അഗ്ര്യ ഔഷധങ്ങൾ

അഗ്ര്യ ഔഷധങ്ങൾ

(അ ഹൃ ഉ. സ്ഥാ അ 40 /57-58)

വസ്തിർവാതവികാരാൻ

പൈത്താൻ രേക: കഫോദ്ഭവാൻ വമനം I

ക്ഷൗദ്രം ജയതി വലാസം

സർപ്പി: പിത്തം സമീരണം തൈലം II

ഇത്യഗ്ര്യം യൽപ്രോക്തം

രോഗാണാമൗഷധം ശമായാലം I

തദ്ദേശകാലബലതോ

വികല്പനീയം യഥായോഗം II

ഭിഷജാം സാധു വൃത്താനാം

ഭദ്രമാഗമശാലിനാം I

സ്വഭൃസ്തകർമണാം ഭദ്രം

ഭദ്രം ഭദ്രാഭിലാഷിണാം I

(അഷ്ടാംഗഹൃദയം )

            ശുഭം

അഗ്ര്യ ഔഷധങ്ങൾ

അഗ്ര്യ ഔഷധങ്ങൾ

(അ ഹൃ ഉ സ്ഥാ അ 40/55-56)

സമശുക്താർദ്രകമാത്രാ

മന്ദേ വഹ്നൗ ശ്രമേ സുരാ സ്നാനം I

ദു:ഖസഹത്വം സ്ഥൈര്യേ

വ്യായാമോ ഗോക്ഷുരോ ഹിത: കൃച്ഛ്റേ II

കാസേ നിദിഗ്ദ്ധികാ പാർശ്വ-

ശൂലേ പുഷ്ക്കരജാ ജടാ I

വയസ: സ്ഥാപനേ ധാത്രീ

ത്രിഫലാഗുഗ്ഗുലുർവ്രണേII

അഗ്ര്യ ഔഷധങ്ങൾ

അഗ്ര്യ ഔഷധങ്ങൾ

(അ ഹൃ ഉ സ്ഥാ അ 40/ 52-54)

മാംസം കാർശ്യം, ലശുന:

പ്രഭഞ്ജനം, സ്തബ്ധഗാത്രതാം സ്വേദ:, I

ഖുഡമഞ്ജര്യാ: ഖപുരോ

നസ്യം സ്കന്ധാംസബാഹുരുജം II

നവനീതഖണ്ഡമർദ്ദിത -

മൗഷ്ട്രം മൂത്രം പയശ്ച ഹന്ത്യുദരം।

നസ്യം മൂർദ്ധവികാരാൻ

വിദ്രധിമചിരോത്ഥമസ്രവിസ്രാവ: II

നസ്യം കബളം മുഖജാൻ

നസ്യാഞ്ജനതർപ്പണാനി നേത്ര രുജ: I

വൃദ്ധത്വം ക്ഷീര ഘൃതേ

മൂർച്ഛാം ശീതാംബുമാരുതഛായാ: II

അഗ്ര്യ ഔഷധങ്ങൾ

അഗ്ര്യ ഔഷധങ്ങൾ

(അ ഹൃ ഉ സ്ഥാ അ 40 / 50-51)

അക്ഷ്യാമയേഷു ത്രിഫലാ, ഗുളൂചീ

വാതാസ്രരോഗെ, മഥിതം ഗ്രഹണ്യാം I

കുഷ്ഠേഷു സേവ്യ: ഖദിരസ്യ സാര:

സർവേഷു രോഗേഷു ശിലാ ഹ്വയം ച II

ഉന്മാദംഘൃതമനവം

ശോകം മദ്യം വിസംസ്മൃതിം ബ്രഹ്മീ |

നിദ്രാനാശം ക്ഷീരം

ജയതി രസാളാ പ്രതിശ്യായം II

അഗ്ര്യ ഔഷധങ്ങൾ

അഗ്ര്യ ഔഷധങ്ങൾ

(അ ഹൃ ഉ സ്ഥാ അ 40 / 48_ 49)

മുസ്താപർപ്പടകം ജ്വരെ തൃഷി ജലം മൃദ്ഭൃഷ്ടലോഷ്ടോദ്ഭവം

ലാജാശ്ചർദ്ദിഷു വസ്തിജേഷുഗിരിജം മേഹേഷു ധാത്രീനിശേl

പാണ്ഡ്വൗ ശ്രേഷ്ഠമയോfഭയാനിലകഫേ പ്ലീഹാമയെ പിപ്പലീ

സന്ധാനേ ക്രിമിജാ വിഷേശുകതരുർമേദോനിലെ ഗുഗ്ഗുലു: II

വൃഷോസ്രപിത്തേ കുടചോതിസാരേ

ഭല്ലാതകേർശസ്സു ഗരേഷു ഹേമ I

സ്ഥൂലേഷു താർക്ഷ്യം കൃമിഷു കൃമിഘ്നം

ശോഷേ സുരാഛാഗപയോനുമാംസം II