വേണ്ടത് നവകേരളം

വേണ്ടത് നവകേരളം
-------------------------------

മലകളും കുന്നും കായലും
പുഴകളും തോടും കുളങ്ങളും
തണ്ണീർത്തടങ്ങളും പച്ചപ്പും
നെൽപ്പാടങ്ങളും കൊണ്ട്
മറ്റൊരു  നാടിനുമില്ലാത്ത രീതിയിൽ
ദൈവം അനുഗ്രഹിച്ച നാടാണീ കേരളം
സ്വാർത്ഥലാഭത്തിനുവേണ്ടി
തച്ചുടച്ചു നാം ഇരന്നുവാങ്ങിയതാണീ
മഹാപ്രളയം എന്നോർത്തെടുക്കുമ്പോൾ
ഭയപ്പെടുത്തുന്ന നിമിഷങ്ങളാൽ
മഹാപ്രളയം തച്ചുടച്ചത്
ഒരായിരം പേരുടെ സ്വപ്നങ്ങളല്ലോ
ദുരിതബാധിതരുടെ കണ്ണീരൊപ്പാൻ വീണ്ടുമൊരിക്കൽകൂടി കേരളം കൈകോർക്കുകയാണ്
പ്രളയം വന്നപ്പോള്‍ അതിന്
മുകളിലൂടെ നടന്നാണ് നാമതിനെ
മറികടന്നത് നാടും ജനതയും
ഒന്നായി പൊരുതിയ കഥകൾ
പ്രിയപ്പെട്ടവരെ ഒരു ദുരന്തത്തിനും വിട്ടുകൊടുക്കാതെ സ്‌നേഹത്തിന്റെ
കരുതല്‍ ഇന്നത്തേക്ക് മാത്രമല്ല എന്നേത്തക്കുമുള്ളതാണെന്ന്
കാട്ടിക്കൊടുത്തതാണീ പ്രളയം
ഒരു മനുഷ്യായുസ്സിൽ മറക്കാൻ
കഴിയാത്ത നടുക്കുന്ന ഓർമകളാണ്
നമ്മുടെ പ്രളയം സമ്മാനിച്ചത്
മണ്ണിനെ മനുഷ്യനെ പ്രകൃതിയെ
സ്‌നേഹിച്ചുകൊണ്ട് അല്‍പ്പം
കൂടി കാരുണ്യത്തോട ജീവിക്കാന്‍
കുറച്ചുകൂടി നല്ല മനുഷ്യനായി
ജീവിക്കാന്‍ ഇനി നമുക്ക് കഴിയണം
പ്രളയകാലം തിരിച്ചറിവുകളുടേത്
കൂടിയായിരുന്നു ജാതിയുടേയും
മതത്തിന്റെയും പണത്തിന്റെയും
അതിർ വരമ്പുകൾ ഇല്ലാതായി
അമ്പലത്തിലും പള്ളികളിലും
നിസ്കാര പായകൾ വിരിച്ചു
പാവപ്പെട്ടവനും പണക്കാരനും
ഒരു പാത്രത്തിൽ നിന്ന് കഴിച്ചു
അന്യർക്ക് പ്രവേശനമില്ലെന്ന്
എഴുതിയ ബോർഡുകൾ
പ്രളയമെടുത്തു വിശപ്പിനേക്കാൾ
വലുതല്ല ദുരഭിമാനമെന്ന്
നമ്മളെല്ലാം തിരിച്ചറിഞ്ഞു
ഇനി വേണ്ടത് നവകേരളം
അങ്ങനെ നമ്മുടെ കുട്ടികളും
നാളെ പറയട്ടെ എന്റെ നാട്
ദൈവത്തിന്റെ സ്വന്തം നാടാണെന്ന്

നന്ദി

🌹🌹🌹🌹🌹🌹🌹🌹🌹🌹

ഡോ. പൗസ് പൗലോസ് MS(Ay)

സീതാറാം ആയുർവേദ സ്പെഷ്യാലിറ്റി ഹോസ്പിറ്റൽ