ഗ്രാമ്പു

ഗ്രാമ്പു     

നല്ല മഴയും ചൂടും ഈർപ്പവും ഉള്ള സ്ഥലങ്ങളിൽ വളരുന്ന 15 മീറ്റർ മുതൽ 20 മീറ്റർ വരെ ഉയരമുള്ള ഇടത്തരം വൃക്ഷമാണ് ഗ്രാമ്പു ജന്മദേശം മലാക്ക ദ്വീപുകൾ ആണെങ്കിലും ഇന്ന് കേരളത്തിലും തമിഴ് നാട്ടിലും ധാരാളം കൃഷിചെയ്തു വരുന്ന 

കുടുംബം = മിർട്ടേസി 

ശാസ്ത്രനാമം = സിസിജിയം ആരോമാറ്റിക്കം

രസം = തിക്തം - കടു 

ഗുണം = ലഘു - തീഷ്ണം 

വീര്യം = ശീതം 

വിപാകം = കടു 

സംസ്കൃത നാമം = ലവംഗ - വരാ - ദേവ പുഷ്പ - ഭ്യംഗ - ശ്രീ പ്രസൂനകം 

ഹിന്ദി = ലൗങ്ഗ = ലവംഗ 

ഗുജറാത്തി = ലവംഗ്

ബംഗാളി = ലവംഗ 

തമിഴ് = കിരാംപു 

തെലുഗു = കാരാ വല്ലു 

ഇംഗ്ലീഷ് = ക്ലോവ്

പ്രയോഗാം ഗം = പൂമൊട്ട് ഇല തൊലി കായ് വേര് തൈലം  

ഔഷധ ഗുണം 

എളുപ്പം ദഹിപ്പിക്കുന്ന ഗുണമുള്ളതിനാൽ ഗുരുത്വമുള്ള ഭക്ഷണം പാകം ചെയ്യുമ്പോൾ പ്രത്യേകിച്ച് മാംസ പാചകത്തിൽ;ഗരം മസാലയിൽ കറുവപ്പട്ടയുടെയും മറ്റും കൂട്ടത്തിൽ ഗ്രാമ്പുവും ചേർത വരുന്നു  

ബസ് യാത്രക്കിടയിലെ ശർദ്ധിക്ക് ഗ്രാമ്പുവായിൽ ഇട്ട് ചവച്ച് കൊണ്ടിരിക്കുക

ഗ്രാമ്പു പൊടിച്ച് തേനിൽ ചാലിച്ച് കഴിച്ചാൽ ജലദോഷം മാറും

ഗ്രാമ്പൂവും വെളുത്തുള്ളിയും

സമമെടുത്ത് അരച്ച് തേനിൽ ചാലിച്ചു സേവിക്കുന്നത് ഇക്കിളും(ഹിക്കാരോഗം) ശ്വാസംമുട്ടലും ശമിക്കാൻ ഫല പ്രദമാണ്

വയറിളക്കം അകറ്റാൻ ഗ്രാമ്പൂ, കറിവേപ്പില എന്നിവ ചേർത്തരച്ച് മോരിൽ കലക്കി കാച്ചിക്കുടിക്കുക.

ഗ്രാമ്പു തുളസി ആടലോടകവും കൂടി കഷായം വച്ച് താലീസപത്രാദി ചൂർണം ചേർത് സേവിച്ചാൽ അസാദ്ധ്യമായ ചുമയും ശമിക്കും 

ഗ്രാമ്പുവും ഗ്രാമ്പു തൈലവും പല്ലുവേദന മോണപഴുപ്പ് വായ്നാറ്റം മുതലായവക്ക് ഉപയോഗിക്കാറുണ്ട് ഗ്രാമ്പു അധികമായി ഉപയോഗിച്ചാൽ പല്ല് ദ്രവിക്കുന്നതാണ്. ഗ്രാമ്പുവിന്റെ ഞെട്ടോ ഇലയോ ചവച്ചാലും പല്ലുവേദന ശമിക്കും 

ഏലക്കായ് ഗ്രാമ്പു ജാതിക്ക ജാതിപത്രി കർപൂരം എന്നിവയെ പഞ്ച സുഗന്ധം എന്ന് പറയുന്നു. 

ഒരു ഗ്രാമ്പു വായിലിട്ട് ചവച്ച്‌ നീരിറക്കുക. നെഞ്ചെരിച്ചിൽ ഉടനേ ശമിക്കും