മൂത്രകൃച്ഛ്ര ചികിത്സ

मूत्रकृच्छ्रचिकित्सा

वातानुलोमनं स्निग्द्ध -

मुष्णं स्रोतोविशोधनम् ।

दीपनं यच्च पानान्न - 

भेषजं कृच्छ्रिणां हितम् ॥

വാതത്തെ അനുലോമമാക്കുന്നതും സ്നിഗ്ദ്ധവും ഉഷ്ണവും സ്രോതസ്സുകൾക്കു ശുദ്ധിവരുത്തുന്നതും അഗ്നിക്കു ദീപനം വരുത്തുന്നതുമായ പാനം, അന്നം, ഭേഷജം എന്നിവ മൂത്രകൃച്ഛ്രരോഗികൾക്കു ഹിതമാകുന്നു.

नाभेरधस्ताद्धान्याम्ळ -

सेको मूत्ररुजापह : I

നാഭിയുടെ താഴെ ധാന്യാമ്ലം കൊണ്ടുള്ളധാര കൃച്ഛ്രരോഗികൾക്കു ഹിതമാകുന്നു. ( ഇവയെല്ലാം ഈ രോഗത്തിന്റെ സാമാന്യ ചികിത്സയാണെന്നറിഞ്ഞുകൊൾക )

कृच्छ्रे वातघ्न तैलाक्त -

मधो नाभे : समीरजे ।

सुस्निग्द्धै : स्वेदयेदङ्गं

पिण्डसेकावगाहनै : ॥

വാതകൃച്ഛ്രത്തിങ്കൽ ചെയ്യേണ്ടതായ ചികിത്സ പറയുന്നു. ---

നാഭിയുടെ കീഴെ വാതഹരങ്ങളായ തൈലങ്ങൾ പുരട്ടിയ രോഗിയെ ഏറ്റവും സ്നിഗ്ദ്ധതയ്യള്ള കിഴി, ധാര, അവഗാഹനം എന്നിവ കൊണ്ട് ശരീരത്തെ വിയർപ്പിക്കണം.

वातजित्पत्रनिष्क्वाथे

धान्याम्ळे वावगाहयेत् ।

വാതഹരങ്ങളായ ഇലകൾ ഇട്ടു തിളപ്പിച്ച കഷായവെള്ളത്തിലൊ വെപ്പുകാടിയിലൊരോഗിയെ അവഗാഹനം ചെയ്യിക്കണം. (ഇത് അവഗാഹസ്വേദമാകുന്നു.) മൂത്രകൃച്ഛ്രത്തിങ്കൽ ഉത്തമമാകുന്നു. 

जलप्रसादास्थिकपोतपङ्क -

शतावरीगोक्षुरसिद्घमंभ : ।

पुनान्वितं हन्त्यनिलोत्बणानि

कुच्छ्राणिकृच्छ्ण्यपि शर्क्कराञ्च॥

തേറ്റാമ്പരൽ, അടയ്ക്കാമണിയൻവേര്, ശതാവരിക്കിഴങ്ങ്, ഞെരിഞ്ഞിൽ, ഇവ കഷായം ഗുൽഗുലു ശുദ്ധി ചെയ്ത് മേപ്പൊടി ചേർത്തു സേവിക്കുക.

വാതംകൊണ്ടുള്ള മൂത്രകൃച്ഛ്രങ്ങൾ കൃച്ഛ്രസാദ്ധ്യങ്ങളാണെങ്കിലും ശമിക്കും. ശർക്കരാരോഗവും മാറും.

दशमूलबलामूल -

द्राक्षावसुकयष्टिभि : I

वरीविदारीमत्स्याक्षी

चन्दनोपलभेदकै : ॥

सपयस्यै : श्रृतं क्षीरं

सर्वमूत्ररुजापहम् ।

ദശമൂലം പത്ത്, കുറുന്തോട്ടിവേര്, മുന്തിരിങ്ങാപ്പഴം, താർതാവൽ, എരട്ടിമധുരം, ശതാവരിക്കിഴങ്ങ്, പാൽമുതക്കിൻകിഴങ്ങ്, മീനങ്ങാണി , ചന്ദനം, കല്ലൂർവഞ്ഞി , അടപതിയൻ കിഴങ്ങ് ഇവ കൊണ്ട് പാൽ കുറുക്കി സേവിക്കുക. എല്ലാ മൂത്രകൃച്ഛ്രങ്ങളും ശമിക്കും.

व्याघ्रीगोक्षुरमत्स्याक्षी

पत्मापाषाणभेदकै : I

कपोतपङ्ककतक

वरीवसुकवाळकै : ॥

श्रृतक्षीराद्विशिष्टोयं

कषाय : शरक्करान्वित : ।

मूत्रकृच्छ्राणिसर्वाणि

रक्तस्रावञ्च नाशयेत् ॥

ചെറുവഴുതിനവേർ , ഞെരിഞ്ഞിൽ, മീനങ്ങാണി , ഓരിലത്താമരയില , കല്ലൂർവഞ്ഞിവേർ , അടയ്ക്കാമണിയൻവേർ , തേറ്റാമ്പരൽ, ശതാവരിക്കിഴങ്ങ്, താർതാവൽവേർ , ഇരുവേലിത്തണ്ട്, ഇവ കഷായം. അതിൽ പാൽ കുറുക്കി സേവിക്കുക. പഞ്ചസാര മേമ്പൊടി. എല്ലാ കൃച്ഛ്രങ്ങളും ശമിക്കും. രക്തം സ്രവിക്കുന്നതും ശമിക്കും.

पथ्यागोक्षुरशम्याक

धन्वयाषाक्षिभेषजै : I

क्वाथं पिबेत् सरुग्दाहे

कृच्छ्रे मधुसितायुतम् ॥

കടുക്ക, ഞെരിഞ്ഞിൽ, കൊന്നത്തൊലി, കൊടുത്തുവ്വവേർ , പാച്ചോറ്റിത്തൊലി ഇവ കഷായം തേനും പഞ്ചസാരയും ചേർത്ത് സേവിക്കുക. വേദനയും ചുട്ടുനീറ്റലും ഉള്ളതായ മൂത്രകൃച്ഛ്രറം ശമിക്കും.

वरीविदारीगोकण्ड

मुस्तागोपीजलं तथा ।

ശതാവരിക്കിഴങ്ങ്, പാൽമുതക്കിൻ കിഴങ്ങ്, ഞെരിഞ്ഞിൽ, മുത്തങ്ങ, നന്നാറിക്കിഴങ്ങ് ഇവ കൊണ്ടുള്ള കഷായവും മേൽ പ്രകാരം തന്നെ വേദനയും ചുട്ടുനീറലും ഉള്ളതായ മൂത്രകൃച്ഛ്രത്തെ ശമിപ്പിക്കും.

केरीक्रमुकतालानां

मूलं मूषिकजं मलम् ।

गोक्षुरोर्व्वारुबीजञ्च

काञ्चिकेन प्रपेषयेत् ॥

तेन लिम्बेद्वस्तिदेशे

क्षिप्रं मूत्रयते ध्रुवम् ।

തെങ്ങിൻ വേർ , കവുങ്ങിൻ വേർ , കരിമ്പന വേർ , എലിയുടെമലം, ഞെരിഞ്ഞിൽ, വെള്ളരി വിത്ത്, ഇവ കാടിയിൽ അരച്ച് വസ്തി പ്രദേശത്ത് പുരട്ടുക. മൂത്രത്തിന്റെ തടവ്മാറി വേഗത്തിൽ മൂത്രം ഒഴിഞ്ഞു പോകും.

त्रिफलाक्वाथसंयुक्तं

सैन्धवेन समन्वितम् ।

तैलमैरण्डजं वापि

पिबेन्मूत्रामयी नरः ॥

ത്രിഫലക്കഷായവും ഇന്തുപ്പുകല്ക്കനുമായി എള്ളെണ്ണയൊ ആവണക്കെണ്ണയൊ കാച്ചി സേവിക്കുക. മൂത്രസംബന്ധമായ രോഗത്തിങ്കൽ ഉത്തമം.

ह्रस्वेनपञ्चमूलेन

मत्स्याक्षी मधुकौषधै : I

बलाभद्रा वरीभिश्च

क्षीरपेया प्रसाधिता ॥

मूत्रकृच्छ्रेषु सर्वेषु

कृच्छ्रेषु परमं हिता ।

ചെറുപഞ്ചമൂലം, മീനങ്ങാണി , എരട്ടിമധുരം, ചുക്ക്, കുറുന്തോട്ടിവേര്, ചെറൂളവേര്, ശതാവരിക്കിഴങ്ങ്, ഇവ കൊണ്ട് പാൽക്കഞ്ഞിയുണ്ടാക്കി സേവിക്കുക. കൃച്ഛ്രങ്ങളായ എല്ലാമൂത്രകൃച്ഛ്രങ്ങളിലും ഉത്തമം.

तोयेन नाळिकेरस्य

कतकास्थि प्रपेषितम् ।

शर्क्करैला समायुक्तं

पिबेत् कृच्छ्रहरं परम् ॥

തേറ്റാമ്പരൽ നാളികേരവെള്ളത്തിലരച്ച്‌ പഞ്ചസാരയും ഏലത്തരിയുടെ പൊടിയും ചേർത്തു സേവിക്കുക. മൂത്രകൃച്ഛ്രം ശമിക്കും.

സഹസ്രവേധികന്നാരം

കന്മദംഗൈരികം തഥാ

ഏലായഷ്ട്യാഹ്വയം കൃഷ്ണാ

അരത്തയുമമുക്കുരം

ഇവ ചൂർണ്ണിച്ചു സിതയും

ക്ഷൗദ്രവും കൂട്ടി നക്കിയാൽ

മൂത്രകൃച്ഛ്രങ്ങളോടിപ്പോ -

മന്ധകാരം ദിനേ തഥാ .

भूमितालवरीकन्द

तुलाक्वाथे घृतं पचेत् ।

द्राक्षाश्वगन्धामधुक

कदळीफलगोक्षुरै : ॥

चतुर्ग्गुणपयस्सिद्धं

पित्तवातजकृच्छ्रनुत् ।

നിലപ്പന, ശതാവരി ഇവയുടെ കിഴങ്ങ് ഒരു തുലാം കഷായം വെച്ചതിൽ നൈകാച്ചുക.

കല്ക്കം :- മുന്തിരിങ്ങ, അമുക്കുരം, എരട്ടിമധുരം, കദളിവാഴക്ക , ഞെരിഞ്ഞില് ഇവ അരച്ചു ചേർക്കുക. നെയ്യിന്റെ നാലിരട്ടി പാലും കൂട്ടണം . ഈ നെയ്യ് വാതപിത്തങ്ങളെക്കൊണ്ടുള്ള കൃച്ഛ്രത്തെ ശമിപ്പിക്കും.

शतावरीघृतं वैद्य

स्त्रैकण्टकघृतं तथा ।

वस्त्यामयान्तकं चैव

मूत्रकृच्छ्रेषु योजयेत् ॥

ശതാവരീഘൃതം, ത്രൈകണ്ടകഘൃതം, വസ്ത്യാമയാന്തകം ഘൃതം എന്നിവയെ വൈദ്യൻ മൂത്രകൃച്ഛ്രങ്ങളിൽ പ്രയോഗിക്കണം.

अवशस्रुतमूत्रस्तु

पिबेन्मुत्गरसं नर : I

तैलेन सहितं तेन

सुखी भवत : तत्क्षणात् ॥

അവശമാകുംവണ്ണം മൂത്രം പോയിക്കൊണ്ടിരിക്കുന്ന ആൾ ചെറുപയറിന്റെ ചാറ് എണ്ണ ചേർത്തു സേവിക്കുക. ഉടൻ തന്നെ സുഖം കിട്ടും.

चम्पकशिफा कषाय :

पीतो हि रुणद्वि मूत्रमवशगतम् ।

ചമ്പകത്തിന്റെ വേര് കഷായം വെച്ച് സേവിക്കുക.. മൂത്രത്തിന്റെ അവശത ശമിക്കും.

नृत्यत्कोरण्डबीजानां

चूर्णं माक्षिक संयुतं ।

अविक्षीरेण सप्ताहं

पीतमश्मरिपातनम् ॥

ചുരയുടെ വിത്ത് പൊടിച്ച് തേനും ചേർത്ത് ആട്ടിൻ പാലിൽ ഏഴുദിവസം സേവിക്കുക . അശ്മരി പറിഞ്ഞു പോകും.

" നൃത്യൽകുണ്ഡകബീജാനാം, "എന്നു സുന്ദരീ പാഠം. കോരണ്ഡബീജത്തിന്ന് തുവരീ (തുവര) ബീജം എന്ന് അതിൽ അർത്ഥം.

സംഗ്രഹത്തിൽ ഭൃംഗകണ്ടകബീജാനാം -എന്നാണ് പാഠം. സുശ്രുതത്തിൽ " ത്രികണ്ടകസ്യ ബീജാനാം" എന്നു കാണുന്നു. ത്രികണ്ടകബീജം എന്നതിന്ന് ഞെരിഞ്ഞിലിന്റെ ബീജം എന്ന് അർത്ഥം. ഈ യോഗത്തിന്റെ മൂലം സുശ്രുതമാണെന്നും, പാഠഭേദങ്ങൾ സുശ്രുത പാഠത്തിന്റെ അപഭ്രംശങ്ങളാണെന്നും തോന്നുന്നു.