"പ്രണയം" ഒരു കൊച്ചു കവിത
മന്ദാരം
ആയുർവേദ ചികിത്സയിൽ വളരെ പ്രധാനപ്പെട്ട ഔഷധ സസ്യമാണ് മന്ദാരം .
ശാസ്ത്രനാമം
========================
ബഹുനിയ വാറിഗേറ്റ /ഹുനിയ പെർപുറെ ലിൻ/ബഹുനിയ ടോമൻടോസ
കുടുംബം/Family
========================
സെസാൽപിനോടിയെ
ഇതര ഭാഷാ നാമങ്ങൾ/vernacular names
========================
മലയാളം:മന്ദാരം
സംസ്കൃതം:കാഞ്ചനാര,ഗോവിധാര, ഗാന്ധാരി, ശോനപുഷ്പക,കർഭുധാര,സ്വല്പ കേസരി, യുഗപത്രക,ചമരിക
ഹിന്ദി:കാഞ്ചനാർ
തെലുങ്ക്:ദേവ കാഞ്ചനാമു
തമിഴ്:മന്ദാറെ
ഗുജറാത്തി:ചെമ്പകത്തി
ബംഗാളി:കാഞ്ചന
ആയുർവേദത്തിൽ/ayurveda categorization
========================
ചരക സംഹിതയിൽ വമനോപകമയി പറയപ്പെടുന്നു ചർദിപിക്കുന്ന ഔഷധ സസ്യങ്ങളുടെ കൂട്ടത്തിൽ ഉൾപ്പെടുന്നു എന്ന് സാരം.
സുശ്രുത സംഹിതയിൽ ആകട്ടെ കാഷായ വർഗ്ഗത്തിലും
വാഗ്ഭടൻ ശോധന ദ്രവ്യമായും കണക്കാക്കുന്നു .
വിതരണം
========================
സമുദ്ര നിരപ്പിൽ നിന്നും 4000 അടി ഉയരത്തിൽ ഇന്ത്യയിൽ എല്ലാ പ്രദേശങ്ങളിലും കണ്ടു വരുന്നു കേരളത്തിലെ കാലവസ്ഥയിൽ സുലഭമായി വളരുന്നു .ഔഷധ സസ്യമായും പൂന്തോട്ടങ്ങളിലും ആരാധനാലയങ്ങളിലും നട്ട്ളർത്തുന്നു.
ഇനങ്ങൾ\types:
========================
പൂവിന്റെ നിറത്തിന്റെ അടിസ്ഥാനത്തിൽ
വെള്ള മന്ദാരം_bahunia variegata എന്നും
ചുവന്ന മന്ദാരം_bahunia purpurea എന്നും
മഞ്ഞ മന്ദാരം _bahunia tomentosa എന്നും അറിയപെടുന്നു.
രൂപ വിവരണം/botanical description:
========================
കുറ്റിച്ചെടിയായി വളരുന്ന മന്ദാരം 2-5മീറ്റർ വരെ ഉയരം വെക്കും ചില സ്ഥലങ്ങളിൽ ഇടത്തരം വൃക്ഷമായും ഇവ കണ്ട് വരാറുണ്ട്.
പുറം പട്ട:തവിട്ട് നിറത്തിൽ നീളത്തിൽ ഉള്ള വിള്ളലുകൾ കാണപ്പെടുന്നു തൊലിയുടെ ഉള്ളിലായി നേർത്ത പിങ്ക് നിറവും കാണാം. തണ്ട്: ഇടത്തരം കട്ടിയുള്ള തണ്ടുകൾ തവിട്ട് കലർന്ന കാപ്പി നിറത്തിൽ കാണപ്പെടുന്നു. ഇലകൾ :കാളയുടെ കുളമ്പിന്‌ സമാനമായ ആകൃതിയിലുള്ള ഇലകൾക്ക് 6 മുതൽ 15 സെന്റിമീറ്റർ വരെ നീളവും വീതിയും കാണും. പൂക്കൾ:വെളുത്തനിറത്തിലുള്ള പൂക്കൾ നല്ല സുഗന്ധമുള്ളവയാണ്‌. അഞ്ചിതളുകളുള്ള പൂക്കൾക്ക് മധ്യേ മഞ്ഞ നിറത്തിലുള്ള അഗ്രഭാഗത്തോട് കൂടിയ കേസരങ്ങളും പച്ച നിറത്തിലുള്ള ജനിപുടവും കാണാം. കായകൾക്ക് 7.5 മുതൽ 15 സെന്റിമീറ്റർ വരെ നീളവും 1.5 മുതൽ 1.8 വരെ വീതിയുമുണ്ടാകും.
വിത്തു: ഒരു പോടിനുള്ളിൽ 10 മുതൽ 15 വരെ വിത്തുകൾ കാണപ്പെടും
മന്ദാരം പൂക്കുന്നത് മാർച്ച് മാസത്തിൽ ആണ് കായകൾ കാണപ്പെടുന്നത് മഴക്കാലത്ത് ആണ്.
രാസ ഘടകങ്ങൾ\chemical constituents
========================
പ്രധാനമായും ബീറ്റാ സിസ്റ്റീറോൾ ,ലൂപിയോൾ, കെംപ്ഫെറോൾ,3-ഗ്ലുക്കോസിഡ്‌ തുടങ്ങിയവ കാണപ്പെടുന്നു.
ഔഷധ യോഗ്യഭാഗം
========================
പട്ട, പുഷ്പം,
രസാധി ഗുണങ്ങൾ/properties
========================
രസം: കഷായം
ഗുണം:രൂക്ഷ,ലഘു
വീര്യം: ശീതം,
വിപാകം: കടു
ഔഷധ ഗുണങ്ങൾ/indications
========================
ഗണ്ഡമാല, രക്ത പ്രധരം, രക്ത പിത്തം,മൂത്ര കൃച്ചം, വ്രണം, അർശസ്, മസൂരിക.
മാത്ര\dosage
========================
ചൂർണം:3_6 gm,ക്വാത 40_80ml, പുഷ്പ സ്വരസം 10-20 ml.
ഔഷധ യോഗങ്ങൾ\ ayurveda medicines
========================
കാഞ്ചനാര ഗുഗ്ഗുലു, കോവിധാരാതി കഷായം, കാഞ്ചനാര ഗുഡിക, കാഞ്ചനാര ക്വാത, ചന്ദനാസവം, ചിത്രകാതി തൈലം, ഉഷീരാസവം,മൂത്ര സഗ്രഹനീയ ക്വാതാ,ഗണ്ടമാല കണ്ടന രസം.തുടങ്ങിയവ...
ഔഷധ പ്രയോഗങ്ങൾ\therapeutic uses
========================
കാഞ്ചനാര കഷായത്തിൽ സ്വർണ മാക്ഷിക ഭസ്മം ചേർത്ത് കൊടുത്താൽ മസൂരികയിലും ത്വക് രോഗങ്ങളിലും ഫലം കണ്ടു വരുന്നുണ്ട് മന്ദാരത്തിന്റെ തൊലി എടുത്ത് സമം ചുക്കും ചേർത്ത് ചതച്ചത് ഉള്ളിൽ കഴിച്ചാൽ എല്ലാ കണ്ട രോഗങ്ങളും ശമിക്കും.
മന്ദാരത്തിന്റെ പുറം പട്ടയും കണിക്കൊന്നയുടെ പുറം പട്ടയും ചേർത്ത് ഉണക്കി പൊടിച്ചെടുത്തു വേത് വച്ച് ആ മരുന്നിൽ മുറിവ് കഴുകിയാൽ എത്ര വലിയ വൃണങ്ങളും പെട്ടെന്ന് ഉണങ്ങും.
മക്കോട്ടദേവ
ഇൻഡൊനീഷ്യ, മലേഷ്യ എന്നിവിടങ്ങളിൽ സാധാരണയായി കണ്ടുവരുന്ന നിത്യഹരിത മരമാണ് മക്കോട്ടദേവ
ശാസ്ത്രനാമം:Phaleria macrocarpa
ഫാമിലി: Thymelaeaceae
ദൈവത്തിന്റെ കിരീടം എന്നറിയപ്പെടുന്ന ഈ പഴം സമുദ്രനിരപ്പിൽ നിന്ന് 1,200 മീറ്റർ ഉയരത്തിൽ സ്ഥിതിചെയ്യുന്ന ഉഷ്ണമേഖലാ പ്രദേശമായ ന്യൂഗിനിയയിലാണ് കാണപ്പെടുന്നത്. പരമാവധി 18-20 മീറ്റർവരെ ഉയരം വെക്കുന്ന ഈ മരം മാർച്ചു മുതൽ ഓഗസ്റ്റ് വരെയാണ് പൂവിടുന്നത്. മക്കോട്ടദേവ എന്ന വാക്കിനർഥം ഗോഡ്സ് ക്രൗൺ എന്നാണ്.
മക്കോട്ടദേവയുടെ പട്ടയ്ക്ക് പച്ചനിറമാണ് തടി വൈറ്റ് വുഡ് ആണ്. പച്ചയും അറ്റം കൂർത്തതുമായ ഇലകൾക്ക് 7 മുതൽ 10 സെ. മീ. നീളവും 3 മുതൽ 5 സെ. മീ. വീതിയും കാണപ്പെടുന്നു. പച്ചയ്ക്കും മറൂണിനും ഇടയിൽ നിറം വരുന്ന പൂക്കൾക്ക് രണ്ടു മുതൽ നാല് ഇതളുകൾ വരെ കാണപ്പെടുന്നു. സമുദ്രനിരപ്പിൽ നിന്ന് ഏകദേശം 200 മീറ്റർ ഉയരമുള്ള പ്രദേശങ്ങളിൽ വളരുന്ന ഇവയ്ക്ക് 10 മുതൽ 20 വർഷം വരെ വളർച്ചയുള്ളതായി കാണപ്പെടുന്നു. ചെടികൾ നട്ട് രണ്ടുവർഷത്തിനുള്ളിൽ കായ്ച്ചു തുടങ്ങും.
എക്ലിപ്സ് ഷേപ്പിൽ 3 സെ. മീ. വ്യാസമുള്ള പഴങ്ങൾക്ക് പാകമാകുന്നതിനുമുമ്പ് പച്ചനിറവും വിളയുമ്പോൾ മഞ്ഞ കലർന്ന മജന്ത- ചുവപ്പുനിറവുമാണ്. ഓഗസ്റ്റ് മുതൽ നവംബർ - ഡിസംബർ വരെയാണ് വിളവെടുപ്പ് കാലം. ഇത് പഴുത്തു കഴിഞ്ഞാൽ നേരിട്ട് കഴിക്കാറില്ല. ഇത് സത്തായും അരിഞ്ഞുണക്കിയുമാണ് ഉപയോഗിക്കുന്നത്. പഴത്തിനകത്തുള്ള വെളുത്ത് ഉരുണ്ട കുഴികൾ വിഷമുള്ളതാണ്. വളർച്ചയുടെ വിവിധഘട്ടങ്ങളിൽ 150 ഗ്രാം മുതൽ 200 ഗ്രാം വരെയുള്ള കായകൾ കിട്ടും. ഓരോ പഴങ്ങളിലും ഒന്നുമുതൽ രണ്ടുവരെ കാണപ്പെടുന്ന അനാട്രോപ്പസ് വിത്തുകൾ ബ്രൗൺ നിറമുള്ളതും ഗോളാകൃതിയിലുള്ളതുമാണ്. സസ്യത്തിൽ നിന്നെടുക്കുന്ന സത്തിന് ഔഷധഗുണമുണ്ട്.
മാംസാഹാരം നിഷിദ്ധമായി കാണണോ?
മാംസം കഴിക്കാമെന്നു തന്നെയല്ലേ ശാസ്ത്രം പറയുന്നത്?
വേണ്ടത് വിവേചനമാണ്.
കായികാകധ്വനം ഇല്ലാത്തവർ മാംസം വേണ്ടെന്നു വെക്കുന്നതാണ് നല്ലത്. കായികാധ്വാനം ഉള്ളവർ മൽസ്യമാംസാദികൾ ഉപയോഗിക്കാമെന്നാണ് അഭിപ്രായം.
എന്നുവെച്ചു മാംസാഹാരം മാത്രം കഴിക്കുക എന്നര്ത്ഥമാക്കേണ്ടതില്ല.
വളർച്ചയുടെ ആദ്യപടിയിൽ ഏകദേശം 25 വയസ്സുവരെ മാംസം ആക്കുക. അതിനു ശേഷം മത്സ്യത്തിലേയ്ക്കു മാത്രം മാറുക. 45 വയസ്സിനു ശേഷം പാൽ, നെയ്യ് ഇവ മതി 60 വയസ്സിനു ശേഷം കാത്സ്യം ഫോസ്ഫറസ്സ് എന്നിവ ലഭിയ്ക്കുവാൻ എല്ലുകളുടെ സൂപ്പ് കഴിയ്ക്കുക. അതല്ലെങ്കിൽ ശൃംഗ ഭസ്മം, വരാടിക ഭസ്മം ഇവ മതിയാകും.
നിവൃത്ത ആമിഷ മദ്യോ യോ ഹിതാശീ പ്രയത ശുചി നിജാന്തു ഭിരുന്മാദെ സത്വവാൻ നസ: യുജ്യതെ. എന്നും ഓർക്കുക
മാംസാഹാരം സസ്യാഹാരം മിശ്ര ആഹാരം.
സമ്മിശ്രമായി കഴിക്കുന്നത്, മുഖ്യ ആഹാരം മാംസ സമൃദ്ധമാക്കുന്നത് അനാരോഗ്യകരം എന്ന തിരിച്ചറിവ് നേടിയ ആളുകൾ സസ്യാഹാരം പ്രധാനം ആക്കിയിട്ടുണ്ട്.
നീർമാതളം
ഇന്ത്യയിൽ ഉടനീളം കാണപ്പെടുന്ന ഒരു ഔഷധസസ്യമാണ് നീർമാതളം. പുഴകളുടേയും തോടുകളുടേയും അരികിലായി ഇവ കാണപ്പെടുന്നു. സംസ്കൃതത്തിൽ വരുണം, പശുഗന്ധ, അശ്മരീഘ്ന, തിക്ത്ഃ എന്നിങ്ങനേയും ഇംഗ്ലീഷിൽ Three-leaved caper എന്നും അറിയപ്പെടുന്നു. ഡിസംബർ-ഏപ്രിൽ കാലയളവിലാണ് പുഷ്പിക്കുന്നത്. ശാഖാഗ്രങ്ങളിൽ കോറിംബ് ആയി പുഷ്പമഞ്ജരിയുണ്ടാകുന്നു.
ശാസ്ത്രീയ നാമം: Crateva religiosa
വളരെ ഔഷധമൂല്യമുള്ളതാണ് നീര്മാതളത്തിന്റെ തോലും വേരുകളും. നിരവധി ആയുർവേദ മരുന്നുകളിൽ ഇവ ഒരു ചേരുവയായി ചേർത്തിട്ടുണ്ടാകും. മരത്തിന്റെ പട്ട ചായം പിടിപ്പിക്കുന്നതിന് ഉപയോഗിക്കുന്നു. മഞ്ഞകലർന്ന വെളുപ്പുനിറമുള്ള തടിക്ക് കാതലും ഈടും കുറവാണ്. ഇത് ചെണ്ട, എഴുതാനുള്ള ബോർഡ്, കൊത്തുപണികൾ മുതലായവ നിർമ്മിക്കാൻ ഉപയോഗിക്കുന്നു. മരപ്പട്ടയും വേരും ഔഷധയോഗ്യമാണ്.
ഔഷധ സസ്യങ്ങളുടെ മറു പേരുകൾ
ഔഷധ സസ്യങ്ങളുടെ മറു പേരുകൾ
ഔഷധ സസ്യങ്ങൾക്ക് സിദ്ധർ ധാരാളം പേരുകൾ നൽകി അവരുടെ ഗ്രന്ഥങ്ങളിൽ എഴുതിയിട്ടുണ്ട്. പിൽക്കാലത്തു വൈദ്യ ഗുരുക്കന്മാർ അതാതു ദേശങ്ങളിലെ പേരുകൾ ധാരാളം സസ്യങ്ങൾക്കു നൽകി.. ഓരോ ദേശത്തിലെയും ഭാഷകൾ നാം അറിഞ്ഞാൽ മാത്രമേ മരുന്നുകളെ കണ്ടു പിടിക്കാനും സാധിക്കുകയുള്ളു.. ഓരോ ചെടിയുടെയും ലോക്കൽ name തേടിയുള്ള യാത്ര കളിൽ ഒത്തിരി രസകരമായ പേരുകൾ അറിയാൻ കഴിഞ്ഞിട്ടുണ്ട്.. സിദ്ധ -ആയുർവേദ -ചിന്താർ മണി നാട്ടു വൈദ്യ ഗ്രന്ഥങ്ങളിൽ സ്ത്രീകളുടെയും, പെൺ കുഞ്ഞുങ്ങളുടെയും ധാരാളം പേരുകൾ വായിക്കുമ്പോൾ അത് മരുന്നുകളുടെ മറു പേരുകൾ ആണെന്ന് മനസിലാക്കാം. ചില വൈദ്യർ മാർ ഈ പേരുകൾ തങ്ങളുടെ മക്കൾക്ക്‌ ഇടാറുണ്ടായിരുന്നു. എന്നാൽ പഴയ കാല ജനങ്ങൾ ഈ മരുന്ന് ചെടികളോടുള്ള അമിത സ്നേഹത്താൽ സസ്യങ്ങളുടെ പേരുകൾ തങ്ങളുടെ നൽകി ഈ രീതി പിന്തുടർന്നിരുന്നതായി മനസിലാക്കാം.. ഇക്കാലത്തെ കുഞ്ഞുങ്ങൾ ക്കു പേരിടുമ്പോൾ അതൊന്നും അറിയാതെ യാണ് ചെയ്യുന്നത്..
ചില ഔഷധ സസ്യ പേരുകൾ ശ്രദ്ധിക്കാം
1.അമല -ബ്രഹ്മി
2.അജ പ്രിയ --ലന്ത മരം
3.അമൃത --നെല്ലിക്ക
4.അംബിക -ആം ബാടി
5.ആനന്ദി --പാൽ മുതക്കു
6.അംബുജം -താമര
7.ഇന്ദു ലേഖ -ചിറ്റമൃത്, കടലാടി
8.ഇന്ദു -കർപ്പൂരം
9.ഇന്ദിര --ചെന്നൊച്ചി
10.ഇന്ദ്രാണി --നൊച്ചി
11.ഉമാ -അഗത്തി
12.കനക --കറുത്ത ഉമ്മത്തു
13.കമലം --താമര, പതിമുഖം
14.കസ്തൂരി --കസ്തൂരി വെണ്ട
15.കാഞ്ചന --പുന്ന
16.കാവേരി --മഞ്ഞൾ
17.കാഞ്ജനി -കുംകുമപാല
18.കൈകേയി --കൈതോന്നി
19.ഗിരിജ -കുടകപ്പാല
20.ഗൗതമി --വെള്ള കരിങ്ങാലി
21.ചന്ദ്ര --കമ്പി പ്പാല
22.ചന്ദ്ര വല്ലി --സോമ വള്ളി
23.ചന്ദ്രിക --വള്ളി മുല്ല
24.ചാരു --പതി മുകം
25.ചിത്ര --മഞ്ചെട്ടി
26.സീത --പൊന്നാങ്കണ്ണി
27.കുമാരി --കറ്റാർ വാഴ
28.ജനനി --കരിംകച്ചോ ലം
29.ജെനി -കടുക് രോഹിണി
30.ജയ --വിഷ്ണു ക്രാന്തി
31.ജയന്തി --മുഞ്ഞ
32.ജ്യോത്സ്ന --അരേണുകം
33.ജ്യോതി --കൊടുവേലി
34.ജ്യോതിഷ് മതി --ചെറു പുന്ന
35.ദാക്ഷായണി --മര മുല്ല
36.ദേവി --തൊഴു കണ്ണി
37.നന്ദിനി -പെരു ഞാവൽ
38.നീരജ -കുരുവി കരിമ്പ്
39.പദ്മജ -നീല കൂവളം
40.പദ്മിനി -താമര വളയം
41.പ്രമോദിനി -വള്ളി മുല്ല
42.പ്രസന്ന -വരി നെല്ല്
43.പ്രിയ -വള്ളി മുല്ല
44.ഭാർഗ്ഗവി -ചെറു തേക്ക്
45.മഞ്ജുള --മ ഞ്ചെട്ടി
46.മഞ്ജുഷ --മഞ്ചെട്ടി
47.മല്ലിക -കുടമുല്ല
48.മാധവി --പന്നി കിഴങ്ങു
49.മാലതി --മണിത്തക്കാളി
50.മാലിനി --മേന്തോന്നി
52. മീനാക്ഷി -മീനങ്ങാണി
53.യാമിനി --മഞ്ഞൾ
54.രജനി --കരിം കച്ചോലം, മഞ്ഞൾ
55.രഞ്ജിനി -വെറ്റില ക്കൊടി
56രോഹിണി -കടുക്ക
57.നാരായണി -ശതാവരി
58.ഹിമ --ചന്ദനം
59.മയൂര --നായുരുവി
60.നളിനി --നീലാ മരി
61.ഗൗരി --മഞ്ഞൾ
62.സൂര്യ --സൂര്യ കാന്തി
63.രഞ്ജിത --നീലമാരി
64.മഞ്ജരി --തുളസി
65.ധന്യ -കൊത്ത മല്ലി
66.വനജ --മുത്തങ്ങ
67.വാസുദേവി -ശതാവരി
68.വാസന്തി --പാതിരി
69.വിചിത്ര -മയിലെള്ള്
70.വിശാലാക്ഷി --നാഗ ദന്തി
71.വിഷ്ണു പ്രിയ --ഇല വർ ങ്ങം
72.വേണി --ഇരുവേലി
73.വേണുജാ --മുള നെല്ല്
74.വൈജയന്തി --മുഞ്ഞ
75.വൈദേഹി ---ആറ്റു ഞാവൽ
76.വൈശാഖി --ചുവന്ന തഴുതാമ
77.ശരണ്യ --ചെറു ഞെരിഞ്ഞിൽ
78.ശാലിനി -പാൽ മുതക്കു
79.ഹേമ -നാഗപ്പൂ
80.ശിവപ്രിയ --മന്ദാരം
81.ശ്യാമ --ഇത്തി ക്കണ്ണി
82.ശ്രീ ലത --വലിയ ഏലാവാലുകം
83.ശ്വേത --വലിയ കിലുകിലുപ്പ
84.സവിത -ചുവന്ന എരുക്ക്
85.സിന്ധു --നൊച്ചി
86.സുഗന്ധി --തിപ്പലി മൂലം
87.സുകുമാരി --മുക്കുറ്റി
88.സുധ -പെരും കുരുംബ
89.സേതു --നീർമാതളം
90.സുനന്ദിനി --ആരാമ ശീതള
91.സുനന്ദ --അരത്ത
92.സുനില --താളി മാതളം
93.സുവർണ്ണ --നീർ മരുത്
94.സുരഭി --തൂശി മുല്ല
95.സുലഭ --കാട്ടുഴുന്ന്
96.സുലോചന --സോമ വള്ളി
97.സൂര്യ -തൊഴു കണ്ണി
98.ഹരിത -ചെറു പയർ
99.ശാന്തി --ചന്ദനം
100.അരുണ --ശ്രാവണി
(കടപ്പാട്)
അശോകം
അശോകം:-
ശാസ്ത്രീയ നാമം: സറാക്ക അശോക
സസ്യകുടുംബം: സിസാല്‍പിനിയേസി .
കടും ഓറഞ്ചു നിറത്തില്‍ കുലകുലകളായി വിടരുന്ന പൂക്കള്‍ ഉണ്ടാകുന്നതും ഇടതൂര്‍ന്ന പച്ചിലത്തഴപ്പുള്ള അശോകം ഉദ്യാനങ്ങളിലെ അലങ്കാരവൃക്ഷമാണ്. തണലിനും പൂക്കള്‍ക്കും വേണ്ടി വളര്‍ത്തുന്ന അശോകം ഒരു ഔഷധസസ്യമാണ്. ഇല, പൂവ്, തൊലി, എന്നിവ ആയുര്‍വ്വേദങ്ങളിലെ പല പ്രധാന ഔഷധങ്ങള്‍ക്കും ഉപയോഗിച്ചുവരുന്ന ഒരു നിത്യഹരിത വൃക്ഷമാണിത്. ഇതിന്റെ തൊലിയാണ് അശോകാരിഷ്ടത്തിലെ മുഖ്യ ചേരുവ.
അശോകപ്പൂവ് കല്‍ക്കമാക്കി വെളിച്ചെണ്ണ കാച്ചി അരിച്ചൂപയോഗിക്കുന്നത് പലതരം ചര്‍മ്മരോഗങ്ങള്‍ക്ക് ഔഷധമാണ്. ജ്വരം, രക്തപിത്തം, പ്രമേഹം,ആർത്തവസംബന്ധരോഗങ്ങൾ എന്നിവ ശമിപ്പിക്കുവാനും അശോകാരിഷ്ടത്തിനു കഴിയും.
സീതാ ഫലം
സീതാ ഫലം ഇതിന്റെ പഴങ്ങൾ മൂത്ത് കഴിഞ്ഞാൽ ഭക്ഷ്യയോഗ്യമാണ് നാട്ടിൻപ്രദേശത്ത് ധാരാളമായി കാണുന്ന ഒരു വൃക്ഷമാണിത്
തുമ്പയുടെ ഔഷധ ഗുണങ്ങൾ
തുമ്പയുടെ പൂവും വേരുമെല്ലാം ഒൗഷധമാണ്. ഒാണത്തിന് മാത്രമാണ് തുമ്പപ്പൂവിന് വൻഡിമാന്റ്. പരിശുദ്ധിയുടേയും ലാളിത്യത്തിന്റേയും പ്രതീകമാണ് തുമ്പപ്പൂവ്. തുമ്പ, കരിന്തുമ്പ, പെരുന്തുമ്പ ഇങ്ങനെ മൂന്നു തരത്തില്‍ ഈ ചെടി കാണപ്പെടുന്നുണ്ട്. ഇവയ്‌ക്കെല്ലാം ഔഷധഗുണമുണ്ട്.
തുമ്പചെടിയുടെ ഗുണങ്ങൾ എന്തൊക്കെയാണെന്ന് അറിയേണ്ടേ. തുമ്പചെടിയുടെ നീര് ദിവസവും കുടിച്ചാൽ കഫക്കെട്ട് മാറാൻ നല്ലതാണ്. തലവേദന മാറാനും തുമ്പചെടി ഏറെ നല്ലതാണ്. തുമ്പയില ഇടിച്ചു പിഴിഞ്ഞെടുത്ത നീര് തേന്‍ ചേര്‍ത്തു കഴിച്ചാല്‍ കുട്ടികളിലെ ഉദരകൃമികള്‍ ശമിക്കും. തുമ്പക്കുടവും തുളസിവിത്തും സമം ചേര്‍ത്തരച്ചു തേനില്‍ കഴിച്ചാല്‍ കുട്ടികളിലെ ഉദരകൃമികള്‍ ശമിക്കും.
തുമ്പച്ചെടി സമൂലം ഓട്ടുപാത്രത്തിലിട്ടു വറുത്ത്, അതില്‍ വെള്ളമൊഴിച്ചു തിളപ്പിച്ച്, പഞ്ചസാര ചേര്‍ത്തു കൊടുത്താല്‍ കുട്ടികളിലെ ഛര്‍ദ്ദി ശമിക്കും. അൾസർ മാറാൻ തുമ്പചെടി ഏറെ നല്ലതാണ്. തുമ്പചെടിയുടെ നീര് കരിക്കിന്‍വെള്ളത്തില്‍ അരച്ചു ചേർത്ത് കഴിച്ചാൽ പനി കുറയാൻ ഏറെ നല്ലതാണ്. തുമ്പയിട്ടു വെന്ത വെള്ളത്തില്‍ പ്രസവാനന്തരം നാലഞ്ചുദിവസം കുളിക്കുന്നത് രോഗാണുബാധ ഉണ്ടാകാതിരിക്കാന്‍ നല്ലതാണ്.
കറ്റാർവാഴ
അസ്ഫോഡെലേഷ്യേ കുടുംബ്ബത്തിൽ പെട്ട ഒരു ചെടിയാണ് കറ്റാർവാഴ. പേരിൽ സാമ്യമുണ്ടെങ്കിലും വാഴയുമായി ഇതിന് ബന്ധമൊന്നുമില്ല. വളരെയധികം ഔഷധഗുണമുള്ള ചെടിയാണ് ഇത്.ആയുർവേദത്തിലും ഹോമിയോപ്പതിയിലും കറ്റാർ വാഴ ഔഷധമായി ഉപയോഗിക്കുന്നുണ്ട്. ത്വക്ക് രോഗങ്ങൾക്കുള്ള നല്ല പ്രതിവിധിയാണ് ഇത്.
ശാസ്ത്രീയ നാമം: Aloe vera
ആയുർവേദ വിധിപ്രകാരം സ്ത്രീരോഗങ്ങളില്‍ പലതിനുമുള്ള ഔഷധമാണ് കറ്റാര്വാചഴ. സ്നിഗ്ദ്ധഗുണവും ശീതവീര്യവുമാണ് ഇതിനുള്ളത്. ത്രിദോഷഹരമായ ഇതില്‍ നിന്നാണ് ചെന്നിനായകം എന്ന ഔഷധം ഉണ്ടാക്കുന്നത്. ഇലച്ചാര്‍ ലേപനമായും എണ്ണകാച്ചുന്നതിലെ നീരായും ഉള്ളില്‍ കഴിക്കുന്ന ഔഷധമായും ഉപയോഗിച്ചു വരുന്നു.
വാഴപ്പിണ്ടിയുടെ അതിശയിപ്പിക്കുന്ന ആരോഗ്യ ഗുണങ്ങള്‍
വാഴപ്പിണ്ടിയുടെ അതിശയിപ്പിക്കുന്ന ആരോഗ്യ ഗുണങ്ങള്‍
വാഴയുടെ എല്ലാ ഭാഗങ്ങളും പോഷകസമ്ബുഷ്ടവും ആരോഗ്യ ഗുണങ്ങള്‍ നിറഞ്ഞതുമാണ്. വാഴപ്പഴം പൊട്ടാസ്യത്തിന്റെയും ജീവകങ്ങളുടെയും കലവറയാണ്.
വാഴപ്പിണ്ടി ശരീരത്തിലെ വിഷാംശങ്ങളെ നീക്കം ചെയ്യാന്‍ സഹായിക്കുന്നു. വാഴപ്പിണ്ടിയില്‍ നാരുകള്‍ ധാരാളം അടങ്ങിയിട്ടുണ്ട്. ദഹനത്തിന് ഏറെ സഹായകമാണിത്.
ഒരു ഗ്ലാസ് വാഴപ്പിണ്ടി ജ്യൂസ് കുടിക്കുന്നത് മൂത്രനാളിയിലെ അണുബാധ മൂലം ഉണ്ടാകുന്ന അസ്വസ്ഥതയും വേദനയും കുറയ്ക്കാനും ഇത് സഹായിക്കും.
ഉപാപചയ പ്രവര്‍ത്തനം മെച്ചപ്പെടുത്താന്‍ ഏറെ മികച്ചതാണ് വാഴപ്പിണ്ടി. ഇതില്‍ വളരെ കുറച്ച്‌ കാലറി മാത്രമേ അടങ്ങിയിട്ടുള്ളൂ. അത് കൊണ്ട് തന്നെ ഭാരം കുറയ്ക്കാന്‍ ആഗ്രഹിക്കുന്നവര്‍ വാഴപ്പിണ്ടി ജ്യൂസായോ അല്ലാതെയോ കഴിക്കാം.
ഇരുമ്പ് ധാരാളം അടങ്ങിയിട്ടുള്ളത് കൊണ്ട് തന്നെ വിളര്‍ച്ച തടയാന്‍ വാഴപ്പിണ്ടി വളരെ നല്ലതാണ്. ഇത് ഹീമോഗ്ലോബിന്റെ അളവ് കൂട്ടുന്നു.
നിലപ്പാല, കുഴിനഖപ്പാല
दुग्धिका
നിലപ്പാല, കുഴിനഖപ്പാല,
അമ്മൻപച്ചരസി,ചിത്തിരപ്പാല
Tamil: AmmanPacharisi
Euphorbia hirta
EUPHORBIACEAE
Onychomycosis...For fungal Infections of nail and nail bed the milky exudes applications is very effective
So malayalam name kuzhinaghapala
For Skin Fungal Infection external application of whole plant paste ..
दुग्धिकोष्णा गुरू रूक्षा वातला गर्भकारिणी
स्वादुक्षीरा कटुस्तिक्ता सृष्टमूत्रामलापहा |
स्वादुर्विष्टम्भिनी वृष्या कफकुष्ठक्रिमिप्रणुत् ||
(भावप्रकाश-गुडूच्यादिवर्ग)
ഈശ്വരമൂലി
ഔഷധം അല്ലാത്തതായിട്ട് ഒരു സസ്യത്തെയും ഈശ്വരൻ ഈ ഭൂമിയിൽ സൃഷ്ടിച്ചിട്ടില്ല എന്നതാണ് വാസ്തവം. ഇന്ന് ഞാൻ നിങ്ങൾക്ക് വിഷചികിത്സയിൽ പണ്ടുകാലം മുതലേ ആയുർവേദ ശാസ്ത്രത്തിൽ ഉപയോഗിച്ചിരുന്ന ഔഷധസസ്യത്തെ പരിചയപ്പെടുത്താം വളരെ അത്ഭുതം ഗുണമുള്ള ഒരു ഔഷധസസ്യമാണിത്. പണ്ടൊക്കെ സർപ്പ കീട ലൂത വിഷ ചികിത്സയിൽ ഉപയോഗിക്കുന്ന അത്യുത്തമമായ ഔഷധഗുണമുള്ളതുമായ ചെടിയാണ് ഈശ്വരമൂലി (ശാസ്ത്രീയനാമം: അരിസ്തലോക്കിയ ഇൻഡിക്ക,Aristolochia indica'). ഗരുഡക്കൊടി, ഗരുഡപ്പച്ച, ഈശ്വരമുല്ല, കരളകം, ഉറിതൂക്കി, വലിയ അരയൻ എന്നും അറിയപ്പെടുന്നു.
ഈശ്വര മൂലി വിഷഘ്ന ഗണത്തിൽ പെടുന്ന ഔഷധമാണ് . ഗരുഡൻ സർപങ്ങളെ എന്നതു പോലെ ഗരുഡക്കൊടി സർപവിഷത്തെ നശിപ്പിക്കുന്നു അതു കൊണ്ട് ഗാരൂഡി എന്ന് പേരുണ്ടായി. കേരളത്തിൽ സമതലങ്ങളിലും വേലികളിലും 600 മീറ്റർ വരെ ഉയരമുള്ള മലകളിലും കണ്ടുവരുന്നു. മരങ്ങളിൽ ഏറെ ഉയരത്തിൽപടർന്നു കയറുന്ന വള്ളിച്ചെടിയാണ്. നിറയെ ഇലച്ചാർത്തുകളുമായി മരങ്ങളുടെ ശിഖരങ്ങളെ മൂടി നിൽക്കും. ഇല, കിഴങ്ങ് എന്നിവ ഔഷധയോഗ്യമാണ്. വിഷഘ്നമാണ് ഈ ഔഷധസസ്യം എന്നുപറഞ്ഞാൽ വിഷത്തെ നശിപ്പിക്കും. ആയുർവേദൗഷധങ്ങൾ ആയ നീലിദലാദി തൈലം, പരന്ത്യാദി തൈലം എന്നിവയിൽ ഉപയോഗിക്കുന്നു. വർഷത്തിൽ ഒരിക്കൽ പുഷ്പിക്കും. വേരുവഴിയും പ്രജനനം നടത്തും
സംസ്കൃതത്തിൽ ഗാരുഡീ, സുനന്ദാ എന്നൊക്കെയാണ് പേര്‌ തമിഴിൽ ഗർഡക്കൊടി, ഈശ്വരമൂലി എന്നീ പേരുകൾക്ക് പുറമേ പെരിമരുന്ദ് എന്നും പേരുണ്ട്. തെലുങ്കിൽ ഈശ്വരവേരു എന്നും അറിയപ്പെടുന്നു. കന്നടയിൽ ഈശ്വബെർസു
രസം : കഷായം, തിക്തം, കടു
ഗുണം :ലഘു, രൂക്ഷം
വീര്യം :ഉഷ്ണം
വിപാകം : കടു
ഇനി ഞാൻ കരളകത്തിന്റെ ഔഷധഗുണങ്ങളെക്കുറിച്ച് പറയാം.
________________________________
പഴുതാര ,തേൾ വിഷത്തിന് ‘പച്ചമഞ്ഞളും, ഈശ്വരമൂലിയുടെ വേരും, അരച്ച് പുരട്ടുന്നത് നന്ന്. സമൂലം അരച്ച് പുരട്ടുന്നത് വിഷ നീരുകൾക്ക് ശമനമുണ്ടാക്കും.
സ്വപ്ന സ്ഖലനത്തിന് ഇതിന്റെ വേര് അരയിൽ ധരിക്കുന്നത് കൊണ്ട് പരിഹരിക്കാം.
കടന്നൽ, കുളവി, വിഷത്തിന് ഇലയും, കുടകപ്പാല വേർ തൊലിയും, അരച്ച് പുരട്ടുന്നത് നന്ന്.
ഇല അരച്ച് നാഭീ പ്രദേശത്ത് പുരട്ടി, ഉച്ചമയക്കം കഴിഞ്ഞ്, കഴുകിക്കളഞ്ഞാൽ ആർത്തവ ദോഷങ്ങൾക്ക് ശമനമുണ്ടാകും.
വേരും, മഞ്ചട്ടിക്കോലും, കോലരക്കും സമത്തുക്കത്തിലെടുത്ത് കഷായമാക്കി തേൻ മേമ്പൊടി ചേർത്ത് സേവിക്കുന്നത് ത്വക് രോഗങ്ങൾക്ക് വിശേഷം.
ആടുമാടുകൾ കപ്പയിലതിന്ന് വയർപെരുത്താൽ കരളകത്തിന്റെ ഇല കൊടുത്താൽ സുഖമാകാറുണ്ട്
വളം കടിക്കും ദുർഗന്ധമുള്ള വിരലിട പുണ്ണിനും കരളകത്തിന്റെ ഇല അരച്ച് തോരെ തോരെ തേച്ചാൽ സുഖമാകും
ജ്വരം അതിസാരം അഗ്നിമാന്ദ്യം എന്നിവക്ക് ഈശ്വരമൂലിയുടെ സ്വരസം 5 മില്ലി വീതം സേവിച്ചാൽ ശമിക്കും
ഈശ്വരമൂലിയും മഞ്ഞളും അരച്ചു തേച്ചാൽ പഴുതാര മുതലായ കീട വിഷങ്ങൾ എല്ലാം ശമിക്കും
🙏
(ഡോ.പൗസ് പൗലോസ്)
അഗസ്ത്യ വൃക്ഷം
സിദ്ധവൈദ്യത്തിൽ ഒരു പ്രധാന ഔഷധമാണ് അഗസ്ത്യ വൃക്ഷം മരം മരം അതിന്റെ പൂവ് തോരൻ വെച്ച് കഴിക്കുന്ന വളരെ നല്ലതാണ്
തീപ്പാല
വനവാസികളുടെ ടോർച്ച് എന്നറിയപ്പെടുന്നതാണ് തീപ്പാല . ജീവികളുടെ വിഷം സ്വീകരിക്കാൻ എല്ലാ പാലകളും ബാധ്യസ്ഥരാണ് അതിൽ പ്രധാനി അണലി വേഗവും അടുത്തത് തീപ്പാലയും അങ്ങനെ തുടരുന്നു പാലകൾ. തീപ്പാലയാണ് അണലിവേഗം എന്ന് കരുതി ഒറ്റമൂലി പ്രയോഗം നടത്തിവരുന്നവരും അറിവിൽ ഉണ്ട് . മാന്ത്രികത്തിൽ ഒരു പ്രത്യേക സ്ഥാനം തീപ്പാല പിടിച്ചിട്ടുണ്ട്. ഒരിക്കലും ഉണ്ടങ്ങാത്ത വൃണം ഉണക്കാൻ ഈ ചെടിക്കു കഴിയുന്നുണ്ട്. ഇരുമ്പ് തൊടാതെ വേണം ഉപയോഗിക്കാൻ . പല പല ശാസ്ത്രീയ പരീക്ഷണങ്ങളും തീപ്പാലയുടെ തൊലിയിൽ നടന്നുകൊണ്ടിരിക്കുന്നു. മറ്റനേകം കഴിവുകൾ ഉള്ള തീപ്പാലയെ കുറിച്ച് കൂടുതൽ പറയാൻ നിർവാഹമില്ല.
ആനക്കൂവ അഥവാ ചണ്ണക്കൂവ
ആനക്കൂവ അഥവാ ചണ്ണക്കൂവ
കേരളത്തിലെ കാലാവസ്ഥയില്‍ വളരെ ആര്‍ത്തു വളരുന്ന ഒരു ഔഷധച്ചെടിയാണ് ആനക്കൂവ അഥവാ ചണ്ണക്കൂവ. Costus speciosus എന്ന ശാസ്ത്രനാമത്തിലറിയപ്പെടുന്ന ഈ ചെടി ഇഞ്ചികുലത്തിലെ (Zingiberaceae family) അംഗമാണ്. സംസ്കൃതത്തില്‍ ചണ്ഢാ എന്നറിയപ്പെടുന്ന ഇത് ആംഗലേയത്തില്‍ crepe ginger എന്നും അറിയപ്പെടുന്നു. വിത്തുകിഴങ്ങ് മുറിച്ചു നട്ടാണ് ഇതിന്റെ കൃഷി ചെയ്യുന്നത്. സാധാരണ കൂവപ്പൊടി ഉണ്ടാക്കുന്നതു പോലെ ഇതിന്റെ വേരില്‍ നിന്നു പൊടി ഉണ്ടാക്കി ഭക്ഷണമായി ഉപയോഗിക്കുകയും ചെയ്യാം.
1. പനി വന്നാല്‍ ഇലകള്‍ പറിച്ച് അരച്ചു കുഴമ്പുപോലാക്കി തുണിയില്‍ തേച്ച് നെറ്റിയിലിടുക, ഇത് ഇട്ട് വെന്ത വെള്ളത്തില്‍ കുളിക്കുക.
2. ശരീരമാസകലം വരുന്ന ചുട്ടുനീറ്റലിന് ഇതിന്റെ വേരരച്ച് തേക്കുക.
3.ലൈംഗികശേഷി കൂടാനായി വേര് ചൂര്‍ണ്ണം അമുക്കുരചൂര്‍ണ്ണം ചേര്‍ത്തു രാത്രി കഴിക്കുക.
അധികാര പേക്കൂത്തുകൾ
ഈ മഹാമാരിയുടെ കാലത്ത് രാഷ്ട്രീയ പ്രതിഷേധ പരിപാടികളുമായി കൊറോണ നാടുമുഴുവൻ പരത്തി നടക്കുന്ന സകല പോരാളികളോടും ഒരു ലോഡ് പുച്ഛം തോന്നുന്നു. അധികാരത്തിനു വേണ്ടിയുളള കിടമത്സരം കാരണം ഇപ്പോൾ നിലവിലുള്ള എപ്പിഡമിക് ആക്ട് പോലും കാറ്റിൽ പറത്തി യാതൊരുവിധ സുരക്ഷാ മാനദണ്ഡവും സാമൂഹികപ്രതിബദ്ധതയും ഇല്ലാതെ നിങ്ങൾ ചെയ്യുന്ന ഈ കൂത്താട്ടം ഒരുപാട് പേരുടെ ആരോഗ്യത്തിന് ഭീഷണിയാണ്. ഈ മഹാമാരിയെ നിയന്ത്രിക്കുവാൻ കിണഞ്ഞു പരിശ്രമിക്കുന്ന നിഷ്കളങ്കരായ ഒരുപാട് പോലീസുകാർ ഇത്തരത്തിലുള്ള പ്രതിഷേധ പരിപാടികൾ തടയുന്നതിനും നിയന്ത്രിക്കുന്നതിനും നിയുക്തരാവുന്നുണ്ട്. ഇവരെല്ലാവരും കുടുംബവും കുട്ടികളും എല്ലാം ഉള്ളവരാണ് ഈ കൊറോണ കാലത്ത് നിങ്ങൾ ചെയ്യുന്ന ഇത്തരത്തിലുള്ള കുൽസിത പ്രവർത്തികൾ സത്യത്തിൽ അവരുടെ ജീവനും അവരുടെ കുടുംബത്തിന്റെ സുരക്ഷയ്ക്കും ഒരു ഭീഷണിയാണ്. ഞാനിത് പറയാൻ കാരണം എന്റെ അച്ഛൻ ഒരു എക്സൈസ് ഓഫീസർ ആയിരുന്നു അച്ഛന്റെ അനുജൻ ഒരു പോലീസ് ഓഫീസറും അതുകൊണ്ട് വിവിധ ഫോഴ്സുകളിൽ വർക്ക് ചെയ്യുന്ന വ്യക്തികൾ എത്രമാത്രം മാനസിക സമ്മർദ്ദം അനുഭവിക്കുന്നുണ്ട് എന്നത് എനിക്ക് വ്യക്തമായി അറിയാം. നിങ്ങൾക്ക് മനസ്സാക്ഷി ഇല്ല എന്നറിയാം എങ്കിലും പറയുകയാണ് സാമൂഹ്യ സുരക്ഷയെ കാറ്റിൽപറത്തി ഇത്തരത്തിലുള്ള പേക്കൂത്തുകളിൽ പങ്കെടുക്കുന്നതിന് മുമ്പ് നിങ്ങളുടെ കുൽസിത പ്രവർത്തികൾ ഒന്ന് പുനർവിചിന്തനം ചെയ്യുന്നത് നന്നായിരിക്കും.
സൈബർ കോൺഡ്രിയ
സൈബർ കോൺഡ്രിയ
_______________________
കുറച്ചു ദിവസങ്ങൾക്ക് മുമ്പ് ഒരു ടെക്നോളജി അഡിക്റ്റ് ആയ 'സൈബർ കോൺഡ്രിയാക്' രോഗിയുമായി സംവദിക്കാൻ കഴിഞ്ഞു അതാണ് ഈ ലേഖനം എഴുതാൻ ഉൾപ്രേരകമായത്. വിവര സാങ്കേതിക വിദ്യയുടെ അതിപ്രസരം കാരണം നമ്മുടെ യുവതലമുറയെ ബാധിച്ചിരിക്കുന്ന ഒരു അസുഖമാണ് സൈബര്‍ കോണ്‍ഡ്രിയ (cyberchondria) അഥവാ ഇന്‍റര്‍നെറ്റിനെ അമിതമായി വിശ്വസിച്ചത് മൂലമുള്ള സംശയരോഗങ്ങൾ. പുതിയ കണക്കുകൾ പ്രകാരം ഗൂഗിളില്‍ തിരയുന്ന വിവരങ്ങളില്‍ 20ല്‍ ഒന്ന് സ്വന്തം രോഗത്തെക്കുറിച്ച അന്വേഷണങ്ങളാണ്, ഇവയില്‍ ലഭിക്കുന്നതിലേറെയുമാകട്ടെ തെറ്റായ ഉത്തരങ്ങളും. ഈ ഗൂഗിൾ ഡോക്ടർ എന്നു പറയുന്നത് ഒരു മുറിവൈദ്യൻ ആണെന്നുള്ള കാര്യം എപ്പോഴും മനസ്സിലാക്കുക നമ്മുടെ നാട്ടിൽ ഒരു പഴഞ്ചൊല്ല് ഉണ്ടല്ലോ "മുറി വൈദ്യൻ ആളെ കൊല്ലും" അതൊരു യാഥാർത്ഥ്യമാണ്.
ബുദ്ധി കൂടിയതുകൊണ്ട് ഈ കാലഘട്ടത്തിൽ ഡോക്ടറെ കാണാനുള്ള സാമ്പത്തികച്ചെലവും സമയലാഭവും പരിഗണിച്ച് എളുപ്പത്തില്‍ പ്രതിവിധി കണ്ടത്തൊമെന്ന പ്രതീക്ഷയില്‍ ഇൻറർനെറ്റിൽ പരതി തുടങ്ങുന്നവര്‍ അവസാനം സംശയരോഗത്തിലേക്ക് വഴുതി വീഴുന്ന കാഴ്ച വളരെ ദയനീയമാണ്. പിന്നീട് ചികിത്സയും പരിശോധനകളുമായി കാര്യങ്ങള്‍ തിരിച്ചറിഞ്ഞുവരുമ്പോഴേക്ക് സമയവും സമ്പത്തും മാത്രമല്ല, മനസ്സിന്‍െറ ആരോഗ്യവും നഷ്ടമാകുന്നു.
പരിചയസമ്പന്നനായ ഡോക്ടര്‍ക്ക് പകരം ഗൂഗിൾ ഡോക്ടറെ ശരണം പ്രാപിക്കുന്ന വരെ കാത്തിരിക്കുന്നത് രണ്ട് അപകടങ്ങളാണ്. ഒന്ന് രോഗം ബാധിച്ചെന്ന തെറ്റായ ആധിയാണ് മറ്റൊന്ന് തെറ്റായ വിവരം പൂർണ്ണമായി വിശ്വസിച്ച് ശിഷ്ടജീവിതം ഉത്കണ്ഠയുമായി കഴിയാനാകും ഇവര്‍ക്കു യോഗം.
നിസ്സാരമായ തലവേദനയും ചുമയും വരുമ്പോഴേക്ക് മാരകരോഗങ്ങളായ ബ്രെയിന്‍ ട്യൂമറോ ശ്വാസകോശ കാന്‍സറോ ആണെന്ന് സംശയിക്കുന്നവരാണ് നമുക്കിടയില്‍ നാലുമുതല്‍ ഒമ്പത് ശതമാനം പേരെന്ന് എന്നത് തികച്ചും അമ്പരപ്പിക്കുന്ന ഒന്ന് തന്നെയാണ്. ഇത്തരം രോഗികള്‍ക്ക് ഒന്നു തുമ്മിയാലും മൂക്കൊലിച്ചാലുമൊക്കെ ഉടന്‍ പരിശോധന വേണം. രോഗമില്ലെന്ന് ഉറപ്പാക്കാന്‍ തീര്‍ത്തും അനാവശ്യമായ പരിശോധനകള്‍ക്ക് ഇവര്‍ ലാബുകളില്‍ കയറിയിറങ്ങും അതിനുവേണ്ടി ഡോക്ടര്‍മാരെ നിര്‍ബന്ധിക്കും ഇതൊക്കെയാണ് ഇവരുടെ വിചിത്രമായ രീതികൾ.
സൈബര്‍ കോണ്‍ഡ്രിയാക് രോഗികള്‍ ഏറെയും തിരയുന്നത് എയ്ഡ്സ്, കാന്‍സര്‍ പോലുള്ള അതീവ ഗുരുതര രോഗങ്ങളാണെന്നതാണ് കൗതുകം. രോഗങ്ങൾ ഒന്നുമില്ലാത്തവന്‍ തിരഞ്ഞുതിരഞ്ഞ് കാന്‍സര്‍ രോഗിയാവും. അതുമല്ലെങ്കിൽ തിരഞ്ഞ് തിരഞ്ഞ് എയ്ഡ്സ് രോഗിയാകും പിന്നീട് മാനസിക സമ്മർദ്ദങ്ങളിൽ അടിമപ്പെട്ട് എയ്ഡ്സ് ലക്ഷണങ്ങള്‍ വരെ ‘പ്രകടിപ്പിക്കും’ എന്നത് ഒരു വിചിത്രമായ പ്രതിഭാസമാണ്. സ്വയം സങ്കല്‍പിച്ചുണ്ടാക്കുന്ന രോഗങ്ങള്‍ പിടികൂടുമോ എന്ന ആശങ്കമൂത്ത് ശരീരവേദന, ക്ഷീണം തുടങ്ങിയ പ്രാഥമിക പ്രശ്നങ്ങള്‍ക്കും ക്രമേണ മറ്റു രോഗ ലക്ഷണങ്ങള്‍ക്കും ഇതുകാരണമാകുന്നു. തുടര്‍ച്ചയായ ചിന്തകള്‍ മൂലം വിഷാദരോഗം പോലുള്ള മാനസിക പ്രശ്നങ്ങളും കണ്ടുവരാറുണ്ട്.
ഹൈപോ കോണ്‍ഡ്രിയാക്, സൈബര്‍ കോണ്‍ഡ്രിയാക് രോഗം സ്ഥിരീകരിക്കും മുമ്പായി ഡോക്ടര്‍മാര്‍ രോഗികളെ വിശദമായ പരിശോധനക്ക് വിധേയമാക്കും. രോഗഭീതിയാണ് രോഗലക്ഷണങ്ങളെക്കാള്‍ വലിയ പ്രശ്നമെന്ന് പറഞ്ഞുമനസ്സിലാക്കി മനശാസ്ത്ര ചികിത്സക്ക് പ്രേരിപ്പിക്കുകയാണ് ഡോക്ടര്‍മാര്‍ ചെയ്യുന്നത്.
രോഗിയുടെ അകാരണ ഭീതിയെയും സംശയങ്ങളെയും കുറിച്ച് ബോധവത്കരിച്ച് തങ്ങള്‍ക്ക് രോഗങ്ങൾ ഒന്നുമില്ലെന്ന് ചിന്തിക്കാന്‍ പ്രേരിപ്പിക്കല്‍ തന്നെയാണ് ഇതിനുപരിഹാരം.
നാം ഇന്ന് ജീവിക്കുന്ന സൈബർ യുഗത്തിൽ രോഗലക്ഷണങ്ങളെക്കുറിച്ച് വിശദമായി അറിയാൻ നെറ്റിൽ പരതുന്നതൊരു അപരാധമൊന്നുമല്ല. എന്നാൽ അങ്ങനെ ചെയ്യാനിരിക്കുമ്പോൾ കൂടെ നിർബന്ധമായും കരുതേണ്ട ഒരു സാധനമുണ്ട്. 'വിവേകം'. സെർച്ച് എഞ്ചിനുകൾ ഒരിക്കലും നമ്മുടെ ശത്രുക്കളല്ല. എന്നാൽ, അങ്ങനെ കിട്ടുന്ന വിവരങ്ങളെ എങ്ങനെ വിലയിരുത്തണം എന്ന വിവേചന ബുദ്ധി നമ്മൾ കൈവെടിയാൻ പാടില്ല.
🙏
(ഡോ.പൗസ് പൗലോസ്)
കറുക
കറുക
സംസ്കൃതം: നീലധ്രുവ, ധ്രുവ
ശാസ്ത്രീയ നാമം: Cynodon dactylon (Linn.)
ദേവത: ആദിത്യൻ ( ബ്രഹ്മാവ്‌ ആണെന്ന് ചിലയിടങ്ങളിൽ കാണുന്നു)
രസാദി ഗുണങ്ങൾ
-----------------------------
രസം :മധുരം, കഷായം, തിക്തം
ഗുണം :ലഘു, സ്നിഗ്ധം
വീര്യം :ശീതം
അമ്പഴം/മാമ്പുളി
അമ്പഴം/മാമ്പുളി
ശാ. നാ : :Spondias pinnata (L. f.) Kurz
കുടുംബം: Anacardiaceae
ഇംഗ്ലീഷ്: Hogplum;Indian Hogplum
സംസ്കൃതം :അംബരീഷഃ ;അധ്വഗഭോഗ്യ;ആമ്രാതകം'
25 മീറ്ററിലധികം ഉയരത്തിൽ വളരുന്ന അമ്പഴത്തിന്റെ പത്തിലേറെ ഉപവർഗ്ഗങ്ങൾ കാണുന്നുവെങ്കിലും കേരളത്തിൽ പൊതുവേ കാണുന്നത് സ്പോണ്ടിയാസ് പിന്നേറ്റ എന്നതരമാണ്.
കൃത്രിമ ബുദ്ധികൾ
''ദി സോഷ്യൽ ഡിലേമ്മ"എന്ന പടം കണ്ടു സാമൂഹ്യമാധ്യമങ്ങൾ ഒരു വ്യക്തിയെ എത്ര മാത്രമാണ് സ്വാധീനിക്കുന്നത് എന്ന് ഈ സിനിമ കണ്ടാൽ നമുക്ക് ഓരോരുത്തർക്കും മനസ്സിലാവും. നമ്മളോരോരുത്തരും കണ്ടിരിക്കേണ്ട ഒരു സിനിമയാണിത് അത്രമാത്രം നമ്മുടെ ഓരോ ചലനങ്ങളും ചിന്തകളും നിരീക്ഷിക്കപ്പെടുന്നുണ്ട് എന്ന് അപ്പോൾ മനസ്സിലാകും. നിങ്ങളുടെ ഓരോ ലൈക്കും, ഷെയറും, സെർച്ചും എല്ലാം ആർട്ടിഫിഷ്യൽ ഇന്റലിജൻസിന്റെ സഹായത്താൽ നിങ്ങൾ പോലും അറിയാതെ ഒബ്സർവ് ചെയ്യപ്പെടുന്നുണ്ട്.
നിങ്ങൾ അടുത്ത നിമിഷം എന്ത് ചിന്തിക്കും എന്നുപോലും പ്രവചിക്കാൻ കഴിയുന്ന രീതിയിൽ കൃത്രിമ ബുദ്ധികൾ മനുഷ്യ നിയന്ത്രണങ്ങൾക്ക് അപ്പുറം വളർന്നിരിക്കുന്നു. ഈ യാഥാർഥ്യം ഉൾക്കൊള്ളാൻ നമുക്ക് ഓരോരുത്തർക്കും പ്രയാസമാണ് പക്ഷേ ഇതൊരു അമ്പരിപ്പിക്കുന്ന സത്യമാണ്. നമ്മുടെ ചിന്താ ശൈലികൾ എങ്ങനെ എന്ന് പോലും കണക്കുകൂട്ടാൻ കഴിവുള്ള കൃത്രിമ ബുദ്ധികൾ നിങ്ങൾ അറിയാതെ നിങ്ങൾക്ക് ചുറ്റും ഒരു അദൃശ്യ വലയം തീർക്കുന്നുണ്ട്. ഒരു ദിവസം പോലും നമുക്ക് മൊബൈൽ ഇല്ലാതെ ജീവിക്കാൻ പറ്റില്ല എന്ന നിലയിൽ നമ്മുടെ ചിന്തകളെ കൊണ്ട് എത്തിച്ചിരിക്കുന്നു ഈ ടെക്നോളജി ലോകം.
അത്രമാത്രം ടെക്നോളജി നമ്മൾ പോലും അറിയാതെ നമ്മുടെ മസ്തിഷ്കങ്ങൾ കവർന്നെടുത്തു എന്നതാണ് യാഥാർത്ഥ്യം. ഇത് മൂലം നമ്മുടെ കുടുംബജീവിതത്തിലും സാമൂഹ്യജീവിതത്തിലും എല്ലാം നമ്മളറിയാതെ പല താളപ്പിഴകളും വരുന്നുണ്ട് എന്നത് ഒന്ന് മാറിനിന്ന് നിരീക്ഷിച്ചാൽ നമുക്ക് മനസ്സിലാകും. ഈ കൃത്രിമബുദ്ധി എന്ന് പറയുന്നത് ഒരു മായാജാലക്കാരനെ പോലെയാണ് അത് ഇല്ലാത്ത ഒന്ന് ഉണ്ട് എന്ന് നിങ്ങളെ കൊണ്ട് ശക്തമായി തോന്നിപ്പിക്കും പക്ഷെ യഥാർത്ഥത്തിൽ നിങ്ങൾക്ക് ചുറ്റും നടക്കുന്നത് ഒരു ഇല്യൂഷൻ ആണ് ( കൃത്രിമ ബുദ്ധിയാൽ സൃഷ്ടിക്കപ്പെടുന്ന ഒരു മായികലോകം).
ജപ്പാനിൽ ഒക്കെ അവിടെയുള്ള യുവജനങ്ങൾ ചാറ്റ് ചെയ്യാം കൂടുതൽ സമയം ചെലവഴിക്കുന്ന "വെർച്ചൽ ഫ്രണ്ട്സ്" ഉണ്ട് എന്നു പറഞ്ഞാൽ അവർ സൗഹൃദം സ്ഥാപിക്കാൻ ശ്രമിക്കുന്നത് അവരെ വൈകാരികമായി വേദനിപ്പിക്കാത്ത കൃത്രിമ ബുദ്ധികളോടാണ് അത്രമാത്രം മനുഷ്യമസ്തിഷ്കങ്ങളെ കൃത്രിമ ബുദ്ധികൾ സ്വാധീനിക്കുന്നു എന്നത് തികച്ചും ഭയപ്പെടുത്തുന്നത് തന്നെയാണ്.
നിങ്ങൾ ഒന്നു ചിന്തിച്ചുനോക്കൂ പതിനഞ്ച് വർഷം മുമ്പ് ഇത്തരത്തിൽ ഒരു മൊബൈലും കുത്തിപ്പിടിച്ച് ഒരു കസേരയിലിരുന്ന് ഇരുന്ന് നമ്മൾ സമയത്തെ കൊല്ലുമെന്ന് നമ്മളാരെങ്കിലും ചിന്തിച്ചിട്ടുണ്ടോ തീർച്ചയായും അതിനു സാധ്യതയില്ല. അത്രമാത്രം നമ്മുടെ ചിന്തകൾക്കും കണക്കുകൂട്ടലുകൾക്കും അതീതമായാണ് നമുക്ക് ചുറ്റുമുള്ള കൃത്രിമ ബുദ്ധിയാൽ സൃഷ്ടിക്കപ്പെട്ട ഈ മായികലോകം. ഈ വിവരസാങ്കേതിക വിദ്യയും, ടെക്നോളജിയും, സോഷ്യൽ മീഡിയയും നിങ്ങൾ ഉപയോഗിച്ചു കൊള്ളുക പക്ഷേ അതിന് അടിമയാകാതെ നോക്കേണ്ടത് നമ്മുടെ ഓരോരുത്തരുടെയും ഉത്തരവാദിത്വമാണ്.
Technology is injurious to physical and mental health if not used wisely
🙏
Dr.Pouse Poulose
നിലപ്പാല
നിലപ്പാല എന്ന ചെടിയാണ്. കാൻസറിനുള്ള നിലപ്പാലത്തൈലം (കോട്ടക്ക്ൽ) ഇതിൽനിന്നും ഉണ്ടാക്കുന്നതാണ്.euphorbia thymifolia എന്നു ശാസ്ത്രനാമം
കൂനമ്പാല, കുരുട്ടു പാല
കൂനമ്പാല, കുരുട്ടു പാല എന്ന പേരിൽ അറിയപ്പെടുന്ന മരുന്നു സസ്യമാണ് ശാസ്ത്രീയ നാമം Tabernaemontana dichotona അധികമാത്രയിൽ വിഷകരമായ സസ്യമാണ് ഇത്.
കാഞ്ഞിരം
കാഞ്ഞിരം എന്ന ചെടിയുടെ പൂക്കളാണിത് ശാസ്ത്രീയനാമം strychnos nux-vomica അടിമുടി വിഷകരമായ സസ്യമാണ് ഇത് ഔഷധപ്രയോഗം ശുദ്ധിചെയ്ത് മാത്രം.. കാലിൻ്റെ ഉപ്പൂറ്റി വേദനക്ക് ചൂടാക്കിയ ഓടിൻ കഷ്ണത്തിൽ കാഞ്ഞിരത്തില വച്ച് അതിൻമുകളിൽ ചവിട്ടി ചൂടാക്കിയാൽ നല്ല ഫലം കിട്ടും..
Alstonia venenata
Alstonia venenata എന്നതാണ് ശാസ്ത്രീയ നാമം. വിഷദംശനങ്ങളിൽ ഉപയോഗിക്കുന്നു. ചില ത്വക് രോഗങ്ങളിൽ ഫലപ്രദമാണ് അപസ്മാര രോഗങ്ങളിൽ കായ ഉപയോഗിക്കുന്നു.
മഞ്ചാടി
Adenanthera pavonina എന്ന ശാസ്ത്രനാമം ഉള്ള മഞ്ചാടി സംസ്കൃതത്തിൽ താമ്രകഃ എന്ന് അറിയപ്പെടുന്നു. ഈ ചെടിക്ക് ഗൌട്ട് എന്ന വാതരോഗത്തെ ശമിപ്പിക്കുവാനുള്ള ശേഷി ഉണ്ട്. ശരീരം ചുട്ടുനീറ്റൽ അർശ്ശസ് മുതലായവക്കുള്ള മരുന്നുകളിൽ ചേർക്കുന്നു.
മുറികൂട്ടിപ്പച്ച, സന്ധാനകരിണി
മുറികൂട്ടിപ്പച്ച, സന്ധാനകരിണി
മുറിവിന് വളരെ നല്ലത്. വയലറ്റ് മുറികൂട്ടിയെക്കാളും പെട്ടന്ന് ഫലം കിട്ടുന്നു. അസ്ഥി ഒടിവിൽ അരച്ചു കെട്ടുന്നു. (ഒടിവ് വീട്ടു ചികിത്സയായി ചെയ്യരുത്) ശരീരത്തിൽ ഉണ്ടാകുന്ന നീരിന് ഉപ്പു ചേർത്ത് അരച്ചു ഇടുക
വള്ളിപ്പാല
Tylophora indica എന്ന ശാസ്ത്രനാമം ഉള്ള ചെടി. വള്ളിപ്പാല എന്ന് മലയാളം. ആസ്ത്മ രോഗത്തിന് ഉപയോഗിക്കുന്നു.
കാട്ടുപാവൽ
momordica balsamina എന്ന കാട്ടുപാവൽ ആണിത് കാട്ടുപാവലാണങ്കിലും കറിവെക്കാൻ ഉപയോഗിക്കുന്നുണ്ട്. വച്ചു പിടിപ്പിച്ചാൽ നന്നായി വിളവു നൽകും. നാട്ടു പാവലിനേക്കാൽ ഔഷധ ഗുണം ഉണ്ട് പ്രമേഹ രോഗികൾക്കു വളരെ നല്ലതാണ്. ത്വക് രോഗങ്ങളും കുറയ്ക്കും. നല്ല രുചിയേറിയ പാവലാണിത്. ചെറിയതരം കയ്പക്കതന്നെ. വിത്തും വളരെ ചെറിയതാണ്. ഇതിന് കൊച്ചുപാവല്‍, വേലിപ്പാവല്‍, മരുന്നുപാവല്‍, ഔഷധപ്പാവല്‍, പ്രമേഹകൊല്ലിക്ക.ചുരുൾവേരുകളുള്ള ഒരു ഏകവർഷി ആരോഹി സസ്യമാണ് മൊമോർഡിക്ക ബാൽസമിന. ആഫ്രിക്കയുടെ ഉഷ്ണമേഖലാപ്രദേശത്ത് സ്വദേശമുള്ള ഇത് ഇപ്പോൾ ഏഷ്യ, ആസ്ത്രേലിയ, മദ്ധ്യ അമേരിക്ക എന്നിവിടങ്ങളിൽ വളരുന്നു. ഇളം മഞ്ഞനിറമുള്ള, സിരാജാലങ്ങൾ തെളിഞ്ഞുകാണുന്ന പൂക്കളും, അൽപ്പം ഉരുണ്ട് മുള്ളുകളുള്ള, പഴുക്കുമ്പോൾ ഓറഞ്ച് നിറം കൈവരിക്കുന്ന ഫലങ്ങളുമുണ്ട്.