ ദാർവീ വഹ്നി ഘുണേഷ്ഠാ കടു കാഭിഃ 

മൂത്രം യുക്തം ശക്രയെവെ : ച ഉഷ്ണ ജലം വാ

കുഷ്ഠീ പീ ത്വാ മാസമരുക് സ്യാൽ ഗുദ കീ ലീ 

മേഹീ ശോ ഫീ പാണ്ഡുര ജീർണ്ണീ കൃമി മാൻ ച | I (40 ) 

അർത്ഥം : - പാടക്കിഴങ്ങ് ,മരമഞ്ഞൾ ,കൊടുവേലിക്കിഴങ്ങ് ,അതിവിടയം ,കടുരോഹിണി ,കുടകപ്പാലയ രീ ഇവ സമം പൊടിച്ചു ചേർത്ത് ഗോമൂത്രത്തിലോ ചൂടുവെള്ളത്തിലോ ഒരു മാസം തുടർച്ചയായി ഉപയോഗിച്ചാൽ കുഷ്ഠം ശമിക്കും . അർശ്ശസ്സ് ,പ്രമേഹം ,ശോ ഫം ,പാണ്ഡു ,അജീർണ്ണം ,കൃമി ഇവയും ശമിക്കും ! 

അഷ്ടാംഗ സംഗ്രഹത്തിൽ വാത വ്യാധി ചികിൽസയിൽ " ദാർവീ കലിംഗ കടുക അതി വിഷ അഗ്നി പാഠ എന്നു തുടങ്ങുന്ന യോഗം തന്നെ .... അവിടെ ഷട് ധരണമെന്ന പ്രയോഗം ഉണ്ട് ... ഗ്രഹണി ... ഉരു സ്തംഭം അധികമായി പറഞ്ഞിരിക്കുന്നു ! 

സാമവാതത്തിൽ ആണ് ഷട് ധരണം പ്രയോഗിക്കേണ്ടത് ! കൂടാതെ ശോഫ ചികിത്സയിലും ഷട് ധരണ ചൂർണ്ണം കൊടുക്കാറുണ്ട് 

ന വൈദ്യ പ്രഭുരായുഷഃ

ന വൈദ്യ പ്രഭുരായുഷഃ 

"വ്യാധേ: തത്വ പരിജ്ഞാനം വേദനായാശ്ച നിഗ്രഹ :

ഏതദ് വൈദ്യസ്യ വൈദ്യത്വം ന വൈദ്യ പ്രഭുരായുഷഃ " 

അതായത് രോഗത്തെ പഠിക്കലും വേദനയെ ഇല്ലാതെ ആക്കലും ആണ് വൈദ്യധർമം. വൈദ്യൻ ആയുസ്സിന്റെ പ്രഭു അല്ല. 

മഹാമാരി ഉണ്ടാകാനുള്ള കാരണങ്ങൾ ചരകാചാര്യർ

മഹാമാരി ഉണ്ടാകാനുള്ള കാരണങ്ങൾ ചരകാചാര്യർ

"വൈഗുണ്യമുപപന്നാനാം

ദേശകാലാനിലാംഭസാം I

ഗരീയസ്ത്വം വിശേഷേണ

ഹേതുമത്സമ്പ്രവക്ഷ്യതേ" II

വാതാജ്ജലം ജലാത് ദേശം

ദേശാത്കാലം സ്വഭാവത: I

വിദ്യാദ് ദുഷ്പരിഹാര്യത്വാദ്

ഗരീയസ്തരമർത്ഥവിത് ॥

യേഷാം ച മൃത്യു സാമാന്യം

സാമാന്യം ന ച കർമണാം I

കർമ്മ പഞ്ചവിധം തേഷാം

ഭേഷജം പരമുച്യതേ II

ഹിതം ജനപദാനാം ച

ശിവാനാമുപസേവനം I

സേവനം ബ്രഹ്മചര്യസ്യ

തഥൈവ ബ്രഹ്മചാരിണാം ॥

സങ്കഥാ ധർമ്മശാസ്ത്രാണാം

മഹർഷീണാം ജിതാത്മനാം l

ധാർമികൈ: സാത്വികൈർ നിത്യം

സഹാസ്യാവൃദ്ധസമ്മതൈ: II

ഒറ്റമൂലികാ പ്രയോഗം

ഒറ്റമൂലികാ പ്രയോഗം

( ബ്രഹ്മരഹസ്യം )

നെല്ലിതൻ കായെടുത്തിട്ടു

കുരുനീക്കിയരച്ചുടൻ

പാലിൽ കലക്കിസ്സേവിച്ചാൽ

പ്രമേഹം പീനസങ്ങളും

ശമിച്ചീടുമതെന്നല്ല

ത്രിദോഷശമനം ഫലം

ഇതിന്നിലയിടിച്ചിട്ടു

കാടികൂട്ടിപ്പിഴിഞ്ഞുടൻ 

അരിച്ചിട്ടിതുസേവിച്ചാൽ

സുഖശോധന വന്നിടും II

ബാലന്മാരുടെ കർണരോഗത്തിന്

ഏരണ്ഡശിഗ്രുകരിനൊച്ചിദളോത്ഥനീരിൽ

കാറെഷ്ടികൊട്ടമിവയിട്ടു പ ചിച്ചതൈലം I

പൂരിച്ചുകൊണ്ടു ചെവിയിൽ, തലയിൽ തലോടിൽ

തീരും പ്രിയെ! ചെവിയിലുള്ള സമസ്ത രോഗം  II

(ബാലചികിത്സ )

ആവണക്കില, മുരിങ്ങയില, കരിനൊച്ചിയില ഇവ ഇടിച്ചു പിഴിഞ്ഞരിച്ച നീരിൽ മുത്തങ്ങയും, എരട്ടിമധുരവും കല്ക്കനായി തൈലം കാച്ചി ചെവിയിൽ തുളിക്കുകയും തലയിൽ തേച്ചു തുടക്കുകയും ചെയ്താൽ ചെവിയിലുള്ള എല്ലാ രോഗവും ശമിക്കുമെന്നു താല്പര്യം

അഷ്ടാംഗഹൃദയത്തിലെ ഏരണ്ഡശിഗ്ര്വാദി യോഗം വേറെയാണ്

ഏരണ്ഡശിഗ്രുവരുണ

വില്വകാല്പത്രജെരസേ l

ചതുർഗുണെ പചേത്തൈലം

ക്ഷീരേചാഷ്ടഗുണോന്മിതേ

യഷ്ട്യാഹ്വക്ഷീരകാകോളീ

കല്ക്കയുക്തം നിഹന്തി തൽ

നാദബാധിര്യശൂലാനി

നാവനാഭ്യംഗപൂരണൈ: II

ക്ഷീരകാകോളിക്കു പകരം അശ്വഗന്ധ ചേർക്കുന്നു 

മൂലകാൽ എന്നതിൻ്റെ സ്ഥാനത്ത് വില്വകാൽ എന്നാണ് ഗ്രന്ഥപാഠം'

കറുകാമൃതയെളളുമഞ്ഞളും

കുറുകെപ്പാലൊടുവെന്തരച്ചതു l

നറുവെണ്ണയൊടും പിരട്ടുകിൽ

ചെറുപിള്ളക്കു കുരുക്കൾ വേരറും II

(ബാലചികിത്സ )

ആവണക്കുരുവൊടെള്ളു കടുക്കയും

വേവു ചിറ്റമൃതുമായ് പയസി, പ്രിയേ!

നോവു വീക്കമതു ശോണിതവാതജം

പോവതിന്നു ഗുണമാണിതരച്ചിടാൻ II

മേലുണ്ണികൾക്കു പലദിക്കിലുമായ് മുളക്കും

പാലുണ്ണികൾക്കു മധുവിൽ മധുയഷ്ടിതേയ്ക്ക I

മൈലെണ്ണയീർക്കലുകരിച്ചതു ചേർത്തുമാര്യേ!

പാലുണ്ണികൾക്കു തടവാമുടയാൻ ക്ഷണത്തിൽ II

(ബാലചികിത്സ - എം.കെ.കു. രാ.വൈദ്യർ )

പഥ്യാ ഗോപാംഗനാ നിംബൈ

ക്വാഥസ്യാൽ ശോണിതാമൃതം  I

പിടകാകുഷ്ഠവീസർപ്പ

രക്തദോഷഹരം പരം II

നിഹന്തി തുളസീ ക്വാഥ:

പാദംശം മരിചാന്വിതം I

ശീതജ്വരാരിനാമ്നോയം

അഖിലാൻ വിഷമജ്വരാൻ ॥

ഭദ്രാപുനർന്നവദ്രാക്ഷാ

ബലാജീരകഗോക്ഷുരൈ: l

ഏഷ: ക്വാഥ: പിബേൽ നിത്യം

ഗർഭരക്ഷണമുത്തമം II

സുഭാഷിതം

സുഭാഷിതം 

ക്ഷമാ ബലമശക്താനാം

ശക്താനാം ഭൂഷണം ക്ഷമാ I

ക്ഷമാ വശീകൃതിർ ലോകേ

ക്ഷമയാ കിം ന സിദ്ധ്യതി II

ക്ഷമ അശക്തന്മാർക്കുള്ള ശക്തിയാകുന്നു

ശക്തന്മാർക്കാകട്ടെ ക്ഷമ ഒരലങ്കാരമാകുന്നു

ക്ഷമ കൊണ്ട് എല്ലാവരേയും വശത്താക്കാം

ക്ഷമ കൊണ്ട് എന്താണ് നേടുവാൻ കഴിയാത്തത് .

വൃദ്ധിയിൽ

ചുക്കുഴിഞ്ഞ തഴുതാമമോരടം

ശിഗ്രു, ഭദ്രബലയും, കുലത്ഥവും I

അക്കഴഞ്ചിമുരടോടു വെന്ത നീർ

പോക്കിടും പെരിയ വൃദ്ധിയെ ക്ഷണാൽ II

(ബാലചികിത്സ - എം.കെ.കുഞ്ഞിരാമൻ വൈദ്യർ, കണ്ണൂർ)

ദ്വിരുത്തര ചൂർണ്ണം

ദ്വിരുത്തര ചൂർണ്ണം

ഹിംഗുകുഷ്ഠവചാസർജി

ബിഡം ചൈവ ദ്വിരുത്തരം I

പീതം മദ്യേന തച്ഛൂർണ്ണ -

മുദാവർത്ത വിനാശനം II

കായം 1 ഭാഗം

കൊട്ടം 2 ഭാഗം

വയമ്പ് 4 ഭാഗം

തുവർച്ചിലക്കാരം 8 ഭാഗം

വിളയുപ്പ് 16 ഭാഗം

ഇവ പൊടിച്ച് മാത്ര നിശ്ചയിച്ച് മദ്യത്തിൽ കലക്കി സേവിച്ചാൽ ഉദാവർത്തം ശമിക്കും..

പാടക്കിഴങ്ങ്

പാടക്കിഴങ്ങ്

ശാസ്ത്രീയ നാമം ‌-Cyclea peltata

പാടവള്ളി 

നേത്ര രോഗങ്ങൾ, വൃണങ്ങൾ, ഗർഭപാത്രഭ്രംശനം,വൃക്ക രോഗങ്ങൾ, മഹോദരം തുടങ്ങിയ അസുഖങ്ങളിലും വിഷ ചികിത്സയിലും ഉപയോഗിക്കുന്നു.

പാടത്താളി ,പാടവള്ളി ,പുഴുക്കൊല്ലി ,താളി വള്ളി , എന്നൊക്കെ പ്രദേശികമായി വിളിക്കുന്നു .പാഠാ ,അവിദ്ധ കർണ്ണ , ബഹുതിക്ത സംസ്കൃതത്തിൽ  നാമങ്ങളാലും അറിയപ്പെടുന്ന പാടക്കിഴങ്ങ്, മലയോര പ്രദേശങ്ങളിൽ ധാരാളമായും മറ്റിടങ്ങളിലും സാധാരണ കാണപ്പെടുന്നു. പാടക്കിഴങ്ങാണ്  അധികമായി ഉപയോഗിക്കുന്നതെങ്കിലും ഇതിന്റെ ഇല ഇടിച്ചു താളിയായി തലയിൽ തേച്ചു കുളിക്കുന്നത് മലയാളികളുടെ ശീലമായിരുന്നത്, ഇന്ന് ഓർമ്മ മാത്രമാവുന്നു. വേർ ആഴത്തിൽ പോവുന്നതാണ് ,വേര് വളഞ്ഞ് പിരിഞ്ഞാണ് .

വനങ്ങളിൽ കാൽനട യാത്ര ചെയ്യുന്നവരുടെ ശല്യക്കാരിൽ ഒന്നായ രക്തദാഹികളായ അട്ടകളെ തുരത്തുവാൻ പാടക്കിഴങ്ങിനു കഴിയും.

പാട കിഴങ്ങ് 100 ഗ്രാം ഇരുമ്പ് തൊടാതെ എടുത്ത് ഇടിച്ച് പിഴിഞ്ഞ നീർ 200 ഗ്രാം വെളിച്ചണ്ണയിൽ കാച്ചിയ എടുക്കുക . ഈ എണ്ണ മൂന്ന് ദിവസത്തിന് ശേഷം ഉപയോഗിച്ച് തുടങ്ങാം .വർഷങ്ങൾ കഴിഞ്ഞാലും ഗുണമേറുകയല്ലാതെ കുറയുക ഇല്ല .ഈ എണ്ണ കാലുകളിൽ തേച്ച് പിടിപ്പിച്ചതിനു ശേഷം കാട്ടിൽ കയറുക. അട്ട കടിക്കില്ലയെന്നത് നൂറ് ശതമാനവും ഉറപ്പാണ്. 

 

വയറിളക്കത്തിനും പനിക്കും ശമനമുണ്ടാകുവാൻ പാടക്കിഴങ്ങ് അരച്ച് തേനിൽ ചാലിച്ച് സേവിക്കാം. കടുകപ്പാലയരിയും, പാടക്കിഴങ്ങും  തേനിൽ ചാലിച്ച് സേവിക്കുന്നതും അതിസാര ശമനമുണ്ടാക്കും.

പാടക്കിഴങ്ങ് അരച്ച് ചേർത്ത് വെളിച്ചെണ്ണയിൽ ചെത്തിപ്പൂവ് ഇട്ട് കാച്ചിയരിച്ച് തേക്കുന്നത് കുട്ടികളിലെ ത്വക് രോഗങ്ങളിൽ ശമനമുണ്ടാക്കും .

അർശ്ശോ രോഗത്തിൽ ഇത് ആദിവാസി വൈദ്യത്തിലെ ഒരു രഹസ്യ യോഗമാണ് .

സുഭാഷിതം

സുഭാഷിതം 

ധനധാന്യ പ്രയോഗേഷു

വിദ്യാ സംഗ്രഹണേഷു ച 

ആഹാരേ ച വ്യവഹാരേ ച

മുക്ത ലജ്ജ: സുഖീ ഭവേൽ II (നീതിസാരം ) 

അർത്ഥം : - നെല്ലും പണവും ഉപയോഗിക്കുന്നതിലും വിദ്യ അഭ്യസിക്കുന്നതിലും ജനങ്ങളുമായി വ്യവഹരിക്കുന്നതിലും  ഭക്ഷണം കഴിക്കുന്നതിലും ലജ്ജയില്ലാത്തവൻ സുഖിയായിരിക്കും !

ചിറ്റമൃത്

ചിറ്റമൃത്

ഹാർട്ട്‌ലീഫ് മൂൺ സീഡ് Heartleaf moon seed എന്ന ആംഗലേയ നാമവും, മെനിസ്പെർമേസീ കുടുംബത്തിലെ റ്റീനോസ്പോറ കോർഡിഫോലിയ (Tinospora cordifolia) എന്ന ശാസ്ത്ര നാമവുമുള്ള അമൃത്, ശ്രീലങ്ക, ഇൻഡ്യ എന്നിവിടങ്ങളിലെ വനങ്ങളിൽ മരങ്ങളെ ചുറ്റി വളരുന്ന ഒരു വള്ളിച്ചെടിയാണ്. രസായന ഔഷധമായി ഉപയോഗിക്കുന്ന അമൃത് രോഗങ്ങളെ ഇല്ലാതാക്കുകയും, മരണത്തെ അകറ്റുകയും ചെയ്യും എന്ന് ആയുർവേദമതം. അമൃതിന്റെ ഇലകളിൽ 11.2% മാംസ്യവും നല്ലയളവിൽ കാത്സ്യം, ഫോസ്ഫറസ് എന്നിവയും കാണുന്നതിനാൽ കാലിത്തീറ്റയായി ഉപയോഗിക്കുന്നുണ്ട്.സാധാരണ കാലാവസ്ഥകളിൽ വളരുന്ന ഒരു വള്ളിച്ചെടിയാണിത്. ഇത് ഔഷധമായി ഉപയോഗിക്കപ്പെടുന്നു.

ആയുർവേദ ഗ്രന്ഥങ്ങളിൽ ചിറ്റമൃതിന്റെ എല്ലാ ഭാഗങ്ങളും കറയും ഔഷധമായി ഉപയോഗിക്കുന്നു. മൂത്രാശയ   രോഗങ്ങളിൽ,  ആമാശയ രോഗങ്ങളിലും, കരൾ സംബന്ധിയായ രോഗങ്ങളിലും, ത്വക് രോഗങ്ങളിലും, മറ്റ് ഔഷധങ്ങളുടെ കൂടെ പാമ്പ്, തേൾ വിഷ ചികിത്സയിലും ഉപയോഗിക്കുന്നു തണ്ടിൽ നിന്ന് നിർമ്മിക്കുന്ന അരിഷ്ടം ലൈംഗികശേഷി വർദ്ധിപ്പിക്കും അമൃതാദി എണ്ണ ഉണ്ടാക്കുവാൻ ഉപയോഗിക്കുന്നു.

ആയുർവേദവിധിപ്രകാരമുള്ള മിക്ക ഔഷധങ്ങളിലും അമൃത് ഒരു മുഖ്യഘടകമാണ്. കടുത്ത കയ്പുള്ള അമൃത് പചിച്ചുകഴിഞ്ഞാൽ മധുരരസമായിത്തീരുന്നു. രസായനഗുണമുള്ള ഈ പദാർഥത്തിന് മലത്തെ ശോഷിപ്പിക്കാൻ കഴിവുണ്ട്. കഷായാനുസരവും ലഘുവും ആയതിനാൽ ബലത്തേയും ജഠരാഗ്നിയേയും ഇത് വർധിപ്പിക്കുന്നു.

കാമില, കുഷ്ഠം, വാതവ്യാധികൾ, രക്തദൂഷ്യം, ജ്വരം, കൃമി, ഛർദി ഇവയെ നശിപ്പിക്കുകയും പ്രമേഹം, ശ്വാസരോഗം, കാസരോഗം, അർശസ്, മൂത്രകൃച്ഛ്രം, ഹൃദ്രോഗം എന്നിവയെ ശമിപ്പിക്കുകയും ചെയ്യുന്നു.

സംസ്കൃത നാമം :-

ഗുളൂചി, ഛിന്നാരുഹ , ഛിന്നോൽ ഭവ , വൽസാദനി , കുണ്ടലിനാ, അമൃത വല്ലി അമൃത ലതിക, ഭിഷക് പ്രിയ , മധുപർണി

അമൃതിന്റെ തണ്ട്, തൊലി നീക്കി ചതച്ച് നാലുമണിക്കൂർ വെള്ളത്തിലിട്ടാൽ ഇവയുടെ നൂറ് കിട്ടും. ഒരൌൺസ് നൂറ് പത്തിരട്ടി വെള്ളത്തിൽ ചേർത്ത് 1-3 ഔൺസായി ഉപയോഗിച്ചാൽ ശരീരത്തിലെ ചൂട് ക്രമീകരിക്കാനാകും.

രക്തശുദ്ധിയുണ്ടാകാനും എല്ലാവിധ പനികൾക്കും ഇത് പ്രയോജനപ്രദമാണ്. ഇതിന്റെ തണ്ടു ചതച്ച് അര ഔൺസ് നീരും ഒരു ടീസ്പൂൺ തേനും ചേർത്ത് 6 നേരം കഴിച്ചാൽ പനി മാറും.

വൃക്കരോഗങ്ങൾക്ക് അമൃത് ഇടിച്ചു പിഴിഞ്ഞ നീര് 15 മി.ലി. വീതം രാവിലെയും വൈകീട്ടും ഉപയോഗിക്കുക. ശരീരത്തിൽ അമിതമായുണ്ടാകുന്ന ചുട്ടുനീറ്റൽ മാറ്റാൻ അമൃതിൻ നൂറ് 250 മി.ഗ്രാം വീതം മൂന്നുനേരം കഴിക്കണം.

വാതജ്വരം കുറയ്ക്കാൻ അമൃത് നെല്ലിക്കാത്തോട്, കുമിഴിന്റെ വേര് തുടങ്ങിയ ഔഷധങ്ങൾ സമം ചേർത്ത് കഷായമായി ഉപയോഗിക്കാം. അമൃത്, നറുനീണ്ടിക്കിഴങ്ങ്, തഴുതാമ വേര്, മുന്തിരി, ശതകുപ്പ തുടങ്ങിയവ ഉപയോഗിച്ചുണ്ടാക്കുന്ന ഗുഡുച്യാദി കഷായം വാതജ്വരത്തിനുത്തമമാണ്.

ചിറ്റമൃത്, പച്ചോറ്റിത്തൊലി, ചെങ്ങഴങ്ങിനീർക്കിഴങ്ങ്, നറുനീണ്ടിക്കിഴങ്ങ് തുടങ്ങിയവ ചേർത്തു കഷായം വെച്ചുപയോഗിക്കുന്നത് പിത്തജ്വരം കുറയ്ക്കും.

അമൃത്, കടുക്കാത്തോട്, ചുക്ക് തുടങ്ങിയവയടങ്ങിയ നാഗരാദികഷായം എല്ലാത്തരം പനികൾക്കും ഉത്തമമാണ്.

അമൃതിൻ നീര്, നെല്ലിക്കാനീര്, മഞ്ഞൾപൊടി ഇവ മൂന്നും 10 മി.ലി. വീതം വെറുംവയറ്റിൽ കഴിക്കുന്നത് പ്രമേഹം കുറയ്ക്കാൻ ഉത്തമമാണ്.

അമൃതിൻ നീര് തേനിൽ ചേർത്തുപയോഗിക്കുന്നത് മൂത്രവർദ്ധനവിനും അസ്ഥിസ്രാവത്തിനും ഫലപ്രദമാണ്.

അമൃതിൻ കഷായത്തിൽ കുരുമുളകുപൊടി ചേർത്തുപയോഗിക്കുന്നത് ഹൃദ്രോഗത്തിനും രക്തവാതത്തിനും ഫലപ്രദമാണ്.

അമൃത്, മുത്തങ്ങ, ചന്ദനം, ചുക്ക് ഇവയുടെ കഷായം തലവേദനയും ജലദോഷവും പനിയും മാറ്റും.

അമൃതനീര് തേൻ ചേർത്തുപയോഗിച്ചാൽ ഛർ‍ദ്ദി കുറയും.

ദഹനക്കുറവുള്ളവർ അമൃതിൻ നീരിൽ ചുക്ക് പൊടിച്ചുപയോഗിക്കണം. അമൃതയിലയിൽ വെണ്ണ പുരട്ടിയിട്ടാൽ കുരുക്കൾ പെട്ടെന്നും പഴുത്തു പൊട്ടും.

കാലു വിണ്ടുകീറുന്നതിന് അമൃതയിലയും മൈലാഞ്ചിയും പച്ചമഞ്ഞളും ചേർത്തരച്ച് കിടക്കുന്നതിന് മുമ്പ് കാലിലിടുക.

പ്രമേഹത്തിനും വൃക്കരോഗങ്ങൾക്കുമെതിരായുള്ള സിദ്ധൗഷധമാണ് അമൃത്. ത്വക് രോഗങ്ങളും ശമിപ്പിക്കും.

അമൃതും ത്രിഫലയും സമം കഷായമാക്കി ദിവസം 3 നേരം മൂന്ന് ഔൺസ് വീതം സേവിച്ചാൽ പെരുമുട്ടുവാതം ശമിക്കും.

അമൃത് വള്ളി ഇടിച്ചുപിഴിഞ്ഞെടുത്ത നീര് 15 മില്ലി ദിവസം രണ്ടുനേരം വീതം സേവിച്ചാൽ മൂത്രാശയരോഗങ്ങൾ ശമിക്കും. ‌

അമൃതിൻ നീരിൽ ചുക്കുപൊടി ചേർത്ത് സേവിച്ചാൽ നല്ല ദഹനം ലഭിക്കും.

അമൃത് ചതച്ചിട്ട് ഒരു രാത്രി വെച്ച വെള്ളം അല്പം മഞ്ഞൾപൊടി ചേർത്തു കുടിച്ചാൽ പ്രമേഹം നിയന്ത്രിക്കാം.

അമൃതിൻ നീരും തേനും ചേർന്ന ലേപനം വ്രണങ്ങൾ ഉണക്കും