വരട്ടുനാളികേര പാലിൽ വെളിച്ചെണ്ണ

വരട്ടുനാളികേര പാലിൽ വെളിച്ചെണ്ണ

വാത പിത്ത ജനിതം ശിരോരു ജം

നാശയേന്മധുകകല്ക്ക സാധിതം I

നാളികേര പയസാശൃതന്ത്വിദം

തൈലമർദ്ദിതഹരഞ്ചനാവനം II

(വൈദ്യമനോരമ)

വരട്ടുനാളികേരത്തിന്റെ പാലിൽ ഇരട്ടിമധുരം അരച്ചുകലക്കി വെന്തെടുത്ത വെളിച്ചെണ്ണ തലയിൽ തേയ്ക്കുന്നതു കൊണ്ട് വാത ജമായും, പിത്തജമായും ഉള്ളതലവേദന ശമിക്കും

ഇതുകൊണ്ട് നസ്യം ചെയ്താൽ അർദ്ദിതമെന്ന വാതരോഗവും ശമിക്കും

ഇതിനെ മധുയഷ്ടീ കേര ഘൃതം ( തേങ്ങാനെയ് ) എന്നു വിളിയ്ക്കാം

ഇപ്രകാരം

ഏലാദി കേര ഘൃതം

നാല്പാമരാദി കേര ഘൃതം

ലാക്ഷാദി കേര ഘൃതം

രാസ്നാദി കേര ഘൃതം

പടോലാദി കേര ഘൃതം

മുതലായവ തയ്യാറാക്കി ബാലചികിത്സയിൽ ഉപയോഗിയ്ക്കാറുണ്ട്