ബാലചികിത്സാ യോഗങ്ങൾ

ചെന്നൽ നവര രാമച്ചം

ദ്വിദർഭ കുശ കാശവും I

അഴിഞ്ഞിലോരിലാ, പാലു-

മുതക്കും സ്തന്യദങ്ങളാം II

(ബാലചികിത്സ )

ഉഴിഞ്ഞ, ദൂർവ്വാ, മൃതവല്ലി ,രംഭാ-

ക്കിഴങ്ങു, കഞ്ഞുണ്ണി, കൊഴുപ്പയൊപ്പം I

പിഴിഞ്ഞ നീരിൽ കൃതമെണ്ണ തേച്ചാ-

ലൊഴിഞ്ഞുപോം കാമില കോമളാംഗീ II

(ബാലചികിത്സ )

കൂവളമബ്ദമജാജിബലേക്ഷു

ഓരിലദാരുവൃഷംമലർവിശ്വം I

ഈവിധമുണ്ടൊരുനല്ലകഷായം

വാവതിലേങ്ങിവരും കുര നീങ്ങാൻ ॥

(ബാലചികിത്സ )

പടേല ശുണ്ഠീ തവിഴാമ നിംബ

കടുക്ക തിക്താമൃത ദാർവ്വി സിദ്ധം I

പയശ്ശിശൂനാം പനിപിത്തപാണ്ഡ്വാ-

മയഞ്ച ശോഫഞ്ച മുടിക്കുമാര്യേ ॥