ആയുർവേദം

ആയുർവേദം കേവലം ഒരു ചികിത്സാ സമ്പ്രദായം മാത്രമല്ല, മറിച്ച് പ്രകൃതിയുമായി ഇണങ്ങിച്ചേർന്ന് ജീവിക്കാൻ നമ്മെ പഠിപ്പിക്കുന്ന ഒരു സമ്പൂർണ്ണ ജീവിത ശാസ്ത്രമാണ്. രോഗം വന്നതിന് ശേഷം മരുന്ന് കഴിക്കുന്നതിനേക്കാൾ, രോഗം വരാതെ ശരീരത്തെയും മനസ്സിനെയും കാത്തുസൂക്ഷിക്കുക എന്നതാണ് ആയുർവേദത്തിന്റെ അടിസ്ഥാന തത്വം. ശാരീരികവും മാനസികവും ആത്മീയവുമായ തലങ്ങളിലെ സന്തുലിതാവസ്ഥയാണ് യഥാർത്ഥ ആരോഗ്യം എന്ന് നമ്മുടെ ആചാര്യന്മാർ ആയിരക്കണക്കിന് വർഷങ്ങൾക്ക് മുൻപേ രേഖപ്പെടുത്തിയിട്ടുണ്ട്.

ആധുനിക കാലത്തെ തിരക്കുപിടിച്ച ജീവിതത്തിൽ, തെറ്റായ ആഹാരക്രമവും വ്യായാമമില്ലായ്മയും മാനസിക സമ്മർദ്ദവും നമ്മുടെ ആരോഗ്യത്തെ സാരമായി ബാധിക്കുന്നുണ്ട്. ഇവിടെയാണ് ആയുർവേദത്തിലെ 'ദിനചര്യ' (ദൈനംദിന ശീലങ്ങൾ), 'ഋതുചര്യ' (കാലാവസ്ഥാ മാറ്റങ്ങൾക്കനുസരിച്ചുള്ള ശീലങ്ങൾ) എന്നിവയുടെ പ്രസക്തി വർദ്ധിക്കുന്നത്. ശല്യതന്ത്രവും ശാലാക്യതന്ത്രവും ഉൾപ്പെടെയുള്ള ആയുർവേദത്തിന്റെ വിവിധ ശാഖകൾ കേവലം പുരാതനമായ അറിവുകൾ മാത്രമല്ല, മറിച്ച് ആധുനിക കാലത്തും പ്രസക്തമായ അഗാധമായ ശാസ്ത്രീയ അടിത്തറയുള്ളവയാണ്. പ്രകൃതിദത്തമായ ഔഷധങ്ങളും ചിട്ടയായ ജീവിതശൈലിയും വഴി ശരീരത്തിലെ വിഷാംശങ്ങളെ നീക്കം ചെയ്ത് സ്വാഭാവികമായ പ്രതിരോധശേഷി വീണ്ടെടുക്കാൻ ഈ ശാസ്ത്രം നമ്മെ സഹായിക്കുന്നു.

നമ്മുടെ അടുക്കളയിലെ സുഗന്ധവ്യഞ്ജനങ്ങൾ മുതൽ ചുറ്റുമുള്ള ഔഷധസസ്യങ്ങൾ വരെ നമ്മുടെ ആരോഗ്യ സംരക്ഷണത്തിൽ വലിയ പങ്കുവഹിക്കുന്നുണ്ട്. ആരോഗ്യകരവും ഊർജ്ജസ്വലവുമായ ഒരു നാളേക്കായി ആയുർവേദത്തിന്റെ ഈ നന്മകളെ നമുക്ക് ദൈനംദിന ജീവിതത്തിന്റെ ഭാഗമാക്കാം. നിങ്ങളുടെ ആരോഗ്യ സംബന്ധമായ സംശയങ്ങളും അഭിപ്രായങ്ങളും താഴെ കമന്റ് ചെയ്യാവുന്നതാണ്. ഏവർക്കും ആയുരാരോഗ്യ സൗഖ്യം നിറഞ്ഞ ഒരു ദിനം ആശംസിക്കുന്നു! 

#Ayurveda #AyurvedicLifestyle #HealthAndWellness #HolisticHealth #AyurvedicMedicine #KeralaAyurveda #HealthyLiving #PreventiveHealth

എരുക്ക് - Calotropis gigantea

എരിക്കിന്റെ ഔഷധഗുണങ്ങളെപ്പറ്റി വിവിധ ആയുര്‍വേദ ഗ്രന്ഥങ്ങളില്‍ പ്രതിപാദിച്ചിട്ടുണ്ട്: Calotropis gigantea

[ചരകം]

ക്ഷീരമര്‍ക്കസ്യ ലവണേ ച വിരേചനേ

[സഹസ്രയോഗം]

വെള്ളെരുക്കിന്റെ മൂലമരച്ചിട്ടങ്ങെടുത്തുടന്‍

പാലില്‍ കലക്കി സേവിച്ചാല്‍ തടിപ്പും കുഷ്ഠവും വിഷം

ചിരങ്ങും പുണ്ണുമെല്ലാമേ ശമിച്ചീടുമസംശയം

വെള്ളെരുക്കു സമൂലത്തെ പാലില്‍ ചേര്‍ത്തു ഭുജിക്കുകില്‍

ചിരങ്ങും കുഷ്ഠവും വീക്കം കരപ്പന്‍ വകയോക്കെയും

ചെറുതായ വിഷങ്ങള്‍ക്കും കാമലയ്ക്കും വിശേഷമാം.

മേല്‍പ്പറഞ്ഞ മരുന്നിന്റെ സമൂലം ശരിയായുടന്‍

അരച്ചു പച്ചവെള്ളത്തില്‍ ത്തിളപ്പിച്ചങ്ങു പിന്നെയും

അല്‍പ്പം ചൂടോടു കൂടീട്ടു കവിള്‍ക്കൊള്ളുകിലപ്പോഴെ

ദന്തശൂല ശമിച്ചീടുമുടനേയെന്നുനിര്‍ണ്ണയം.

[ഭാവപ്രകാശം]

അലര്‍ക്കകുസുമം വൃഷ്യം ലഘു ദീപനപാചനം

അരോചകപ്രസേകാര്‍ശ: കാസശ്വാസനിവാരണം

രക്താര്‍ക്കപുഷ്പം മധുരം സതിക്തം

കുഷ്ഠകൃമിഘ്നം കഫനാശനഞ്ച

അര്‍ശോവിഷംഹന്തി ച രക്തപിത്തം

സംഗ്രാഹി ഗുല്‍മേശ്വയഥോ ഹിതം തത്

[ധന്വന്തരി നിഘണ്ടു]

അര്‍ക്കസ്തു കടുരുഷ്ണാശ്ച വാതഹത് ദീപന: സര:

ശോഫവ്രണഹരകണ്ഡുകുഷ്ഠപ്ലീഹകൃമീജ്ജയേത്

രക്താര്‍ക്കപുഷ്പം മധുരം സശീതം

കുഷ്ഠകൃമിഘ്നം കഫനാശനം ച

അര്‍ശോവിഷം ഹന്തി ച രക്തപിത്തം

സംഗ്രാഹിഗുല്‍മശ്വയഥോഹിതം തത്.

ത്വക്രോഗങ്ങള്‍, ദഹനസംബന്ധിയായ തകരാറുകള്‍, വിശപ്പില്ലായ്മ, ഛര്‍ദ്ദി, അരുചി, മൂലക്കുരു, ശുക്ളക്ഷയം തുടങ്ങി ഒട്ടനവധി പ്രശ്നങ്ങള്‍ക്ക് പരിഹാരമാണ് എരുക്ക്.

എരിക്കിന്റെ പ്രയോഗങ്ങള്‍ അനവധി ആണ്

വാതംകൊല്ലി

ഇന്ത്യയിലെ തദ്ദേശവാസിയായ ചെറിയ ഒരു കുറ്റിച്ചെടിയാണ് വാതംകൊല്ലി.(ശാസ്ത്രീയനാമം: Justicia gendarussa). ആസ്ത്‌മയ്ക്കും, വാതത്തിനും ചില ചെറിയ കുട്ടികളിൽ കാണുന്ന അനിയന്ത്രിതമായ കരച്ചിലിനുമെല്ലാം ഇത് ഔഷധമായി ഉപയോഗിച്ചു വരുന്നു

ദൂര്‍വ്വാദി ഘൃതം

ദൂര്‍വ്വാദി ഘൃതം

ചെറുകറുക,ചെങ്ങഴുനീർക്കിഴങ്ങ്, താമരയല്ലി, മഞ്ചട്ടി, ഏലാവാലുകം, വെണ്‍കറുക, രാമച്ചം, മുത്തങ്ങാക്കിഴങ്ങ്, ചന്ദനം, പതുമുകം, ഇവ മൂന്നുകഴഞ്ചുവീതം കല്‍ക്കം ചേര്‍ത്ത് ആട്ടിന്‍നെയ്യും നെയ്യിൽ നാലിരട്ടി കാടിയും കാടിക്കു സമം ആട്ടിന്‍പാലും ചേര്‍ത്തു കാച്ചിയെടുത്തു സേവിക്കുക; ഈ നെയ്‌ സേവിച്ചാല്‍ രക്തം ഛര്‍ദ്ദിക്കുന്നതു ശമിക്കും. നസ്യം ചെയ്താല്‍ മൂക്കില്‍കൂടി രക്തം വരുന്നതുമാറും. ചെവിയില്‍കൂടി രക്തം വരുന്നതിന് ഈ നെയ്‌ ചെവിയില്‍ ഒഴിക്കുകയും ,കണ്ണില്‍കൂടി രക്തം വരുന്നതിന് കണ്ണില്‍ നിറുത്തുകയും, ലിംഗം, ഗുദം ഈ സ്ഥാനങ്ങളില്‍ കൂടി രക്തം വരുന്നതിന് വസ്തി ചെയ്യുകയും, രോമകൂപങ്ങളില്‍ കൂടി രക്തം വരുന്നതിന് ഈ നെയ്യു കൊണ്ട് തേച്ചുകുളിക്കുകയും ചെയ്താല്‍ ശമിക്കും.

ധാത്രാദി ഘൃതം

ധാത്രാദി ഘൃതം

പച്ചനെല്ലിക്ക, പാൽമുതക്ക്ന്‍കിഴങ്ങ്, കരിമ്പ്, ശതാവരിക്കിഴങ്ങ്, കുമ്പളങ്ങാ, ഇവയുടെ നീരില്‍ പാലും കല്‍ക്കത്തിനു മുന്തിരിങ്ങാപ്പഴം ,ഇരട്ടിമധുരം ,ചന്ദനം ഇവ അരച്ചുകലക്കി നെയ്യും വീഴ്ത്തി കാച്ചിയരിച്ചു പഞ്ചസാരചേര്‍ത്തു കടഞ്ഞുവച്ചിരുന്ന് സേവിക്കുക; അസൃഗ്ദരം, പാണ്ഡുരോഗം, അസ്ഥിസ്രാവം, രക്തപിത്തം, മൂര്‍ഛ, മദം, ഉന്മാദം, മദാത്യയം, മുതലായവ ശമിക്കുകയും വന്ധ്യയ്ക്ക് ഗര്‍ഭോല്പാദനമുണ്ടാകുകയും ചെയ്യും.

ലശുനാദി ഘൃതം

ലശുനാദി ഘൃതം

തൊലികളഞ്ഞ വെള്ളുള്ളി തുലാം അര. ദശമൂലം പലം ഇരുപത്തിയഞ്ച്. ഇവ മുപ്പത്തിരണ്ടിടങ്ങഴി വെളളത്തില്‍ കഷായം വച്ച് നാലിലൊന്നാക്കി പിഴിഞ്ഞരിച്ച നീര് , വെളുത്തുളളിനീര് ഇടങ്ങഴി ഒന്ന്. ലന്ത, മൂവിലക്കിഴങ്ങ്, കോല്‍പുളി, മാതളാരങ്ങാ,ഇഞ്ചി ഇവയുടെ രസം, താളിമാതളരസം, സുരാമദ്യം, തൈരിന്‍വെളളം. കാടി ഇവ ഓരോന്നും ഇരുന്നാഴിവീതം. എല്ലാം കൂടി ചേര്‍ത്ത്ത്രിഫലത്തോട്, ദേവതാരം, ഉപ്പ്, ചുക്ക്, കുരുമുളക്, തിപ്പലി, അയമോദകം,കുറാശാണി, കാട്ടുമുളകിൻവേര്, കായം, ഞെരിഞ്ഞാമ്പുളിക്കിഴങ്ങ്, ഇവ അരപ്പലം വീതം. കല്‍ക്കം ചേര്‍ത്ത് ഇടങ്ങഴി നെയ്‌ കാച്ചിയരിച്ചു സേവിക്കുക; ശൂലം, ഗുന്മം , അര്‍ശസ്സ്, ഉദരരോഗം, ബ്രദ്ധനരോഗം ,പാണ്ഡ്, പ്ളീഹ, യോനിദോഷം, കൃമിരോഗം, ജ്വരം, മറ്റുകഫരോഗങ്ങള്‍, ഉന്മാദം ഇവ ശമിക്കും.

ദശമൂലഷട്പലകം ഘൃതം

ദശമൂലഷട്പലകം ഘൃതം 

ദശമൂലം പലം പതിനാറ്. പതിനാറിടങ്ങഴി വെളളത്തില്‍ കഷായം വച്ച് നാലിടങ്ങഴിയാക്കി ചെറുതിപ്പലി, കാട്ടുതിപ്പലിവേര്, കാട്ടുമുളകിന്‍വേര്, കൊടുവേലിക്കിഴങ്ങ്, ചുക്ക്, ചവര്‍ക്കാരം, ഇവ ഓരോ പലം കല്‍ക്കം ചേര്‍ത്ത് ഇടങ്ങഴി നെയ്യ് കാച്ചിയെടുത്ത് ദഹമനുസരിച്ചു സേവിക്കുക;ചുമ, ഹൃദയശൂല, പാര്‍ശ്വശൂല, ഇക്കിള്‍ ,ശ്വാസം ,ഇവ ശമിക്കും. ഇതിന് വൈദ്യന്മാര്‍ കല്‍ക്കത്തിൻറെ മരുന്നുകള്‍ എല്ലാംകൂടി ആറുപലമാണ് ചേര്‍ക്കാറുളളത്.

ബൃഹല്‍കണ്ടകാരീ ഘൃതം

ബൃഹല്‍കണ്ടകാരീ ഘൃതം

കണ്ടകാരിചുണ്ട സമൂലം. പലം പതിനാറ്. പതിനാറിടങ്ങഴി വെളളത്തില്‍ കഷായം വച്ച് നാലിടങ്ങഴിയാക്കി പിഴിഞ്ഞരിച്ച് കുറുന്തോട്ടിവേര്, ചുക്ക്, കുരുമുളക്,തിപ്പലി, വിഴാലരിപ്പരിപ്പ്, കച്ചോലക്കിഴങ്ങ്, കൊടുവേലിക്കിഴങ്ങ്, തുവര്‍ച്ചിലക്കാരം, ചവര്‍ക്കാരം, കൂവളക്കായുടെമജ്ജ, നെല്ലിക്കാത്തോട്, പുഷ്കരമൂലം, ചുവന്ന തഴുതാമവേര്, ചെറുവഴുതിനവേര്, കടുക്കാത്തോട്, ജീരകം, മാതളത്തോട്, കാട്ടുമുളകിൻവേര്, കൊടിത്തൂവവേര്, ഞെരിഞ്ഞാമ്പുളിക്കിഴങ്ങ്, കര്‍ക്കടകശൃംഗി, കീഴാനെല്ലി, ചെറുതേക്ക്, അരത്ത, ഞെരിഞ്ഞിൽ, ഇവ കല്‍ക്കമായി ഇടങ്ങഴി നെയ്‌ കാച്ചി സേവിക്കുക; സകല കാസങ്ങളും, ഇക്കിള്‍, ശ്വാസം, കഫവ്യാധി, ഇവയും ശമിക്കും. 

നാഗബലാ ഘൃതം

നാഗബലാ ഘൃതം

വലിയ കുറുന്തോട്ടിവേര് തുലാം ഒന്ന്( നൂറുപലം) പതിനാറിടങ്ങഴി വെളളത്തില്‍ കഷായം വച്ചു നാലിടങ്ങഴിയാക്കി പിഴിഞ്ഞരിച്ച് നാലിടങ്ങഴി നെയ്യും നാലിടങ്ങഴി പാലുംചേര്‍ത്ത് വലിയകുറുന്തോട്ടിവേര്, കുറുന്തോട്ടിവേര്, ഇരട്ടിമധുരം, തഴുതാമവേര്, പുണ്ഡരീകക്കരിമ്പിന്‍വേര് , കുമിഴിന്‍വേര്, മുരള്‍മരത്തിന്‍കായുടെ മജ്ജ, നായ്ക്കരണയരി, അമുക്കരം, വെണ്‍കറുക, ശതാവരിക്കിഴങ്ങ്, മേദ, മഹാമേദ, ഞെരിഞ്ഞിൽ, താമരവളയം, താമരനൂല്, താമരക്കിഴങ്ങ്, വന്‍കൊട്ടക്കിഴങ്ങ്,നീര്‍മുത്തങ്ങാ, ഇവ അരപ്പലം വീതം കല്‍ക്കം ചേര്‍ത്തു കാച്ചിയരിച്ചു സേവിക്കുക ; ഈ നാഗബലാ സര്‍പ്പിസ്സ് രക്തപിത്തം, ഉരഃക്ഷതം, ക്ഷയം, ചൂട്, തലകറക്കം, ഇവയെ ശമിപ്പിക്കും ; ബലം, പുഷ്ടി, ഓജസ്സ്, ആയുസ്സ്, ഇവയെ വര്‍ദ്ധിപ്പിക്കും; ജരയെ ശമിപ്പിക്കും. ഈ ഘൃതം ആറുമാസം മുടങ്ങാതെ സേവിച്ചാല്‍ വൃദ്ധനും യുവാവായിത്തീരും .

ചാര്‍ങ്ഗേരി ഘൃതം

ചാര്‍ങ്ഗേരി ഘൃതം

ചുക്ക്, കാട്ടുതിപ്പലിവേര്, കൊടുവേലിക്കിഴങ്ങ്, അത്തിത്തിപ്പലി, ഞെരിഞ്ഞില്‍, തിപ്പലി ,കൊത്തമ്പാലരി, കൂവളക്കായുടെ മജ്ജ, പാടക്കിഴങ്ങ്, കുറാശാണി, ഇവ കല്‍ക്കമായി പുളിയിലനീരും നാലിരട്ടി തൈരും ചേര്‍ത്തു കാച്ചിയ നെയ്യു സേവിക്കുക. കഫം, വാതം, അര്‍ശസ്സ്, ഗ്രഹണി, മൂത്രകൃഛ്റം, മുക്കല്‍, ഗുദഭ്രംശം, വയറുവീര്‍പ്പ്, ഇവ ശമിക്കും.

വെള്ളുള്ളി

വെള്ളുള്ളി

ലില്ലിയേസിയേ ഫാമിലിക്കാരനായ അല്ലിയം സറ്റൈവം എന്ന ശാസ്ത്രീയ നാമധാരിയെ അന്നുമുതൽ ബ്രാഹ്മണർ കഴിക്കാറില്ല. ഭാരതത്തിലെങ്ങും കൃഷിചെയ്യപ്പെടുന്ന ഒരു വിളയാണ് വെള്ളുള്ളി . പുളിരസമൊഴിച്ചുള്ള അഞ്ചുരസങ്ങളും ഇതിലുണ്ട്. വാതരോഗികൾക്ക് , പ്രത്യേകിച്ച്, ചലനത്തിനു കുറവുണ്ടാകുന്ന , ശരീരത്തിന് ഗൗരവമുണ്ടാകുന്ന കഫത്തോടുചേർന്ന വാതരോഗങ്ങളിലും, വാതത്തിന്റെ ചലനത്തെ തടയുന്ന ആവരണവാതത്തിലും ഇവന്റെ ഗുണം ഏറ്റവും പ്രസിദ്ധമാണ്.

ലശുനം മേധ്യമാണ്, അതായത് ബുദ്ധിയെ വർദ്ധിപ്പിക്കുന്നതാണെന്ന് എല്ലാഗ്രന്ഥങ്ങളും പറയുന്നു. ഫോളിക്കാസിഡ്‌ അടങ്ങിയിരിക്കുന്നതിനാൽ ഗർഭത്തിന്റെ ആദ്യ ആഴ്ചകളിൽ ഗർഭസ്ഥ ശിശുവിന്റെ ബുദ്ധിവികാസം ഉറപ്പുവരുത്തുന്ന വെള്ളുള്ളി കൊളസ്ട്രോൾ കുറച്ച് തലച്ചോറിലേക്കുള്ള രക്തപ്രവാഹം വർദ്ധിപ്പിച്ച് മുതിർന്നവരിലും ബുദ്ധിയെ മങ്ങാതെകാക്കുന്നു. ലശുനം പാലിൽ കാച്ചി ഉപയോഗിക്കുന്ന ലശുന ക്ഷീരം വാതരോഗങ്ങൾക്കൊപ്പം കരൾ, പ്ലീഹാവൃദ്ധി കുറയ്ക്കുന്നതും സ്ത്രീരോഗങ്ങളിൽ ഫലം തരുന്നതുമാണ്.

ദഹനത്തിന് കോശങ്ങളുടെ തലത്തിൽതന്നെ കുറവുണ്ടാകുന്ന ആമവാതം എന്ന അവസ്ഥയിലും ലശുനം എന്ന വെള്ളുള്ളി വിശിഷ്ട ഔഷധമാണ്. രക്തത്തിലെ ഗ്ലൂക്കോസിന്റെ അളവു കുറയ്ക്കുന്നതിനാൽ പ്രമേഹരോഗികൾക്ക് പത്ഥ്യമാണ്. സ്നിഗ്ദത, ഉഷ്ണവീര്യം, മലത്തെ ഇളക്കുന്ന സ്വഭാവം ഇവ മൂലം അർശസുള്ളവർക്കും നന്ന്. റുമറ്റോയിഡ് ആർത്രയിറ്റിസ് എന്ന രക്തപരിശോധനയിലൂടെ വാതമെന്ന് ഉറപ്പിക്കാവുന്ന അവസ്ഥയിൽ വെള്ളുള്ളിയിലെ അല്ലിൻ എന്ന രാസവസ്തു ഗുണമാണെന്ന് തെളിയിക്കപ്പെട്ടിട്ടുള്ള വസ്തുതയാണ്. നേരിട്ട് ഹൃദയദൗർബല്യം കൊണ്ടല്ലാതെ കൊളസ്ട്രോൾ മുതലായവ അധികമായതു കൊണ്ടുണ്ടാകുന്ന BP (രക്താതിമർദ്ദ ) രോഗികൾക്ക് കറിവേപ്പില , വെള്ളുള്ളി, കൊത്തമല്ലി ഇവചേർത്തു തിളപ്പിച്ചവെള്ളം മരുന്നിനൊപ്പം കഴിക്കാൻ കൊടുത്താൽ മരുന്നിന്റെ ഡോസ് ക്രമേണ കുറയ്ക്കാൻ കഴിയും. രക്തദുഷ്ടി ഉള്ളവരും ചുട്ടുനീറ്റൽ , പുളിച്ചു തികട്ടൽ എന്നിവ പോലുള്ള പിത്ത പ്രധാന ദുഷ്ടികൾ ഉള്ളവരും ഒരു കാരണവശാലും വെള്ളുള്ളി ഉപയോഗിക്കാൻ പാടില്ല എന്നതിനാൽ നിങ്ങളുടെ ഡോക്ടറുടെ നിർദ്ദേശപ്രകാരം മാത്രമെ വെളുത്തുള്ളി രോഗാവസ്ഥകളിൽ ഉപയോഗിക്കാവു.

അമൃതിൽ നിന്നുയിർ കൊണ്ടതായതിനാൽ ഏറ്റവും രസായനമായ ഒരുമരുന്നാണ് വെളുത്തുള്ളി. പക്ഷെ സേവിക്കുന്നതിനു മുൻപ് നെയ്യു കഴിച്ച് ശരീരം സ്നിഗ്ദമാക്കി വയറിളക്കി ശുദ്ധമാക്കിവേണം കഴിക്കാൻ . അത് കഫരോഗികളിൽ ഹേമന്ദം, ശിശിരം, വസന്തം ഈ ഋതുക്കളിലും, വാത രോഗികളിൽ വർഷ കാലത്തുമാണ് ചെയ്യേണ്ടത്. ചൂടുകാലത്തെ ഉപചാരങ്ങളും ശ്രദ്ധയും പരിചരണവും ചെയ്തു കൊണ്ട് ഏതു കാലത്തും അത്യാവശ്യമെങ്കിൽ കഴിക്കാം. അമിതമായി വെള്ളം കുടിക്കുന്ന ശീലമുള്ളവർ, ദിവസവും പാൽ കുടിക്കുന്നവർ, അമിതമായി ശർക്കര ചേർന്നവ ഭക്ഷിക്കുന്നവർ എന്നിവർക്ക് ഉള്ളിരസായനം നൽകരുത്. മാംസരസം , മദ്യം, പുളിയുള്ള ദ്രവ്യങ്ങൾ ഇവ ഉള്ളിനീരിനൊപ്പം നൽകുന്നതിനാൽ അവ ഉപയോഗിക്കാത്തവരേയും ഉള്ളി രസായന സേവയിൽ നിന്നും ഒഴിവാക്കണം.